Свети Кирил и Методиј

Акцентот е што би останало од делото на Кирил и Методиј, ако некој не го продолжил.

Истото и со Вулфила. Има нешто од него, ама никому не му е потребно. Останало само во историјата.

Каснакоски напиша: Ејјјјјј, кој бил василевсот бе Македон од 842 г.? Ако и да бил дете, тој е царот. Зошто ги правиш толку заплеткани работите. Извори за врски со Борис има немалку. Тие се отфрлани априори без да има некаква сериозна аргументација, оти се во противречност со ДОМИНАНТНАТА ТЕЗА. Секоја доминација си го има и својот крај!

Михаил III бил Император, но не управувал, ниту владеел. Теодора била Императорка и владеела. Кратко и јасно.

Секако дека ќе бидат отфрлени, кога некои работи се неточни, уште во почетокот, како со мешањето на владетелите.

Каснакоски напиша: Императорка, ама регентка! Управува во името на малолетниот син. Така било и со Ирина до некое време, кога го симнала синот и се објавила за баш-императорка. Значи кај мене нема мешање, ти ако нешто мешаш....

Прво велиш дека е Императорка поради тоа што статусот го влече од Теофил, потоа велиш Императорка ама регентка. Тоа што е регентка нема никаква врска со тоа што е Императорка. Регентите биле повеќемина, вклучувајќи го министерот Теоктист, братот на Теодора, Бардас, но Императорката била една.

Сепак, пак ќе кажам, документот никаде не ја споменува Теодора, а нештата опишани во делото се во времето на владеењето на Теодора, кога таа, како и нејзиниот маж пред тоа, војувала со Бугарите.

Каснакоски напиша: Другите регенти не биле мажи на умрениот император нели?

Секако.
Токму тоа и го велам, не е поврзан статусот регент со титулата Император/Императорка. Мајката на Императорот не му е жена, но и таа е Императорка. Не случајно ја споменав св.Царица Елена, мајката на св.Константин Велики, прогласена за Царица по смртта на Фауста.

Каснакоски напиша: Мајката на императорот Теофил била императорка, зошто била жена на стариот император Михаил.

Не му била мајка на Теофила, туку маќеа.

Каснакоски напиша: За Елена е друга работата. Кога се јавил Константин Велики империјата се управувала по правилата на тетрархијата, измислена од Диоклетиан. Титулата император тогаш имала подруго значење. Тогаш имало 2 августи и 2 цезари.

Константин Велики, во времето кога св. Елена била Царица, бил единствен владетел, Диоклецијан и останатите одамна биле мртви, како и жената на Константин. А да те потсетам, св.Елена не била жена на таткото на Константина.

Уште еден доказ дека не постоела можност за некаква поврзаност меѓу Бугарите и св. Кирил и Методиј е фактот дека Теофил, мажот на св.Теодора, водел војна со Бугарите, во време кога св.Методиј се подготвувал за својата дејност, а како администратор лојален на Императорот, а подоцна и на Императорката, несомнено не стапил во било каква врска со св.Борис.

св.Теодора ја продолжила војната, а св.Кирил и Методиј ја докажале и верноста кон неа, св.Методиј создавајќи закон за Словените, св.Кирил дејствувајќи заедно со Патријархот Методиј и св.Теодора во борбата против иконоборецот Јован.

Од ова јасно е дека тие немале никаква врска со Бугарија и Бугарите во времето на Теофил и св.Теодора.

Каснакоски напиша: Македон напиша: Документот има уште една грешка. Патријархот Јован VII воопшто не бил Патријарх во времето на Михаил III, св.Теодора го детронизирала во 843 година, кога Михаил бил тригодишно дете. Нема никаква грешка и тука си пишува дека бил свержен на саборот, но не се откажал од својата ерес и тогаш се препирал со Константин и т.н.

Тоа е точно, соборот кој св.Теодора го свикала, го осудил Јован, но интересно е што секаде се споменува дека соборот е дело на св.Теодора, а не на Михаил III, како што се споменува во документов погоре. Никој не го слави Михаил, туку св.Теодора, освен погорниов документ.

Каснакоски напиша: Јас се пак си мислам дека царот Михаил со чие сестричиште учил Константин е бугарскиот цар Михаил.

св.Кирил не учел со сестрата на бугарскиот Цар Борис, во житието напишано од св.Климент пишува дека тој нашол приватен учител, а подоцна се преселил во Константинопол, каде бил под влијание на св. Фотиј.

Каснакоски напиша: И во панонските легенди има нешто, Таму пишува дека му нашле на Константин годеница од /заборавив ја точно думата/ род, ама тој се откажал. Тоа пак наведува на сестрата на Михаил-Борис.

Си ги помешал работите. Станува збор за сон. Имено, св.Кирил сонил сон, во кој имало многу жени, кои требале да му бидат претставени нему, за да си одбере една од нив. Арно ама, тој покажал кон некоја убавица Софија (мудрост) и се оженил со неа, станувајќи слуга на Премудроста, која верувам знаеш која е.

Изменето од Македон - 01.Октомври.2010 во 17:27