Чевли и сандали

 
Во споредба со вртоглаво високите потпетици, апостолките (или јадранки) изгледаат невино. Меѓутоа, последното истражување покажа дека се многу опасни за човечкото здравје.

Се поголем број луѓе имаат здравствени проблеми поради честото носење на апостолки (јадранки, јапонки). Иако на прв поглед изгледаат едноставно, може да создадат големи проблеми.

Експертите предупредуваат дека апостолките предизвикуваат истегнување на мускулите на листовите, што предизвикува болки, а може да настанат и трајни проблеми. Исто така, тие создаваат и болка во зглобовите, па можно е да се добие артритис.

Проблемот е во тоа што луѓето не одат нормално, туку се прилагодуваат на обувката и одат искривено. Наместо на петата, во текот на одењето се потпираат на надворешната страна на стопалото, а тоа може да предизвика долгорочни последици.

И покрај трендот и удобноста која ја нудат апостолките на прв поглед, според советите на стручните лица не треба да се носат често.