КАДЕ Е ГРОБНИЦАТА НА КЛЕОПАТРА ?

Според големиот број на археолози по се изгледа дека новата локација каде се претпоставува дека е закопана Египетската кралица Клеопатра може да биде откритие на 21 век. 

До сега се претпоставуваше дека била закопана во Александрија, на локација која е длабоко под морето, но некои нови откритија го покажуваат спротивното. Некои археолози според она што досега го имаат откриено убедени се дека Клеопатра и нејзиниот љубовник Марко Антониј се закопани во храмот на египетскиот бог Озирис, кој се наоѓа високо на еден од ридовите со поглед кон Средоземното Море. Шпекулациите добиваат на тежина бидејќи гробот на Клеопатра уште не е пронајден а можноста дека нејзините слуги и го пренеле телото во храмот на Озирис, 50 км. западно од Александрија добиваат на тежина.

Археолози од Египет и Доминиканската Република планираат оваа есен да почнат со барањето на гробот на Клеопатра. Засега со помош на радари лоцирале три комори на површина 20 метри под земјата. Неодамна исто така во близина бил пронајден гроб со позлатени мумии што држи на претпоставката дека во близина има кралска гробница. Исто така најдени се и ковани пари со ликот на Клеопатра за кои се претпоставува дека ги поседувал Марко Антониј.

Сепак до есен нема да има ископувања од безбедносни причини бидејќи во непосредна близина се наоѓа вилата на египетскиот претседател Хосни Мубарак. Според археолозите ако биде пронајдено телото на Клеопатра тоа ќе биде балсамирано што не би бил истиот случај со телото на Марко Антониј кој ниту е Египќанец, ниту некогаш бил крал.