ПЕПСИ ИЛИ КОКА КОЛА?

Рецептот на Coca Cola е строго чувана тајна веќе еден век. Но, изгледа дека конечно ја здогледа светлоста на денот. Страницата Thisamericanlife.org тврди дека ги открила состојките и потребната количина за подготовка на Coca Cola, и тоа во една новинарска статија објавена 1979-та година.

Состојките на пијалакот кој го измислил фармацевтот Џон Памбертон во 1886-та година долго време беа мистерија.

Точниот рецепт на најпопуларниот газиран пијалак се чува во сеф во Атланта, Џорџија, но Thisamericanlife.org објави фотографија од изданието на Atlanta Journal – Constitution на која се гледа како некој човек држи тетратка во која рачно е напишан, наводно, рецептот за Coca Cola.

Рецептот се состои од два дела.

Како што пренесуваат американските медиуми, во рецептот се наведените точните мерила на сите миризливи масла за правење на Coca Cola.

Познато е дека популарниот газиран пијалак содржи неколку миризливи масла, но до сега никој не направи мешавина точно со точно одредена мерка како би се постигнал посакуваниот резултат.

Таа мешавина се нарекува 7X, која го дава единствениот вкус на Coca Cola, пијалак кој се одвојува од сите останати, објави британскиот весник Daily Mail.