Друмска кафана-пушална III

И културните и економските фактори ќе доведат до изумирање на цигарите, според едно истражување кое е засновано на испитувањето на пушачките трендови и цените на цигарите во последните педесет години. Како што многу медицински истражувања ги откриваат негативните влијанија од пушењето, последователно, многу јавни објекти го забранија пушењето, со што трендот на пушење постојано се намалува во последните педесет години.

На пример, во Британија, во 1960 година повеќе од половината од популацијата биле пушачи; во 2008 година тој процент изнесувал само 20 проценти. Овие бројки ја одразуваат состојбата со пушењето во другите развиени земји. 

Еве три начини кои се предвидуваат за иднината на пушењето. Прво: бројот на пушачи ќе се намали и постепено ќе падне на нула. Второ: помалку луѓе ќе пушат, но постојат закоравени пушачи. Трето: пушењето станува неприфатливо и евентуално ќе се забрани со закон. Ако продолжи овој тренд на зголемување на цената на цигарите  во целиот свет, тогаш за некое време ќе има многу малку пушачи и производителите на цигари ќе мора да се откажат од работа (барем во развиените земји).

Во овие земји се претпоставува дека продажбата на цигари ќе се намали значително до 2050 година, а додека за неколку земји, борбата против пушењето може да трае подолго. Таков е примерот со Кина, каде постојат 350 милиони пушачи, тоа е една четвртина од сите пушачи во светот и консумираат третина од сите цигари во светот. Пушењето е многу поврзано со кинеската култура, и бидејќи Кина е најголем производител и консумент на цигари,  не може да се претпостави каква ќе биде судбината на цигарите во оваа земја.