Патување - Екстремна авантура

Дали постои разлика помеѓу планинарење и планински туризам?

Патот до Huashan, планина во кинеската провинција Shaanxi ја замаглува линијата помеѓу овие две активности.

Huashan е една од петте свети планини, дом на неколку таоистички храмови, а се наоѓа на околу 150 километри од Xi'an.

Во превод "Hua Shan" е цветна планина, поради тоа што кога се гледа од далечина нејзините врвови формираат цвет.

Планината се состои од пет врвови, од кои South Peak е највисок со 2.160 метри. Познат како "Monarch of Huashan", South Peak е омилен меѓу туристите и покрај опасната 15-километарска патека, со само еден синџир за држење.

Она што ја прави патека поопасна е двонасочното движење: тие што се качуваат ќе се натпреваруваат за простор со оние што одат надолу. Дождот и силните ветрови ќе ги зголемат тешкотиите, да не зборуваме за тоа што најголем дел од посетителите се студенти кои не поседуваат патики за качување, топла облека, или било која друга опрема.

Сега ќе ви опишеме како изгледа качувањето кон врвот.

Првите неколку километри ќе ги поминете во одење по убави поплочени улици, а многупати ќе ви се причини дека е невозможно да стигнете до врвот.

По изминати 4 километри започнуваат скалите – високи, ниски, некаде без заштитни делови и вашиот страв дека нема крај.  На застрашувачката тесна патека има синџири на кои може да се придржувате додека чекорите по неа.

Последниот дел е најопасен и е само за најхрабрите најпрво ќе треба да се движите по тесна патека залепена до планината, а потоа и по даски кои ги заковале локалните жители и кои навидум не изгледаат многу сигурно, но оние кои се движеле по нив велат дека се безбедни.

Зачудува фактот што колку и високо да се качувате насекаде има ресторани, барови, хотели...

Доколку не сте љубител на адреналин или едноставно не сакате да го ризикувате вашиот живот за да се искачите до врвот можете сето тоа да го направите со жичарница, која директно ќе ве одведе до посакуваната цел.

Оние кои успешно ќе се искачат на врвот ќе бидат наградени со поглед на околните планини, како и на Жолтата Река, а оттука ќе го видите и најубавото зајдисонце.

Откако ќе се вратите здрави и живи може да прославите со локалните специјалитети yang rou pao mo (вид на козја супа), желе од грав кое се служи со оцет, тесто со лук и тестенини со чили сос.

А ако повеќе сте заинтересирани за историските знаменитости тука има многу атракции. Shaanxi е дом на Xian, а тука почнува и античкиот Пат на свилата. Тука има 60 палеолитски и неолитски локалитети, 72 гробници на цареви, 20 царски палати, 2604 антички згради, 1200 храмови и манастири.

 

Во Норвешка, во близина на Ставангер, постои една мистериозна карпа, која се издигнува 604m над фјордот Lysefjorden. Preikestolen е веројатно една од најпопуларните атракции во ова место. Од паркингот кој се наоѓа на околу 270m надморска височина, почнува стаза кон врвот на камената платформа, која за од прилика 2 часа ве доведува до котата над 600m, точно над фјордот.

Погледот е фантастичен, но ќе си го дозволат само најхрабрите.

а вака ќе си останеме да  барем засега.