Секс Зезање..се што не можат другите теми

Најново истражување покажа дека двојките кои го одложуваат сексот до венчавката, подоцна уживаат во посилната и подобра врска.

Научниците од Универзитетот во Јута прашале 2.035 лица во брак кога го имале првиот секс со својот партнер. Анализата на добиените резултати покажаа дека двојките кои чекале со првиот секс до бракот подоцна уживале во многу поздрави односи со партнерот од оние кои воделе љубов во раната фаза на врската.

Истражувањето покажало дека 22 отсто од оние кои на секс чекале до првата брачна ноќ имале стабилен однос, 20 отсто  биле задоволни со врската, 15 отсто имале подобар квалитет на сексот, додека 12 отсто од двојките имале и подобра комуникација.

Истражувачите ги поддржуваат одлуките на некои славни лица, како Лиза Кудроу или Браќата Џонас, кои на секс чекале до бракот.

Иако е вообичаено двојките да ја истражуваат сексуалната компатибилност со своите партнери пред почнувањето на врската, истражувачите се согласиле дека премногу внимание се посветува на физичката страна на врската, а помалку на довербата, лојалноста и искреноста.

Водачот на истражувањето, професор Дин Басби, изјави дека откриле дека оние кои чекале подолго, биле задоволни со сексуалниот аспект на својата врска.

- Верувам дека тоа е затоа што научиле да разговараат и да ги решаваат проблемите кои им доаѓаат, изјави Басби.

Со него се согласува и Марк Реџнерус, автор на книгата за секс пред бракот, кој објаснува дека избрзаниот секс влијае врз неразвивање на факторите што односот го прават постабилен, одговорен и доверлив, пишува „Дејли Мејл“.