Кој е Груевски?

Известувачот на државната агенција МИА, кој го следеше самитот во Либија не јави дека до таа средба дошло.

Таква информација нема ниту на интернет страницата на владата, каде се наведени сите останати билатерални средби на Груевски - од оние со грчкиот премиер Папандреу и италијанскиот премиер Берлускони, до средбите со лидерите на Централно африканската република и Танзанија.

„Кроникол“, весник од Зимбабве, објави дека таква средба имало - новинарот на овој весник Цезар Цваји, повикувајќи се на изјава на македонскиот премиер Груевски објави дека на средбата било разговарано за соработка во рамките на соработката меѓу Африканската унија и европските држави, и искористувањето на потенцијалите на Зимбабве. Весникот „Хроникл“, го цитира македонскиот премиер во однос на „како што се наведува илегалното ембарго“, при што Груевски рекол дека Македонија не е дел од таква одлука, бидејќи, Македонија не е дел од Европската унија, и оти смета оти дијалогот меѓу двете страни треба да се интензивира.

Претседателот Роберт Мугабе и владата на неговата земја се најдоа под ембарго од САД и ЕУ, од 2002 година, откако одбија европски набљудувачи на изборите.

За западните земји, Мугабе, кој е на власт од 1980 година е диктатор. Го инспирираше насилното одземање на земјата од белите сопственици.

Одговорен е за задушувањето на демократијата во земјата и слободата на медиумите. Под водство на Мугабе, од просперитетна земја, Зимбабве сега е оаза на сиромаштијата.лл

Ова изгледа почнаа да се групираат сличните...Браво Грујо, на вистинско место отиде  од вистински пример да научиш....