Непознат маж вчера вечерта околу 21:30 часот се обидел да ја силува 42-годишната Г.К. во нејзната семејна куќа во Скопје.

Според информациите од МВР, непознатото машко лице ја сретнало Г.К. во дворот, обраќајки ѝ се со зборовите „Госпоѓо може ли да ве прашам нешто“. Во моментот кога таа се доближила до вратата, непознатиот маж ја турнал во куќата, а потоа и во тоалетот, почнал да ја допира по телото, се обидел да ја соблече, а главата ѝ ја притискал кон внатрешноста на кадата, со намера да ја силува.

Сепак, Г.К. успеала со рацете да фати средство за чистење со кое го испрскала во пределот на очите. По ова лицето се повлекло, а таа се обидела да ја отвори влезната врата и да побегне. Во тој момент лицето, на кое панталоните му биле спуштени до колена, повторно се обидело да ја соблече, но таа успеала да му зададе неколку удари со ножици во пределот на телото и лицето по што непознатиот маж се повлекол и избегал.

Полициската станица Центар превзема мерки за пронаоѓање на лицето.

Гуд џаб ... Браво за женава...Ах како не успеала да го кастрира со ножиците или да му ги забие во главата...Ма да ако го убиела највероватно нашите слеп правен систем ќе ја бутне зад решетки...