МАСКИ

 Anarchy напиша:

Што ќе ти е образ во денешно време, кога имаш маски за секаква пригода.

Станав невообичаено рано за мене, си ја ставив насмеаната, задоволна, 
ранобудна маска и тргнав накај продавница по леб. Комшиите едвај можеа 
да поверуваат дека сум станат толку рано и беа видно разочарани дека тој
 ден не ќе можат да ме оговараат, да рашират низ цела улица дека сум се 
прибрал дома на сабајле. 

Откако поручав почнав да се спремам за на факс, тој ден имав испит. Ја 
ставив глупата фаца на бубалица, залижана коса, наочарчиња, кошулче 
запетлано до крај. Се сопнав намерно пред влезната врата од амфитеатарот
 до која стоеше асистентот. Сигурно си помисли, овај е толку утепан, од 
толку што учи, дури не гледа кај оди. За време на целиот испит само јас 
не му бев сомнителен и само јас препишав. 

Кога појдов дома, моите се спремаа за излегување и ми кажаа дека попот 
треба да дојде за да свети вода и да направи некои други обичаи за 
Велигден. Затоа што јас требаше да го пречекам, а јас нит верувам во 
религија, нит во некои такви рабојќе, ја ставив маската на верник. Кога 
дојде попот едвај издржав да не се изнасмеам кога слушав како чита од 
библијата со неговиот зарипнат глас. Ја благослови мојата маска, со која
 го бакнав крстот и истата таа маска му даде 200 ден. за таа услуга.

Наредно требаше да излезам со мојот најдобар другар на кафе, со две 
негови другарки. Едната му се допаѓа, а таа не оди никаде без таа 
втората. За да не е сам, мораше да прифатам и јас да одам. А, јас не 
можам ни да ги смислам тие двете. Ама, се за доброто на другите, нели. 
Лицемерна маска, здодевен еден час. Од што се смеев со сила цело време, 
мислам дека ќе добиев лик сличен на Џокер. А, отспротива седеше една 
девојка, која јас многу ја симпатишем, ама како да ставам шмекерска 
маска, а да не му заебам работа на мај бест френд?

Потоа требаше да пречекам многу важна пратка од еден дистрибутер кој 
доцнеше 4 денови!!! Само што го здогледав сакав да му го сменам личниот 
опис, ама јбг greatful mask. Уште на крај, фала за услугата му реков.

Видно изморен од денот полн со активности се прибрав дома, ја ставив 
маската за невидливост за да не ме замара повеќе никој и ја пуштив

				http://www.youtube.com/watch?v=9VnSIeK-l4c

Среќен човек, со оган во рацете и со полно маски. 

Што ќе ви е лице, кога и онака лесно може да биде огрдено со лузна.

Џими, опасен си 

Изменето од kejt-d-grejt - 04.Април.2010 во 23:21

Внеси реплика	страница <1 5 678 9 10 >
Tweet