ЗБУНЕТОВА ТЕМА

zbunet напиша: Платата е како кафе. Брзо ќе го испиеш и во талогот си ја бараш иднината.

Ѓаволот никогаш не се врати да биде ангел, така да не чекај да се смилостиват. Можеш само да бегаш или да се бориш.

Цело време го обвинуваме запад, а тие никогаш не ни рекоа да ограбуваме злоупотребувајќи функции и уште повеќе да ги осиромашуваме сиромашните.

Како ќе познаеш дека некој лаже? Ќе му кажеш поинакво мислење од неговото и тој многу бурно ќе реагира.

Што е астролог? Космонаут без диплома.

Што е биоенергетичар? Електричар.

Индивидуална еволуција која никој не може да ја побие е дека со текот на времето секој маж станува мајмун, а секоја жена вештерка.

METALEN GULAB - ELEKTRONIKA

NE ODI BOSA - ELEKTRONIKA

zbunetovi licnosti

Постоење

...светот е составен од тебе, едноставно те живеам, непрегледна си. Зборувај ми за себе за да не лутам, да знам каде ми е местото во секое време. Шетам, се заборавам без замор, светот е сиромав во споредба со тебе.
Не си само планета, ти си цела вселена низ која летам или лебдам, преминувам простори за миг, на полно места пулсираш, на тие места се спуштам привлечен од љубопитност. Многу извори од кои пијам секогаш претварајќи се во нешто друго, најчесто сум ангел.
Ја сакам бурата која ја ствараш, грмотевици како рамка светкаат околу мене, а потоа се сливаат во еден и ме погодуваш за да се распрснам како светлина која допира до најодалеченото место. Нема таква глетка со која може да се спореди, дури и секоја боја е поинаква.
Нема глад во тебе затоа што секојдневно ги обновуваш своите плодови додавајќи им нов вкус и безгрижно се посветувам да те дополнам со мои нешта кои спонтано излегуват. И нови тонови кои се спојуваат со твоите, ечи нова музика која неуморно ја повторувам. Секое ново додавање прави нов пејсаж, те чекам кај водопадот, шумиш гласно и ми се доближуваш заедно со сонцето кое излегува од твојата насмевка. Станува жешко и со поглед ме соблекуваш, гордо пред тебе стојам гол.
Влегуваме во езерото, ми тераш да бидам ајкула, како делфин си погруваш со мене и ме поттикнуваш да навлезам во длабочините до самиот крај.
Можеби си само сон, а јас не сакам да се разбудам, можеби сум само твоја мисла која не се предава на заборавот, вистинито е само тоа кое го сакаме, што и да сме, постоиме повеќе од се’...