"Црвена јабука" за стари и млади

Над две илјади кумановци присуствуваа на концертот на легендарната сараевска група "Црвена јабука".

Во преполниот локалитет "Касапски круг " завчера публиката два ипол часа, заедно со Жера и останатите од бендот ги пееја старите и нови хитови.
Првите ритмови на "Бегај дожду од прозорот" (Бјежи кишо сспрозора), "Дирли дирли дирлија" (Дирли дирли дирлија) беа доволни да ја загреат атмосферата. Со секоја нова песна стануваше се пожешко, а публиката хорски ги отпејаа "Ми се допаѓа оваа работа" (Свиѓа ми се ова ствар), "Има нешто од срце до срце" (Има нешто од срца до срца) ,"Прави ми го тоа" (То ми ради), "Таго несреќо" (Туго несреќо), "Некако со пролетта" (Некако с пролеќа) и новата "Кај си, кај си" (Џез ба, џез ба) и не престана да игра цела вечер.

Најголем дел од публиката беа млади, кои наизуст ги знаеја хитовите на бендот, а повозрасните уживаа во песните на нивната младост.

Дражен Жераиќ - Жера, препознатлив по фризурата и старките, пред почетокот на концертот ни изјави дека во Куманово настапил пред повеќе од 20 година.

-Последен пат во Куманово сум бил далечната 1988 или 1989 година. Не се сеќавам точно. Знам дека свиревме во Спортската сала.Вечерва ќе направиме добар концерт што ќе остане во убаво сеќавање на публиката - изјави Жера