Интензивната шминка значи дека се штитите од околината, ако никогаш не се шминкате - ја отфрлате својата женственост...

Дознајте што говорат за вас навиките кои ги имате со маскарата, пудрата и руменилото!

Силна шминка

Премногу силната шминка има функција на заштитна маска. Жената која се крие зад неа е несреќна. Доколку жената се шминка умерено и одеднаш почне да користи силни бои, психолозите тврдат дека поминува низ критичен период. Силната шминка се толкува и како желба за големи промени.

Без шминка

Жените кои воопшто не се шминкаат не веруваат во својата женственост. Причините за тоа се различни. Откажувањето од шминката може да биде желба за рамноправност со мажот.

Дискреција

Иако не уживаат во шминкањето, овие жени се држат до мислењето на другите. Користат маскара и сјај за усни. Тие не сакаат да се истакнуваат, ги ценат умереноста и добриот вкус. Обично тоа се интелигентни жени кои силната шминка ја сметаат за примитивен начин да се привлече внимание на себе. Во длабочината на душата мислат дека паметната жена не може и не треба да изгледа како кукла. Овие жени, мажите едноставно ги обожаваат.

Истакнати очи

Жените кои со шминката ги истакнуваат очите се добри соговорници. Интелектот и разумот ги вреднуваат повеќе отколку емоциите и сензуалноста. Многу добро ги проценуваат другите, но своите мисли и чувства ги задржуваат за себе.

Како и обично

Секогаш истата шминка ги открива конзервативните жени. Чувствуваат дека секоја промена дури и на нијансата на руменилото може да им ја наруши рамнотежата.

Професионална помош

Жените кои ги шминкаат професионалци не веруваат во себе си и тешко ги одредуваат своите приоритети. Кога одат на шопинг не одат сами, со себе го носат партнерот или пријателката за да помогнат при изборот, грижата за лицето им ја препуштаат на шминкерите и козметичарите.

Шминка

Тренд: Шминката треба да биде што поприродна. Минимална сенка, понежен туш или моливче во сива боја на очниот капак и маскара која ќе ги подигне трепките. За усните неутрално црвенило – месо боја со розевкаст отсјај, а за вечерните излегувања црвен или интензивно розев кармин.

Препорака: Шминката нагласете ја само на еден сегмент од вашето лице, значи или очите или усните. Избегнувајте течни и тешки камени пудри. Пред да го нанесете сјајот со влажна марамица отстранете го вишокот руменило од вашите усни. За посекси изглед во летниот период користете бронзер.