Мистериозни Организации

 

Најтаинствената секта на Римокатоличката црква е моќна организација, која од средината на осумдесетите била срце на структурната моќ на Ватикан и се вика Опус Деи.
Таа е организација што е исто толку фундаменталистичка од христијанската страна на духовната завеса, како и Тураби и неговите следбеници од исламската.
Зад оваа организација стојат личниот секретар на папата, неговиот портпарол, дел од министрите, а нејзините членови биле и директни и најблиски соработници на папата Јован Павле II. Ширум светот брои околу 80 илјади членови.
Нејзините членови се насекаде, а сепак никаде не се гледаат. Тие се контрадикција и во термините и во методологијата. Нејзините цели биле и остануваат скриени, само се знае дека се чисто духовни.
Опус Деи е длабоко вмешана во духовната помош на своите верници, а била и инфилтрирана во политичката, финансиската и образовната инфраструктура на многу земји, преземајќи ја контролата над финансиите на Ватикан, војувајќи против Теологијата на ослободувањето во Латинска Америка, против марксизмот во Европа, преобликувајќи го светот по перестројката. Во последно време својата главна задача ја фокусира на спротивставување на појавата "Источна оска", поточно на централната исламска оска.

Оваа организација води осум универзитети и осум институти за високо образование ширум светот, контролираат комплекс на радио и ТВ мрежи, како и издавачка куќа, што ги прави медиумски гигант.
Нејзините членови се програмирани да не ги доведуваат во прашање намерите на внатрешната хиерархија и ригорозно да се покоруваат на претпоставените.

Иако оваа тајна организација е мајстор на модерната технологија, нејзините корени се средновековни. Нејзин основач е Хоземарија Ескрива де Балагер, кој не бил ни бискуп, а имал поголема моќ од многу кардинали.