Палачинки

СОСТОЈКИ (за 4 лица)
• 125 гр брашно
• 1 јајце
• 300 мл млеко
• 3-4 големи лажици масло од сончоглед
• 1-2 големи лажици кафеав шеќер
• 3-4 круши со извадени семки и исечкани
• шлаг
• малку бренди од јаболка
• две големи лажици путер

ПОДГОТОВКА
За да подготвите смеса за палачинки, земете подлабок пластичен сад. Во него ставете го брашното и малку сол. Измешајте и потоа додадете ги јајцето и малку млеко. Мешајте и постепено доадавајте го преостанатото млеко. Мешајте со миксер додека смесата не стане хомегена. Се остава малку да отстои.

Ставете малку масло во тава за палачинки и налејте малку од смесата. Испечете од двете страни и потоа ставете ја во посебна чинија. Покријте со хартија која ја собира маснотијата. Постапката повторете ја онолку пати колку што имате смеса.

Во меѓувреме, истопете го путерот со шеќер во голем сад за пржење. Додадете ги сечканите круши и пропржете околу 5 минути, односно додека крушите не почнат да се карамелизираат. Подгответе шлаг со малку бренди од јаболка.

На секоја палачинка, ставете неколку парчиња круша и додадете шлаг со бренди. Потоа, палачинката преклопете ја на три пати.

Француски палачинки „Сузет“

„Crepe Suzette“ е француски десерт кој се состои од палачинки со путер, сос од карамелизиран шеќер, сок од портокал и ликер. Палачинките се сервираат фламбирани. Постојат илјадници варијатни, но денес ви го претставуваме основниот рецепт за овој светски познат десерт.

СОСТОЈКИ

за палачинки
• 110 гр брашно
• малку сол
• 200 мл млеко помешано со 75 мл вода
• 50 гр путер
• 2 јајца
• кора од 1 портокал
• 1 голема лажица шеќер

за сос
• 150 мл сок од портокал
• кора од 1 портокал
• 1 лимон, сок и кора
• 1 голема лажица шеќер
• 3 големи лажици бренди или ликер од портокал
• 50 гр путер
• малку коњак или бренди за фламбирање

ПОДГОТОВКА

за палачинки
Ставете сол во еден поголем пластичен сад и просејте го брашното. Направете отвор во средината на брашното и ставете ги јајцата во него. Измешајте добро со жица за мешање, лажица или миксер. Постепено, со постојано мешање, додавајте по малку од миксот на вода и млеко.

Растопете го путерот на оган. Ставете 2 лажици од него во тестото и измешајте. Остатокот користете го за да го намастите садот во кој ќе ги правите палачинките. Додадете кора од портокал и шеќер во тестото.

Загрејте го садот за правење палачинки. Овие палачинки треба да бидат потенки од вообичаените. Намастете го садот со путер и налејте од тестото. Испечете и повторете го процесот додека не заврши тестото. Би требало да добиете 15–16 палачинки.

за сос
Измешајте ги сите состојки, освен путерот. Растопете го путерот на умерен оган, налејте го миксот од другите состојки во тавата и ставајте ги палачинките една по една во загреаниот сос. Преклопете ги на два пати, направете ги во триаголна форма и добро натопете го во сосот.

На крајот доаѓа фламбирањето. Загрејте лажица или црпалка и ставете малку ликер или бренди во неа. Потоа, лажицата вратете ја на оган за да се загрее алкохолот. Потоа, налејте го алкохолот врз палачинката.

Сервирајте веднаш.

Цимет и палента
Наместо само со обично брашно, палачинките може да се приготват и со палента. На тој начин, ќе добиете повкусна палачинка, која може да ја комбинирате со цимет и слатко од капини.

Брусница и јаворов сируп
Сезоната на свежи брусници е кратка, па затоа искористете ја максимално. Една пријатна комбинација од брусници и јаворов сируп ќе направи денот да ви започне одлично.

Боровинки и кора од лимон
Боровинки, кора од лимон и интегрално брашно ќе го претвори декадентниот десерт во здрав појадок. Како за промена, оваа комбинација е одлична.

Рикота сирење и сируп од портокал
Кога ќе додадете рикота на палачниките, знаете дека тие никогаш нема да имаат сув вкус. Ако кон ова додадете и сируп од портокал, имате загарантиран елгантен десерт кој ќе го правите постојано.