A1 под полициска опсада??

Дома > Македонија	< name="txtBaraj" id="txtBaraj" size="30" maxlength="70" ="text"> < name="ctl04" value="Барај" style="font-family: Verdana; font-size: 10px; font-weight: bold;" ="submit">

Власта започна со операција за затворање на А1?

Гоце Михајлоски	Коментари (10)

Дали власта започна со операција за затворање на А1 Телевизија? На седница на Советот за радиодифузија одржана во петокот, членовите блиски до владејачката ВМРО-ДПМНЕ почнале да се интересираат дали со апсењето на сопственикот и на директорот на Телевизијата се исполнуваат условите за одземање на дозволата за работа.

Прашањето го поставил Борис Арсов, но по реакцијата на дел од останатите членови дека станува збор за голема глупост, не побарал точката да биде ставена на дневен ред.

Претседателот на Советот, Зоран Стефановски, вели дека за нив е важно единствено дали телевизијата програмски и технички нормално функционира.

„Нема да ги коментирам различностите во мислењата во Советот, но дефинитивно ние нема да одиме по тоа дали некој сака или има желба да некој биде затворен или да не биде затворен. Ние ќе одиме по законот. Причините за одземање се во член 63, значи имаме ние механизми. Но во моментот, носителот на дозволата А1 важно е да си ја завршува онаа работа во согласност со дозволата која што е дадена. Сите други работи кои што ги слушате се во граница на шпекулирање“, вели Зоран Стефановски, претседател на Советот за радиодифузија.

Борис Арсов и Алма Машовиќ, и двајцата членови на Советот од неодамна по предлог на власта, со својот став се истакнаа и по настаните во и околу А1 минатиот месец. Велеа дека немало никаква полициска опсада на телевизија, ниту спречување во работата и движењето на новинарите.

„Ја ваков медиум кој има дозвола за вршење на радиодифузна дејност токму од Советот за радиодифузија си дозволи да ја прекине редовната програма и јавно да ги осудува државните органи на безбедноста, како извршиле упад во Телевизијата“, рече Алма Машовиќ, член на СРД.

„Доколку постоело некакво попречување, јас колку што видов на телевизија, не само што имаше полиција, туку имаше и група на граѓани кои што е возможно, ако имало попречување, да биде попречувањето на слободното движење на новинарите од страна на групата која што таму била собрана со намера или без намера“, изјави Борис Арсов, член на СРД.

Доколку нема измени на законот за радиодифузија и нема избори, власта ќе го контролира мнозинството во Советот за 15-тина месеци.

Тогаш Собранието ќе избира тројца нови членови на Советот, кои заедно со Арсов и Машовиќ ќе имаат 5 од 9-те гласа, доволно да се изгласа и затворање на А1, ако телевизијата не работи според критериумите на власта.