Носите ли часовник?

Не многу одамна, не можевме да си го замислиме животот без рачниот часовник, и малкумина беа оние кои излегуваа од дома без него.

Но, времињата се менуваат и изгледа дека часовниците го "изработеа" своето.

Оваа прилично драстична промена во доживувањето на светот е предизвикана од "поплавата" од уреди како што се мобилните телефони, "iPod" и лаптоп компјутери кои, покрај другите обилни информации кои ни ги даваат, не известуваат и за точното време.

Повеќето испитаници кои учествувале во анкетата на компанијата "Mintel", која се занимава со истражување на јавното мислење, велат дека кога сакаат да дознаат колку е часот, погледнуваат во мобилниот, а не во часовникот.

Рачни часовници сеуште имаат 86% од испитаниците, а мобилни телефони имаат повеќе од 90% од нив.

Ако се земе во предвид дека новите генерации растат покрај се посовремени технички уреди, каде секој модел со квалитетот и карактеристиките го "шие" претходниот, тивкото отчукување на времето веројатно наскоро ќе отиде во заборав.