Србија ја подрива Македонската влада

Клопчето полека почнува да се одмотува...


Тадиќ и Ѓилас се замешаа во подривањето на Македонија?!

Ако во првиот случај сврзан со „Надеж“ преку висок функционер на СДСМ, Ана Павловска Данева, бевме информирани дека словенечкиот актуелен премиер Борут Пахор учествувал (советодавно и посреднички) во обидот за уривање влада во друга држава, тогаш со активирањето на „догодио се народ“ и „балван-револуцијата“ Борис Тадиќ влегол директно во подривањето на Македонија

Опасни балкански игри

По сé изгледа дека лидерот на СДСМ за џабе ни списка 340 илјади евра за неупотреблива стратегија за рушење на демократски избраната власт со сé уште реално висока доверба кај населението. Словенците своите лесни пари ги заработија така што понудија австро-германска софистицирана варијанта за соборување на тврдокорната балканска власт преку разни тематски хепенинзи на аматерски НВО-дружини раководени од неуспешни режисери. Но, се чини, дека клиентот на Бихаќска имал во ракав уште еден изведувач на работи, кој е мајстор за изведба на „догодио се народ“.

Се чини дека на 25 ноември минатата година одеднаш од виенски валцер прејдовме на драгачевски труби.

Зашто она што се случуваше во вечерните часови на 25 ноември минатата година пред и во А1-телевизија нема теоретска подлога во „Надеж“. Срцевината на тоа сценарио или стратегија беа трибините, карваните, симболичните востанија со продуховени востаници - главно припадници на невладиниот сектор.

Она, пак, што се случи или подобро што требаше да се случи на 25 ноември пред А1 укажува на поинаква стратегија која треба да доведе до силовито рушење на власта и преземање на контролата над институциите. За таква изведба се нужни електронски медиум, добар повод што би бил одлично спинуван, за на него да се налепи критична маса и политичка сила со добра инфраструктура.

Овој вид политички изведби беа стандарден шаблон по кој беа изведувани сите источноевропски кадифени, шарени и какви не револуции кога требаше да се соборат комунистичките режими. И затоа беа успешни.

Македонија, која или доцни или преранува со „ивентите“, како да има вградена фабричка грешка. Пак го промаши времето. Две децении подоцна, примената на ваквиот модел на политичка борба не само што не ги произведе истите ефекти туку се покажа поразителен по угледот и интегритетот на нарачателот, зашто нормална законска контрола од страна на институциите врз некоја фирма, која во случајов со години изигрувала екстериторијалност во однос на државата и системот, едноставно не може да биде добар повод за на Македонија да и се случи народ. Уште помалку тоа може да биде сенародно тутунарско востание и тоа, две децении откако е урнат самоуправниот социјализам.

Реконструкцијата на таа драматична вечер пред А1, „маршот на угнетените“ и тутунарските балван-изведби упатуваат на тоа дека изготвувачот на македонската „демократска“ револуција им увалил на „револуционерите“ лоша копија на сценарио на Мир-Јам по кое српската државна телевизија снима високогледани сапуници за романтични наивци, кои за големи пари им ги шиткаат на македонските неинвентивни приватни телевизии. Оваа што е предмет на нашиот интерес е тесно сврзана со делувањето на бизнисменот и политичарот Драган Ѓилас. Човекот во моментов е градоначалник на Белград и потпреседател на владејачкиот Демократски сојуз. А во Македонија има три фирми што се занимаваат со сите форми на пропаганда. „Мултиком груп ДОО“ активна во БиХ, Црна Гора и во Македонија и ја контролира продукциската куќа „Емоушн продакшн“ во која Ѓилас има 25 отсто сопственост.

Врските на ДС (Тадиќ и Ѓилас) со СДСМ одат преку Аленка Димитриовски, вработена во конзуларното одделение на македонската амбасада во Белград, која е непосредна врска кон Ѓилас и Влаховиќ, а Виктор Димовски е контакт на СДСМ кон Белград, Министерството за надворешни работи, Јеремиќ и ДС. Финансиските врски на СДСМ и ДС на Тадиќ одат преку Драган Живковиќ, директор и косопственик на „Уфа медија“, Агенцијата за маркетинг „Медија хаус“ и СВРСА. Не случајно на маршот што го организираше СДСМ ја видовме пејачката Цветанка Ласкова.

Кој во Брисел ги поддржува?

Ако во првиот случај сврзан со „Надеж“ преку висок функционер на СДСМ, Ана Павловска Данева, бевме информирани дека словенечкиот актуелен премиер Борут Пахор учествувал (советодавно и посреднички) во обидот за уривање влада во друга држава, тогаш со активирањето на „догодио се народ“ и „балван-револуцијата“ Борис Тадиќ влегол директно во подривањето на Македонија.

Обете замешателства значат опасни балкански игри. И нив македонската држава мора докрај да ги разголи, на нив соодветно, пред меѓународните форуми, да реагира, зашто се работи за држави кои или се или ќе бидат дел од ЕУ. Прашањето е дали, кој и зошто во Брисел поддржува вакви валканици? Валканите игри околу Македонија на ваков или сличен начин не говорат за европеизација на Балканот, туку за безобразен континуитет на навиките на некои македонски соседи и „пријатели“ да ја сметаат за паричка за поткусурување.

Ако се согласиме дека словенечката „Надеж“ е целосно разјаснета и во поглед на нарачателот, сценаристите, режисерот и глумците сосе статистите, драгачевското сценарио уште е во почетната фаза на проникнување. На пример, не знаеме со кои пари е платен умствениот труд на еден од најпаметните српски политичари од новата генерација. Кога, зошто и како Драган Ѓилас решил да ја стави во функција својата организациска, инвентивна дарба за активно учество во внатрешните работи на соседна држава? Под претпоставка дека не настапувал шизофрено само како деловен човек што се занимава со пропаганда и од тоа натепал многу пари, за неговата „деловна“ активност мора да знаел макар првиот човек на државата и негов претпоставен, Борис Тадиќ. Ѓилас, како исклучително интелигентен човек, веројатно бил свесен дека откривањето на ваков скандал во кој би бил вплеткан висок функционер на владејачка партија на соседна држава, ќе значи тешка бламажа за новата балканска политика на Србија. Нас, пак, нé чека работа за докрај да ги истражиме и да проникнеме во мотивите на Белград да продолжи онаму каде што застанаа Милошевиќ и Мицотакис во деведесеттите години. Зашто анализирајќи ги настаните сврзани со 25 ноември во кои централна улога имаше А1, неминовно ќе чепнеме во традиционалните братски врски на Атина и Белград.

Неомилен партнер

Нема сомнение дека Никола Груевски за некои политичари во регионот, но и во центрите на моќ не е омилен партнер. И тоа не од демагошки причини што ни се продаваат пропагандно - дека бил недемократ и слично - туку зашто за нивни вкус не е стандарден балкански клиент (со ниска точка на топење) на какви се имаат научено, особено кога се работи за македонските политичари. „Проблемот“ со Груевски, освен неговиот интровертен карактер, необична посветеност, е и начинот на кој ги менаџира националните интереси, а е со невообичаено голем реформски капацитет.

Во разоткривањето на српското замешателство во македонските актуелни настани појдовме од неколку чудни детали за кои нема рационално објаснување. Прво, многу нападно и истрајно се врши притисок врз лидерите на ДУИ и Демократската партија на Србите да ја напуштат коалицијата со ВМРО-ДПМНЕ. Во случајот со Али Ахмети, за негова дискредитација е активирана уличната лустрација со посредство на пензиониран агент на тајните српски (југословенски) служби кој лиферува досиеја. Во случајот со Иван Стоиљковиќ директивата доаѓа директно од српскиот државен врв, кој во март 2010 година му наредува да ја напушти коалицијата и да се приклучи на таборот на СДСМ. Како и да е, обата лидери се на тапет.

Што се покажа при неодамнешниот испад на Радмила Шеќеринска во Собранието за повод, кој во најмала рака е тривијален. Стоиљковиќ рекол за Камени мост дека е „Душанов“, а тоа таа го почувствувала како навреда на националното достоинство на македонскиот народ дотаму што го испуди Стоиљковиќ од Македонија. Иако лично таа и нејзината партија учествуваа во најстрашното негирање на македонскиот идентитет и национална историја под покровителство на Грција.

Невообичаен детаљ е и неодамнешното интервју на Груевски за Б92-телевизија (која е блиска до Ѓилас, а од лани е во грчка сопственост). Целта на интервјуто беше една единствена: Груевски да биде наведен да признае дека ја краде античката историја на Грција. Во Собранието на Македонија, во серија пратенички прашања до премиерот, Шеќеринска, Бучковски, Макрадули, Бендевска и преостанатите, ги интересираше само „зошто премиерот го именувал Александар како Велики, а не како Македонски“!? Дека се работи за опасна провокација веќе сме објасниле во контекст на настаните што ги очекуваме сврзани со судот во Хаг. Но не сме спомнале дека се работи за сé почести катастрофални фројдовски грешки што ги прават глумците надвор од пропишаното сценарио. Како да не можат веќе да ги сокријат своите тајни еротски соништа сврзани со власта.

Нареден невообичаен детаљ што упатува на српско-грчка ујдурма е експресната промена на најновиот симбол на ресетираниот СДСМ - црвената боја. Од 25 ноември црвеното стана интензивно жолто. Жолтата боја е боја на Демократската партија на Тадиќ. Во Белград членовите на таа партија ги викаат „жолти Срби“. Жолтата боја е и заштитен знак на фирмите на Драган Ѓилас. За метлите, свирчињата, ѕвончињата и другите реквизити од времето на српските денови на отпорот нема да ве замараме.

За крај, ќе спомнеме само неколку информации, кои поминаа незабележано, а се сврзани со А1 и истакнати новинари од ергелата на Рамковски. Фирмите на Ѓилас, „Дајрект медија“, „Овејшн“ и ЛМН цела година блиско соработувале со Велија Рамковски и тоа преку Млаѓан Ѓорѓевиќ, близок соработник на белградскиот градоначалник и советник на Борис Тадиќ, Драган Живковиќ, кој ги менаџира интересите на фирмите во Македонија и српскиот амбасадор во Македонија, Тома Ѓурин, бивш воен аташе во Израел и учесник во скандалот околу закупувањето на израелскиот сателит што предизвика афера тешка седумдесетина милиони евра се преостанатиот дел од тимот. Хонорарот за ПР-услугите и сценариото, според некои информации, требало да биде наплатен преку откуп на српските мегахит-сапуници во А1. Како на пример, „Ранетиот орел“, кој по пропаста на „револуцијата“ итно и беше продаден на Сител.

Во февруари 2010 година новинар од А1 што води „независни“ проекти, директно му пренел порака на Иван Стоиљковиќ „да се подготви за рушење на Груевски и Ахмети зашто се работи за потребата од промена на името на државата и да чека да добие инструкции од Белград“. Некој ден пред да се случи настанот од 25 ноември, главните уредници на Алфа, „Вест“, „Утрински“, Алсат и „Дневник“, заедно со Чадиковски и со Геровски биле на заеднички ручек со лидерот на опозицијата и Рамковски. Геровски во својата „острилка“ од 30 ноември 2010 година вели дека нема да ја открие содржината на разговорот зашто бил дискретен, но ги потсетува присутните што ја предале „револуцијата“ дека на тој работен состанок „јаделе“ многу повеќе од него и во квалитет и во квантитет.

http://www.novamakedonija.com.mk/NewsDetal.asp?vest=11711842133&id=9&prilog=0&setIzdanie=22183


.

Изменето од Persej7 - 17.Јануари.2011 во 23:10

Јас помислив дека написот е од Протогер(ов)...А оно ти бил од некој сличен пропагатор...понапреден од времето на АГИТПРОП...но кај ДПМНЕ е забележливо митоманија...конспирации и се така...Инаку во право е написот дека НИКОЈ ВЕЌЕ НЕ ГО ЕСАПИ ПАТОРОТ ...но не само надвор од државава...и во неа...

fiks напиша: Марсовец ја нарече Мирка пропагатор Марсо бе,па ако Мирка некогаш прочита твои постови на форумов ќе мисли дека и првиот и последниот си ги ископирал со помош на копи-пејст. Дај бе кажи мислење во однос на темата или статијата а не гледај кој го напишал...бареш еднаш изнеси мислење твое кое не е апсолвирано на Бихаќка или некои канцаларии од типот на тие во кои Заев јадеше живи луѓе. Ајде го можеш ти тоа

аб е знаеш како е, кога ќе видиш од кого е напишано, претпоставуваш што ќе прочиташ и веднаш ти се одмилува, па макар и да е вистинито или паметно напишано

Нешто “засмрдело“ штом Мирка (без Славка) ја напаѓа Сител телевизија и некои останати Македонско-Српски телевизии (канал 5 има ист примат) што го мијат Македонското мозоче со партизански (и српски) филмови 24/7.

Само чудно, сега (иако тоа го имам пишувано) одеднаш и Србите ни се криви, И бугарите, Грците да не спомнувам, исто така и Албанците. За Европа па воопшто да не спомнувам, таа е највиновната ама тука се Словенците рамо до рамо со нив, само ние како и секогаш сме жртвите. НИЕ кој ни на мравка не газиме. Чесен и работен народ, со генијални лидери, со чесност до коска, ние повторно сме светски виновници за сите состојби на балканот па дури и во светот и затоа сакаат да не уништат тие белосветски непријатели.

Комунистите ни се непријатели број еден, затоа секојдневно ни пуштаат по некое партизанско филмче да не потсетат како биле злобни тие комунисти, како во нивно време не смееле телевизиските куќи ниту да кивнат а да не прашаат а камоли да уринираат...пу пу не дај господ! Ама затоа нашите лидери се потрудија да ја обезбедат слободата на говорот и секој кој е против демократијата ке биден лишен од слобода.

Дали статијата погоре е напишана од пустиот страв од „догодио се народ“ и „балван-револуцијата“ или е уште една нарачка на големиот ни фи.... упс грешка, лидер, за да се заштити демократијата, не знам.

Едно само знам, само мртовецот може да биде оправдан што не превземал нешто за себе и за своите најблиски. Исто така ниту историјата не докажала дека некој вечно владеел како ќе му ќефне на ку.., затоа Мирке не го тапи, ако тебе ти се слеваат хонорарчиња за бладање и за конспирации некој друг па ке го прави спротивното.

Оваа статија полна со доза на страв. Страв од народната казна, и ако е некој мудар ке си го стави прстот на челото и добро ке си размисли каде мисли да го поведе овој народ. Воедно ако навистина мисли за доброто на нардот, тогаш нека почне да допринесува заоа што народот го донел на власт и народот има полно ЛЕГИТИМНО право и да го симне...со кое било средство бидејки некој друг не одбира средства како да ја сочува власта...

Клин се клином избија, џабе не е така речено!

3начи се открива последното проституирање на СДСМ против сопствената држава, а во интерес на оската Србија-Грција (па и Бугарија) со цел да ја освојат власта. Од фактите (повторно) нема бегање, без разлика кој ги пишува и како изгледаат.

Не бадијала германскиот дипломат Герт Аренс во 1990тите година дал оценка дека СДСМ се инсталација: "Љубомир Фрчкоски, како и Владата биле тесно сврзани со српската политичка сцена".

За изборите пак во 2008 година, СДСМ добиваше "донации" од Србија и прати партиски војник во Белград да ги собере. Борис Тадиќ не еднаш беше договаран на изборните митинзи за поддршка на Бранко и на Шеќеринска.

Колку да одговориме на дежурните СДСМ "синоптичари" кои соочени со фактите -- покрај дебаклот што го доживеааа со бранењето на организираниот криминал на Велија Рамковски -- повторно не знаат каде да се свртат: Во Македонија има власт која е избрана на легитимни избори и со стабилно највисок рејтинг по пет години владеење - наспроти опозицијата која е во нокдаун.

Власта во Македонија не е совршена ниту пак безгрешна, ама е првата која спроведува вистински реформи. Тие реформи се нужни во голем дел заради криминалот за време на владеењето на СДСМ кој ја уништи македонската економија. Реформите не секогаш и во секоја фаза се успешни, но се видливи. Такво нешто за доброто на народот и државата со оваа опозиција нема и нема да има.

За жал, опозицијата генерално е таа која што во континуитет не ги поддржува реформите, ги опструира и ги вулгаризира. Јавноста сега има многу јасно на увид кој врши опструкции во општеството, а тоа се инсталациите на СДСМ во Уставниот суд, судството, јавното здравство и Државниот универзитет.

Предавствата и подривачките дејанија на СДСМ се обратни од неговата прокламираната цел за евроатлански интеграции на Македонија -- што никого не зачудува. СДСМ декларативно сака во ЕУ и во НАТО, но без име на народот и државата, дури и без држава, ама со сите нивни стекнати позиции и привилегии. Тоа пријатели, Македонскиот народ едноставно не ви го дозволува.

Изменето од Persej7 - 18.Јануари.2011 во 14:58

Starata pogovorka veli "Bog da me chuva od prijatelite bidejki od neprijatelite samiot se chuvam".

Makedonija treba da se chuva od svoite neprijateli... komshii, a i Bog treba da ja chuva od nejzinite prijateli... komshii.

Новата подривачка политика на оваа власт очигледно се пласира и на форумов...и не само што се пласира туку зема се поголем замав...па и конструкциите...Не видов да се спомнува Сител со српските филмови и јунаци:::Инаку ова создавање на непријатели од се и сешто...таа одлика на диктаторските режими е сфатлива  за оваа диктаторска власт...Криминалот не сака отвореност па и на границите и процесите...

Инаку Протогер(ов) ги пишува тезите и глупостите за заверите и конспирациите...а кога ќе се создадат вештерките ќе се запалат кладите...за да се изгори злото???