МУЗИЧКИ ВЕСТИ

Концерт и албум „Со љубов од Тоше“


Скопје, 24 јануари 2011 (МИА) – „Со љубов од Тоше“ е насловен концертот по повод 30-тиот роденден на Тоше Проески што утревечер во Спортскиот центар „Борис Трајковски“ ќе го одбележат негови колеги и соработници.

Во пресрет на денот на раѓањето, најголемата македонска музичка ѕвезда денеска ќе биде одликувана со Орден за заслуги за Македонија од претседателот Ѓорге Иванов поради високите дострели на неговата професионална музичка дејност и придонесот за збогатување и промоција на македонските културни вредности, но и за неговите хуманитарни активности.

На третиот меморијален концерт што го организира фондацијата „Тоше Проески“ утре од 20 часот ќе настапат Наум Петрески, Миле Кузмановски, „Синтезис“, бендот на Тоше, Елена Ристевска, Марко Возељ, Мартин Вучиќ, Антонија Шола, Јоана,  Црвена јабука,  Жељко Самарџиќ и Маја Оџаклиевска...Покрај нив, на сцената ќе бидат и децата од хорот „Златно славејче“ и  членовите на музичкиот кабинет од Крушево кои премиерно ќе ја испеат композицијата „Пасворд“ на музика на Тоше, со стихови на Огнен Неделковски и аранжман на Валентино Скендеровски.

- Концептот е поразличен од двата претходни меморијални концерта за македонската ѕвезда. Овојпат идејата ја дадоа фановите. Тие сакаат целата вечер да го носи „печатот“  на Тоше, да ги слушаат неговите песни, да го гледаат неговиот ведар и насмеан лик на видеоснимки, кои ќе се прикажуваат на три лед-екрани, и да ги пеат неговите песни заедно со пејачите кои ќе пеат на сцена, информира фондацијата.

„Со љубов од Тоше“ е насловено и цедето што ќе биде објавено утре. Овој, трет постхумен албум на Тоше содржи  15 песни, од кои 12 се од светската рок-антологија кои Тоше ги изведуваше на своите концерти, две песни се познати хитови,  досега неслушнати во негова интерпретација (од Елтон Џон и од Витни Хјустон), а  15-та песна е „Наслони главу на моје раме“, која деновиве е промовирана на радијата. Автори на песната се „Тути фрути“, Нино Нинчевиќ и Миро Буљан. За неа има и видеоспот снимен во Загреб. Деновиве на радиостаниците се емитува и песната  „Can You Feel The Love Tonight“, која пред неколку години Тоше ја снимил во своето домашно студио.

Концертот ќе го снимаат повеќе телевизии од Балканот. Ќе се одржи со поддршка на ЕВН и „Аворд“ и под покровителство Министерството за култура. Влезниците се 250 денари и приходот ќе биде наменет хуманитарно.

Министерството за култура денеска ќе им додели 75 бесплатни билети на децата од Домот за деца без родители „11 Октомври“, Јавната установа за деца со социјално-воспитни проблеми и од СОС Детското село.

За  30-тиот роденден на Тоше е завршена и изградбата на спомен-куќата во Крушево, но објектот ќе  биде официјално отворен откако во него ќе бидат сместени сите предмети на Тоше и експонати од семејството Проески.  Големата музејска збирка која ќе раскажува за животниот и уметничкиот пат на Тоше  ќе биде внесена во спомен-куќата во координација на Министерството за култура и фондацијата „Тоше Проески“.

Џо Кокер доаѓа во Скопје на 15 јуни

 

Влезниците, како што информираат од Авалон, ќе бидат пуштени од 1 март, а за цените на овој рок настан за оваа година дополнително ќе известат.

„Се трудиме во една сезона да опфатиме концерти кои ќе понудат два-три типа на различна музика. За рок-концерти минатата и предминатата година ги подготвуваме Сантана и Боб Дилан, а за оваа година решивме тоа да биде Џо Кокер. На овој концерт работевме шест години. Во регионот до сега настапувал во Бугарија, Хрватска, Србија, Словенија, па успеавме да го вклопиме во слободен термин што го има во јуни,“ изјави за „Макфакс“, Бобан Милошески од Авалон продукција.

Овој неприкосновен уметник во неговата четиридецениска кариера има објавено 21 студиски, и четири албуми во живо кои се продадени во милионски тиражи.

Има освоено Греми, Златен глобус и Оскар, а е еден од ретките британски музичари кои е добитник на ОBE (Order of the Brtish Empire).

Меѓудругите големи хитови ги испеа: „You can leave your hat on“, „Unchain my heart“, „With a little help from my friends“, „Summer in the city“ „I put a spell on you“, „When the nights come“, „You are so beautiful“, „Up where we belong“.

Ален Славица во Скопје ќе пее за вљубените

"Драго ми е што по две децении повторно се среќавам со македонската публика, која отсекогаш ме поддржувала, рече некогашната ју ѕвезда, Ален Славица на вчерашната прес конференција во "Дал Мет Фу". Ален во Скопје дојде два дена пред неговиот утрешен концерт во Универзална сала во 20 часот, во организација на "Бест примус" , додека групата "Даире бенд" од Нови Сад што ќе го придружува на сцена пристигнува утре.
-Ветувам добра забава, пеење, уживање за сите, изјави поп-пејачот.

Национален избор за Евросонг

 

Од годинава, новитет е наградата за интерпретација, која ќе го носи името на Тоше Проески и која е во договор со Фондацијата Тоше Проески. Наградата изнесува 1.000 евра. Исто така, традиција од годинава ќе биде и доделување на награда за луѓето што придонеле за успешноста на Скопскиот фестивал.

 

Еве го редоследот:

Наслов на песна - Изведувач
Музика / Аранжман / Текст

1. "Кук*рику" - Рок Агресори
Зоран Трпков / Александар Ристовски - Принц / Зоран Трпков

2. "Те краде тој" - Боби Мојсоски
Лазар Цветковски / Лазар Цветковски / Огнен Неделковски

3. "На крај" - Оливера Ѓорговска
Гоце Симоновски / Гоце Симоновски / Раде Врчаковски - Врчак

4. "Знаеш ли" - Ангелина Стојаноска

Даниел Митревски / Даниел Митревски / Петар Димитровски / Ирена Димовска

5. "Остави политика и појачај тон" - Скипи и Тајзи

Горјан Јовановски - Скипи / Горјан Јовановски - Скипи / Драган Величковски – Тајзи

6. "Последна песна" - Амир Ибраимовски & Арт Саунд

Јован Василевски / Јован Василевски и Глигор Кондовски / Јован Василевски

7. "Параноја" - Емилија Гиевска feat. Андреј Миске
Бобан Апостолов - Џани / Бобан Апостолов - Џани / Зоран Рудан - Цеки

8. "Не се менува љубовта" - Ристе Тевдовски
Милан Миланов / Лазар Цветковски / Милан Миланов

9. "Рам там там" - Мартин Србиновски

Мартин Србиновски / Гоце Симоновски / Мартин Србиновски

10. "Божји патеки" - Лидија Кочовска
Александар Чекреџи / Александар Чекреџи / Маја Павловска - Сотироски

11. "Лажеш дека не боли" - Горан Каргов
Хрис Марин / Владимир Дојчиновски / Петар Ацев

12. "Лудост" - Здравка Мирчевскa
Здравка Мирчевскa / Кирил Бабамов / Здравка Мирчевскa

13. "Грешка" - Наташа Малинкова
Столе Аврамов / Зоран Алексиќ / Менче Аврамова

14. "Koшмар мој" - Иле Спасов
Иле Спасов / Иле Спасов / Огнен Неделковски

15. "Секогаш некој повеќе вреди" - Филип Јордановски
Блаже Темелков / Дарко Тасев / Блаже Темелков

16. "Не ми требаш" - Наталија Славева
Зоран Алексиќ / Столе Аврамов / Зоран Алексиќ / Даниел Ванков

17. "Коцкар" - Иван Јованов & Денис Екс
Иван Јованов и Јован Јованов / Иван Јованов / Денис Хајдаревиќ

18. "Секој ден" - Offside
Милан Миланов / Гоце Симоновски / Милан Миланов

19. "Русинка" - Влатко Илиевски

Глигор Копров / Владимир Дојчиновски / Владимир Дојчиновски / Јован Јованов / Марко Маринковиќ - Слаткар

20. "Не враќај се" - Водолија
Ристо Апостолов / Ристо Апостолов / Ристо Апостолов

Концертот на Масимо Савиќ одложен за мај

Концертот на хрватскиот кантавтор Масимо Савиќ, кој требаше да се одржи на 19 март во Универзалната сала во Скопје, се одложува за шести мај.
Од "Авалон" продукција велат дека концертот е одложен поради многуте нивни обврски со многуте концерти кои се закажани во Белград и во Скопје. Хрватскиот пејач и композитор, кој важи за еден од најквалитетните вокали во екс Југославија, до сега во Скопје имаше клупски свирки и гостуваше на неколку манифестации, а ова ќе биде негов самостоен концерт по долго време.
Масимо Савиќ , својата кариера ја започнал во 1983 година, како основач на легендарната њу вејв група "Дориан Греј", која со својот прв албум " Сјај во темнината" (Сјај у тами) доживеа фантастичен успех. По два издадени албуми со групата, Масимо продолжи со соло кариера, која најголем успех достигна со албумите "Вештина 1" (Вјештина 1) и "Вештина 2", албуми на кои Масимо со својот уникатен глас ги препеа најголемите Југословенски поп и рок хитови. Има снимено вкупно 16 албуми, и добитник е награди "Порин" за вокална изведба. "Странец во ноќта" (Странац у ноќи). Масимо Савиќ е актуелен по преработката на македонската традиционална песна "Елено ќерко", која ја испеа на албумот на Гарабет Тавитјан и неговите синови "Македонското срце чука во седум осмини"

Турбо Рок Фестивал,кој ќе се одржи на 11 март во Метрополис Арена ја сочинуваат,од нашиот југ накај север:

1.Влатко Стефаноски  Трио(МК),
2.Дисциплина Кичме(Ср),
3.Забрањено пушење(БХ),
4.Психомодо  Поп(ХР)
5.Лет 3 (ХР)

Владо Георгиев во Скопје на 28 мај

Црногорскиот кантавтор Владо Георгиев ќе одржи концерт во Скопје на 28 мај, во Арената "Борис Трајковски", најави "Гуливер милс". Скопје ќе биде еден од првите балкански градови каде што Георгиев ќе ги промовира песните од новиот албум кој треба да излезе саледниот месец.
Владо беќе специјален гостин на концертот на Оливер Драгојевиќ кој се одржа на 5 март, и најави дека наскоро ќе одржи солистички концерт во Скопје, по седум години пауза. Работниот наслов на албумот кој излегува по осум години дискографска пауза е "Далечина" (Даљина). До сега, Георгиев има издадено два албуми: "Навика" во 2001 година, и "Жена без име" (Жена без имена) во 2003 година. Негов последен хит сингл е "Еј ти". Поради романтичните балади, канатвторот важи за еден од најпопуларните пејачи кај женската публика. Во српските медиуми често се пишува за неговата бурна врска со неговата пиар менаџерка Ирена Маркет која последен пат ја обновија во кон крајот на минатата година. Во интервјуто за "Вест", Георгиев не откри дали е во врска, но изјави дека секогаш е вљубен, но не верува во бракот.
" Не сум од оние кои многу веруваат во институцијата брак. Денес е време на разводи, се живее пребрзо. И некако луѓето ми се отуѓија. Лично мислам дека е доволно да живееш и да се сложувбаш со некого, а бракот, свадбата и хартиите се небитни", рече Георгиев.
Од "Гуливер Милс" најавуват дека на концертот ќе има изненадувања кои допрва ќе ги откријат