НАЈ .....ИДИВИДИ ГИНИС ......СО СЛИКА

Во главниот град на Азербејџан, Баку, прексиноќа е отворен Плоштад на државното знаме со највисок јарбол во светот. Медиумите ја објавија изјавата на азербејџанската влада дека јарболот и знамето влегле во Гинисовата книга на рекорди.

Знамето што се вее на височина од 162 метри се гледа од секоја точка на Баку. Тоа е широко 35, долго 70 метри и тешко околу 350 килограми. Вкупната тежина на целата конструкција е 220 тона.
На свеченоста на отворањето на Плоштадот, на површина од 60 хектари во јужниот дел од градот на брегот на Каспиското Море, присуствуваше и азербејџанскиот претседател Илхам Алиев, кој беше иницијатор за неговата изградба. По негово барање на Плоштадот ќе биде изграден и Музеј на државното знаме.

„Дејли меил“ пишува за некои од најинтересните рекорди запишани во Гинисовата книга на рекорди.

Меѓу нив е и најниската крава висока само 86 сантиметри, кучето со најдолг јазик но и човекот кој во устата може да стави 400 сламки и да ги задржи така 10 секунди.

- Многу е тешко да се влезе во книгата на Гинисовите рекорди. Скоро 80% од пријавените се одбиваат, изјави портпаролката на Гинисовата книга на рекорди Амарилис Еспиноза.

Еве дел од рекордите:

Најдолг кучешки јазик

Деветогодишниот пекинезер Puggy има јазик долг 11,3 сантиметри.

Куче кое најбрзо пука балони

На кученцето со име Анастасија му требаат само 44,49 секунди за да пукне 100 балони.

Најдолгата змија

Питонот од зоолошката градина во Охајо во САД е најдолгата жива змија на светот. Долга е 13,7 метри.

Најголемиот англиски појадок на светот

Mario`s Cafe во Болтон за појадок нуди десет јајца, виршли и сланина, пет црни англиски пудинзи, печурки и грав. Се ќе добиете бесплатно ако го изедете за 20 минути.

Најмногу сламки во уста

Симон Елмор од Баварија во Германија успеал во устата да стави 400 сламки во устата и ги задржал десет секунди.

Најниската крава на светот

Swallow е висока само 86 сантиметри и живее на фармата Пик Енд во северен Јоркшир во Англија.

Либанско знаме од 65.000 квадрати

Мароко е моменталниот носител на Гинисовиот светски рекорд за најголемо знаме со големина од 60.000 квадратни метри, а Либан ѓе го урива со плус 5.000 квадрати

БЕЈРУТ - Либан до сега е носител на неколку рекорди на полето на кулинарството, а сега претендира и за титулата најголемо државно знаме во светот, толку големо што е потребен аеродром за да се постели.
Либанската војска завчера објави фотографија сликана од воздух на огромното знаме кое се шиеше во Кувајт, а беше составено во Либан и кога ќе се одмота зафаќа 65.000 квадратни метри.
Мароко е моменталниот носител на Гинисовиот светски рекорд за најголемо знаме со големина од 60.000 квадратни метри, соопшти портпаролот на либанската војска.
Номинираното знаме на Либан беше распослано во авијациската база во Рајак во источниот дел од земјата во присуство на претставници на Гинисовата книга на рекорди.
Само централниот дел на знамето со амблемот со зелен кедар покрива површина од 10.452 квадратни метри.
Малиот Либан има и бурна историја и важи за земја која редовно турка рекорди во некое поле.
Моментално земјата е светски рекордер за најголема "табуле" салата, тешка над три и пол тони, и ја направи најголемата порција хумус тешка два тона.