Светско првенство - Турција 2010

Репрезентативците на Србија ги испратија дома бранителите на насловот Светски Првак, селекцијата на Шпанија, од Светското првенство во кошарка кое се одржува во Турција.

Четвртфиналниот натпревар во Истанбул беше решен на три секунди пред крајот, а носителот на насловот од минатиот Мундобаскет кој беше одржан во Јапонија, беше потопен од Милош Теодосиќ со шут од преку 8 метри.

Иако во поглемиот дел од играта не играше баш најдобро што знае, Милош Теодосиќ беше прецизен кога најмногу требаше. Откако шпанците со забивањето на МАрк Гасол израмнија на 89:89, србите на 25 секунди до крајот го имаа последниот напад на натпреварот, а Теодосиќ го реши сам, без помош на соиграчите.

Ја прими топката и ја држеше до самиот крај на нападот, за да на 3 секунди пред сирената постигне тројка од огромна дистанца преку Гарбакоса кој закасна со поставувањето на блокот.

Србите стигнаа до 92:89, а Шпанците имаа три секунди, но после тајм-аутот одиграа катастрофален напад во кои ја изгубија топката а со тоа и не успеаа да стигнат до евентуални продолженија.