Инциденти во училиштата...

Вооружена група претепа професор и ученици во средното хемиско!

Изменето од *moon* - 31.Јануари.2011 во 17:29

Вооружени лица нападнаа средношколци во Хемиското училиште

Група вооружена со ножеви и шипки со маски на лицето претепале неколку ученици, а со нож раниле професор и еден ученик во средното хемиско училиште „Марија Склодовска Кири“ во Скопје.

Инцидентот се случил околу 12 и 30 часот кога десетина маскирани луѓе упаднале на часот по физичко и почнале да ги тепаат учениците, тогаш професорот при обид да ги раздвои е прободен со нож во грбот, а ученикот е ранет во текот на тепачката.

Другите тројца ученици се повредени во тепањето. Учениците на средното хемиско се згрозени од настанот за кој велат дека се случил поради расправија за некоја девојка од училиштето.

„Девојчињата им кажале дека тука учат“.

„Ова е срамота. Родителите треба да преземат мерки“ велат ученици.

Директорот на училиштето немал ангажирано обезбедување, бидејќи мислел дека немало потреба. Средното хемиско го посети и градоначалникот на Скопје Коце Трајановски, кој најави преиспитување на начинот на кој се обезбедуваат средните училишта.

„Нивните расправии се обично надвор од оградата, меѓутоа во училишниот двор и во зградата во овие 40 години е прв пат“, вели Павле Павлов, директор на средното хемиско училиште.

„После ова, ние уште еднаш ќе го разгледаме системот на безбедност на средните училишта, меѓутоа можам да ви кажам дека ова се инцидентни случаи, кои што навистина ретко се случуваат и врз основа на ова ние ќе преземеме одредени мерки“, рече Коце Трајановски, градоначалник на град Скопје.

Од МВР велат дека е приведена групата која е осомничена дека учествувала во инцидентот и со нив се разговара околу мотивите за нападот. Приведените се на возраст од 17 до 18 години и сите се од скопското село Орланци.

Повредените ученици и професорот се примени во Ургентниот центар, од каде информираат дека нивната состојба е стабилна и дека не се работи за посериозни повреди, и најверојатно сите повредени уште утре ќе бидат пуштени дома.

Ова не е прв пат средношколците расправиите да ги завршуваат со ножеви. Пред два месеца пред гимназијата Орце Николов, седумнаесетгодишен средношколец заврши со убодна рана во срцето од негов врсник.

http://a1.com.mk/vesti/default.aspx?VestID=133700

ете,сакавме да бидеме Америка и ни се случува Америка...прашање на време кога ножовите ќе ги заменат со пиштоли

Видете во Србија, како им пресудија на насилниците на францускиот навивач...така требе и кај нас...да се свати дека сериозна работа е силеџиството и опасна но и казнива и тоа построго...

Колку нашите деца се сигурни во училишните клупи? Долго време ги убедувам родителите, во училиштето во кое учи и моето дете, за значењето од присуство на обезбедување во училиштето, но тие постојано ми враќаат со одговорот: „Од кого тоа треба да ги штитиме нашите деца?“ Што мислите Вие за тоа?

Ane09 напиша: Колку нашите деца се сигурни во училишните клупи? Долго време ги убедувам родителите, во училиштето во кое учи и моето дете, за значењето од присуство на обезбедување во училиштето, но тие постојано ми враќаат со одговорот: „Од кого тоа треба да ги штитиме нашите деца?“ Што мислите Вие за тоа?

Ние веќе дебатираме за ова

mamamd напиша: Искрено многупати се дебатирало околу ова-пониска вредност или немање критериуми за почитување законитост, па дури и немање сенс за спроведување казни. Денеска околу случајот со хемиското училиште (нели секое  чудо за три дена) чув еден ваков коментар - Како кај децата да се изгради правилен однос кон нештата кога на прво место затаила државата (институциите-законитоста) . Во Македонија ти бараат потврда дека не си осудуван за вработување, ама не бараат за пратеник (демек народот го бирал кандидатот). Значи, децата гледаат дека некој кој бил осудуван може да биде политичар, да живее лагодно, да зема плата на државна сметка. - На филмови (па нека е само на филмови) гледаме како по западот за одредена личност се има “досие“ за однесување уште од градинка. Кај нас да побараат едно пишано зборче за пр. овие вчерашниве маскирани кои упаднаа во училиштето нема да се најде ни збор дали/нели имале нарушено однесување, биле ли известени родителите, дали/нели се толерирало нивното добро/лошо однесување. Ко што рече една моја пријателка -училишните педагози-психолози даваат изјава ко да се портпароли само кога ќе се случи нешто лошо,обавезно информирајки општо. Никој не се прашува дали родителите треба да сносат одговорност (барем за малолетните прекршители), дали тие го толерирале лошото однесување на своите деца? Ако сакаме нешто да промениме-мора да почнеме од негде. Треба овие сега да ги “изгорат“ убаво, за да биде предупредување за некои други ако посакаат во иднина да направат нешто слично. И пак ќе речам- незнам дали е пониска вредност- или е само немање сенс за живеење по некои норми?

Зарем треба да се “дебатира“ за ова
Десетина минути не се знаеше кој кого удира. Беше пеколно. За да ги раздвои се вмеша професорот Николовски, но и него го ранија со нож. Едвај успеавме да се извлечеме настрана и од страв се затворивме во училница, а заради некаква сигурност ставивме столче на врата - велат учениците.
Според информациите со кои располагаме, двајца за кои се претпоставува дека биле дел од синоќешниот инцидент пред три-четири дена биле во Хемиското училиште, но само накратко. Наводно се расправале за ученик од трета година. Но бидејќи не го нашле си заминале.
Маскирана банда упадна на настава во Хемиското училиште
Сите,од директор, до министер, до психолог кој даваше изјава, насилниците, родителите нивни..нека палат свеќи и нека се молат на бога што не настрадал смртно никој. Ако ваквиве појави не се аларм дека во образованието, меѓу најмладите нешто не е како што треба, незнам што понатаму.
Министерот под итно МОРА да го спроведе она со советодавна служба. Државниот инспекторат МОРА да оди од училиште до училиште и да побара досиејата за разговори, советувања, средби, преземени мерки за дца со нарушено однесување. Некој мора да одговара. Доста се замижува пред проблемите.
Ова зборува дека нити родителите, нити директорите, психолозите, педагозите на знаат што им се случува во, пред училиштата, домовите.