Патување во Грција

Додека Грција се обидува на секаков начин да привлече што повеќе туристи, Турција е на слатки маки - каде да ги смести сите....

Во скапиот свет на масовниот туризам, грчките проблеми претставуваат благодат за Турција, бидејќи туристите сакаат да ги избегнат земјите во финансиска криза. Грчките хотели и туристичките оператори ги намалуваат цените и персоналот во обид да се вратат во нормала, откако телевизиските снимки од насилствата на улиците и силното евро во почетокот од годинава ги убедија туристите да летуваат на други места. Тоа е лоша вест за Грција, која веќе се соочува со намален економски пораст и буџетски дефицит. Туризмот сочинува околу 15 отсто од бруто-домашниот производ на земјата, а многу економисти сметаат дека летната туристичка сезона ќе биде од критично значење за ослабената економија, за која се предвидува дека годинава ќе се намали за 4 отсто. 

Приходите од туризмот досега се намалени за речиси 9 отсто во споредба со 2009 година, која и самата беше лоша. Во мај атинските хотелиери се соочија со откажување на 30.000 резервации откако насилни протести го потресоа градот...