Кафето не треба да се консумира повеќе од три пати дневно или околу 2дл. Иако лекарите не се согласни кога станува збор за тоа колку кафето е штетно или полезно за здравјето, во последно време доаѓаат интересни докази дека кафето всушност е многу добро за нас, сеедно дали е со кофеин или без. Но, лекарите советуваат денот никогаш да не се започнува со кафе, туку со појадок, со цел да не се уништи желудникот.

п.с. она подвлеченото е жива вистина...на своја кожа го имам осетено...

Жени што пијат варено кафе повеќе од четирипати дневно се изложени на помал ризик да бидат погодени од карцином на дојка, во споредба со жените што пијат кафе поретко од еднаш дневно, покажуваат резултатите од една нова студија изготвена на шведскиот универзитет во Умео.

Хит во Македонија - Цртежи на пена од млеко
Ка фе арт е вид уметност, многу популарна во светот. Иако во Скопје е хит само во две-три кафулиња, веќе е добро позната меѓу сите што обо жа ва ат вакви експерименти.
Во нив подеднакво уживаат и гостите и дечките што го шараат кафето. За да излезат цртежите како што треба, потребно им е само ѓезве со топло мле ко, кое го истураат во филџанот полн со кафе, и за 5 секунди об ли ку ва ат некаква слика. Најчесто креираат на капучино, макијато, марочино и на ла те.
"Во секое време од денот, дури и кога кафулето врие од народ, знаеме да ги почестиме гостите со некаков цртеж. Обично ги правиме најлесните, ка ко лист, срце, елка, јаболко, бидејќи се прават брзо. Кога имаме време, цр та ме и пеперутки, јагоди, животни и разни пораки. За да можеме да ги об ли ку ва ме овие слики, бевме на специјална обука во Италија, и засега сме единс тве ни што ја работиме оваа техника, не само во Скопје туку и на Бал ка нот", вели Кире Илиевски, професионален барист и менаџер во "Кафе ди Рома".
da nadopolnime na gore recenoto, ako se misli na ova?

Изменето од *moon* - 07.Август.2010 во 20:37

Обожавам кафе. Љубител сум на секакво. И со еден филџан кафе одат одлично 2 - 3 цигари

Зошто не треба да се откажете од кафето?

Скоро 25 години медиумите и нутриционистите полемизираат околу еден од најомилените пијалаци на луѓето, кафето. Додека со чајот ситуацијата е малку појасна, експертите тешко ги ускладуваат предупредувањата и препораките за тоа дали да се пие кафе или не. Поради тоа ви донесуваме неколку позитивните страни кои се манифестираат само доколку кафето го консумирате во умерени количини.

Главната особина на кофеинот е стимулирањето на централниот нервен систем. Тоа значи дека кафето благотворно влијание врз интелектуалната активност, но само кога телото е во состојба на замор или здодевност. Пиењето кафе по ручекот придонесува за зголемување на концентрацијата и будноста.

Работниците кои обработуваат ноќна смена полесно работат под влијание на кофеинот кој ги намалува и сообраќајните незгоди во ноќните часови.

Научните докази потврдуваат и позитивно влијание на кафето во спечување на појавата на рак на дебелото црево. Но концентрацијата на кофеин потребна за достигнување на овие предности е еднаква на четири шолји кафе дневно, што пак неповолно влијае врз другите телесни активности.

Теоретските анализи со сигурност потврдуваат постоење на антиоксиданси кои позитивно делуваат на срцето и  намалувањето на можноста за појава на било кој облик на рак. За сега не постојат медицински потврди за таа теорија.

Поволното влијание на кофеинот е забележано и кај астмата, но да тоа биде видливо потребно е исклучително голема концентрација на кофеин.

Заблудите поврзани дека кафето го зголемува крвниот притисок, се само делумично точни бидејќи тоа е само краткорочно. После тоа вредноста на крвниот притисок опаѓа повеќе отколку што првобитно пораснал, така да може да се каже дека кафето всушност го намалува крвниот притисок.

Изменето од Valerija - 01.Ноември.2011 во 17:09

Tемната страна на кофеинот

Сите позитивни ефекти  од кафето ни се јасни и познати. На прашањето зошто најчесто се консумира овој пијалок најверојатно сите љубители би одговориле дека кафето е нивна душевна храна која воедно ги држи будни, додека од медицинска гледна точка се поврзува со стимулирање на централниот нервен систем и интелектуалната активност, како и позитивно влијание врз срцето и намалување на можноста за појава на рак.

Но, како и сè останато, и кофеинот има своја темна страна, која треба да ја запознаете, особено ако кафето ви спаѓа меѓу омилените пијалоци.

Најчест проблем кој се јавува заради поголема консумација на кофеинот е чувството на немир и возбуденост.

Пиењето на една чаша кафе дневно, секако, не е опасно, но консумирањето на големи количини на овој пијалок може да предизвика сериозни здравствени проблеми кои го нарушуваат квалитетот на животот.

Имено, кофеинот е вид на дрога и припаѓа на семејството алкалоиди. Како и повеќето други дроги, кофеинот може да предизвика зависност, па во случај да не биде консумиран редовно, постои можност од појава на апстиненциска криза.

Менталната стимулација што ја предизвикува кофеинот е само краткорочен ефект, а неговото често косумирање може да развие проблеми како оние наведени во продолжение.

Анксиозност, несоница и главоболка

Осетливите личности можат да чувствуваат токсични последици од кофеинот со консумирање на само 100 грама дневно, што на пример претставува една чаша чај. Претераната внесена количина на кофеин може да предизвика анксиозност, возбуденост, несоница, главоболка, црвенило на лицето, честа потреба за уринирање, како и желудочни проблеми.

Голема доза на кофеин може да биде сериозно опасна

Анксиозноста предизвикана од кофеинот во некои случаи може да биде толку силна што може да предизвика хипервентилација (забрзано и продолжено дишење). Оваа појава се нарекува кофеинизам. Со кофеинот се поврзува и непријатниот симптом на уморни нозе. Тој синдром, заедно со несоницата предизвикана од кофеинот, резултираат во хроничен замор бидејќи лицето кое ги има овие проблеми нема да има квалитетен сон.

Оваа појава потоа се рефлектира врз сите останати аспекти на животот и на генерално ниво ја намалува човековата продуктивност.

Сериозни и опасни последици

Хроничната косумација на кофеинот е поврзана и со влошен предменструален синдром, како и со зголемена загуба на калциум, што долгорочно доведува до остеопороза и создавање на камења во бубрезите.

Големите дози на кофеин навистина може да бидат многу опасни. На пример, познато е дека 10 грама земени во една доза можат да предизвикаат психотична состојба на инаку здравите луѓе, а во полош случај доведува до појава на шизофренија. Исто така, големите дози на оваа состојка може да предизвикаат конвулзија, застој на дишењето и во најлош случај, смрт.

Кофеинот е општоприфатена дрога која многу луѓе секојдневно ја консумираат. Со ова не ви предложуваме да се откажете од кафето, туку едноставно да не претерувате со неговата консумација. Запомнете, клучот е во умереноста.

Една чаша кафе на ден ќе ја задоволи вашата желба за кофеин, без притоа да резултира во некои од горенаведените последици кои сериозно го нарушуваат квалитетот на животот.

Изменето од Valerija - 01.Ноември.2011 во 17:09

Ирско кафе

По долга прошетка низ снежните улици, еден од најдобрите начини да се затоплите е топол пијалок, а ирското кафе секогаш звучи многу примамливо.

Ирското кафе е коктел од топло кафе, ирско виски, малку шеќер и слатка павлака. Не одзема многу време за приготвување, па набрзина можете да си го направите во домашни услови и да му се насладувате на богатиот вкус.

Оригиналното ирско кафе за прв пат било направено од Џозеф Шеридан, кој работел на аеродром во западна Ирска. Со цел да ги затопли изморените патници, во една зимска вечер, тој ставил во кафето виски. Кога задоволните патници го прашале дали станува збор за бразилско кафе, тој им одговорил дека пијалокот е всушност ирско кафе.

Ирското кафе се служи топло. За поубав изглед одгоре можете да ставите малку изрендано морско оревче или да украсите со стапчиња цимет. Заедно со кафето можете да послужите и мали колачиња со парчиња чоколадо или кекс.

Совет: Оригиналниот рецепт се прави со слатка павлака којашто не е многу матена, скоро течна.

Ирското кафе е совршено за претстојните празници. Наместо со обично кафе, изненадете ги гостите со „жестоко“ кафе за повеќе насмевки и позабавни разговори.

Варијации

Изменето од Valerija - 01.Ноември.2011 во 17:09