Рецепти за солени јадења

Полнето свинско филе

Потребно:

* 450 г свинско филе
* 2 чешниња лук
* 2 лажици сечкан магдонос
* 1 јајце
* 80 г чадена сланина
* 50 г кашкавал
* 100 г мелено свинско месо
* 1 лажица зачинал

Приготвување: исчистеното свинско филе засечете го по должина, а потоа исчукајте го во голема шницла. Во меленото месо додајте ги сланината и кашкавалот исечени на коцкички, истолчениот лук, зачиналот и магдоносот, па добро измешајте го сето тоа. Распоредете го филот врз шницлата, завиткајте го во вид на ролат, а ролатот во алуминиумска фолија. Печете го околу 50 минути во рерна загреана на 180 степени.

Потребни состојки:

• 320 грама тестенини (Букатини)
• 30 грама путер
• 1 главичка лук
• 100 грама димена сланина
• 2 јајца
• 80 грама пармезан
• 200 грама грашок од конзерва
• сол и бибер

Печурки на скара

Потребно:

* 300 г шампињони
* 200 г буковка (печурки)
* 300 г домати
* 100 г чадена сланина исечена на тенки парчиња
* 8 парчиња леб
За преливот:
* 4 чешниња лук
* 80 мл маслиново масло
* 1 лажичка сува мајчина душица
* 2 лажици сок од лимон
* 2 лажици зачинал

Приготвување: маслиновото масло измешајте го со истолчениот лук, мајчината душица, сокот од лимон и зачиналот. Печурките добро измијте ги и исушете ги. На загреана решетка од скара испечете ги печурките, исечените домати, сланината и лебот. На секое парче леб ставете по едно тркалце домат, малку печурки, сланина и сето тоа прелијте го со 1-2 лажици од маринадата. Печурките на скара послужете ги со пиво.

Печурки во розов сос

Потребно:

* 2 чешниња лук
* 2 лажици маслиново масло
* 700 г шампињони
* 100 мл вода
* 1 коцка со печурки за супа
* 1 лажица пире од домати
* 1 лажица нишесте
* 100 мл млеко
* магдонос

Приготвување: истолчениот лук кратко пропржете го во загреаното маслиново масло. Додадете ги во него исчистените, измиени и исечкани шампињони, па сето тоа динстајте го околу 20 минути. Прелијте ги печурките со вриена вода во која 5 минути сте ја вареле коцката за супа. Додадете го пирето од домати и нишестето разматено во млекото. Сето тоа добро измешајте го и оставете го да зоврие. На крај јадењето посипете го со ситно сечкан магдонос.

Пиперки полнети со сирење

Потребно:

* 8 бабури
* 500 г овчо сирење
* 3 јајца
* сол
* зачинал
* ситно сечкан магдонос
* масло

Приготвување: исечете им ги дршките на бабурите и оставете ги за подоцна за да ги затворите, па исчистете ги од семките. Испасирајте го сирењето и измешајте го со матените јајца. Зачинете го по желба со сол и зачинал. Полнете ги бабурите со филот, затворете ги со дршките, па ставете ги во загреано масло и испржете ги од сите страни. Пржените полнети пиперки посипете ги со магдонос и прелијте ги со маслото во кое се пржеле.

Бакалар во фолија

Потребно:

* 500 г филети од бакалар
* разновиден зеленчук (по вкус)
* ситно сечкан магдонос
* 1 чешне лук
* 1 лажичка соја сос
* маслиново масло

Приготвување: на малку намаснета со маслиново масло фолија ставете го исчистениот зеленчук. Врз него распоредете ги филетите од бакалар, претходно малку посолени и премачкани со маслиновото масло. Врз нив распоредете ги истолчениот лук и соја сосот. Филетите од бакалар завиткајте ги во фолијата, па печете ги во рерна загреана на 200 степени. Печените филети од бакалар посипете ги со ситно сечканиот магдонос и веднаш послужете ги.

Пилешки стек во сос од сенф и павлака

Испробано