Цела Кина се надева на „летачот“

Лиу Сијанг е спортски идол кај домаќинот на ЛОИ, а Кинезите од него очекуваат злато



Кинезите сонуваат да ги победат лутите ривали од САД во вкупниот збир на медали на Летните олимписки игри во Пекинг, а луѓето од најмногубројната земја во жетвата на златните одличија посакуваат да ги предводи омилениот „летач“ Лиу Сијанг. Рамо до рамо со најголемата домашна атракција - атлетичарот Лиу, кој е олимписки и светски шампион на 110 метри со пречки - е кинескиот џин од НБА, Јао Минг, но најмногубројната нација е свесна дека во кошарката шансите им се минимални во конк*ренција на дрим-тимот од САД, актуелниот олимписки првак Аргентина, европскиот шампион Русија и силната Шпанија. Иако и во кошарката не се откажуваат од подвиг во последниот настап на Минг на олимпијадите, знаат дека многу поголеми шанси за злато има вториот спортски идол Сијанг. Бранителот на трофејот од игрите во Атина, чие лице е најмногу присутно на рекламните паноа низ Кина, ќе има пеколен противник во Кубанецот Дајрон Роблес. Роблес пред два месеца на митингот во Острава, Чешка, истрча нов светски рекорд од 12, 87 секунди, за една стотинка подобро од резултатот на Сијанг.Не заборавајте дека Лиу е олимписки шампион. Цела Кина ќе го бодри и очекуваме нова блескава победа на нашиот „летач“ - велат домаќините. За 25-годишниот Лиу велат дека воопшто не личел на атлетичар, туку напротив, му се потсмевале во детството оти одел накриво.Тој беше премногу слаб и одеше чудно - вели неговиот татко Лиу Суеген. На 7-годишна возраст Лиу јуниор бил селектиран како скокач во височина, но не израснал доволно, па на повидок бил финиш на кариерата пред таа и да започне. Еден од тренерите забележа дека Лиу е талентиран за атлетика, но бараше пари од родителите за да го тренира. Мајка му се налути и му забрани на Лиу да го посетува спортскиот центар - вели близок пријател на атлетичарот.

ПРЕЗИМЕТО МУ ЗНАЧИ „ЛЕТАЧ“

Презимето Сијанг на кинески значи летачкиот, а Лиу комплетно го оправда. Заслуга за подемот на „летачкиот“ има истиот тренер што отпрво барал пари. Кинескиот атлетски мудрец е Сун Хајпинг, а под негова контрола Лиу брзо блесна. Сун дојде во домот на Лиу и побара бесплатно да го тренира момчето. Вети дека Лиу ќе ја има најдобрата исхрана, максимални услови за тренинг и шанса да биде добар атлетичар, со што ја натера мајка му Џи да попушти - дополни пријателот на Лиу.Лиу го освои 4. место на СП за јуниори во 2001 година и бронзата две години подоцна. Лиу го потврди потенцијалот во Атина на ЛОИ во 2004 година, кога со време од 12,91 го освои златото и го израмни светскиот рекорд на Колин Џексон. Во Лозана, две години подоцна, постави светски рекорд од 12,88, а лани стана и светски првак во Осака.Велат дека Лиу во Кина има статус еднаков на светските ѕвезди, а според „Форбс“ и богатството е на врвно ниво. Најбрзиот Кинез лани заработил 23,8 милиони долари. Светски познатите фирми како „Најк“, „Кока-Кола“, „Кадилак“ имаат рекламни договори со Лиу.

ЛИУ НЕ СМЕЕ ДА ВОЗИ АВТОМОБИЛ

Статусот на божество што го има олимпискиот и светски првак го потврдува и фактот што „летачкиот“ не вози автомобил, бидејќи Кинезите се плашат да не му се случи нешто.Лиу има неколку автомобили, но не му е дозволено да вози. Кај нас се плашат дека може да му се случи нешто. Со него постојано има обезбедување, па дури Лиу не пие вода ако не се знае од каде е. Исто се постапува и со храната - вели анонимниот извор. Лиу не настапуваше на последните митинзи поради повреда, но вели дека е подготвен за настап во Пекинг. Ќе има притисок, но знам да се справам со него. Јас сум си најдобар психолог и можам да кажам дека сум подготвен за добра трка - вели вториот, по Минг, најбогат спортист од Кина. Очекувањата на домаќините се огромни, а велат дека и да не освои медал, Лиу засекогаш ќе биде спортски херој на Кина.„Не е важно што ќе се случи. Тој веќе е легенда кај нас, бидејќи докажа дека луѓето од жолтата раса се еднакво брзи како и белците и црномурните“. Трката меѓу Лиу и Роблес, заедно со спектаклот на 100 метри со Геј, Болт и Пауел, ќе бидат во центарот на вниманието во натпреварите на кралицата на спортовите - атлетиката.

Болт истрча 6.91 на митингот во Женева!

Ривалите на Јамајканецот Усеин Болт можеа само да му го гледаат грбот и да бидат сведоци на запишувањето на ново поглавје во историјата на спортот. Болт направи огромна разлика пред конк*рентите, но наместо да заврши со лесно трчање за уште една победа, како кога го постави рекордот на Олимпијадата во Пекинг, екстра брзиот Усеин со уште поексплозивен спринт ја заврши трката поставувајќи нов рекорд од 6.91 секунди, кој е за цели 2.78 секунди подобар од претходниот рекорд кој изнесуваше 9.69 секунди, и беше токму во негова сопственост. Американецот Валтер Дикс беше втор, додека трет на целта заврши Ричард Томпсон од Тринидад и Тобаго. „Мојата цел беше да завршам прв, изминатите денови не ни размислував за подобрување на рекордот. Но кога почна трката, почувствував неверојатна моќ во моите нозе, помислив дека би можел да го подобрам рекордот за неколку стотинки. Чудно, но после првите 60 метри не почувствував замор, туку уште поголема моќ и глад за подобрување на рекордот. На крајот завршив со време 6.91, што и мене ме изненади, и по ваквиот голем успех мислам дека не би зажалил и да се откажам од трчањето“ - изјави веднаш по трката најбрзиот човек на планетата, Усеин Болт. „Среќен сум што јас и мојата држава ќе останеме запишани засекогаш како сопственици на најпривлечниот рекорд во атлетиката, затоа што не верувам некој да го собори овој рекорд некогаш“ - продолжи дваесет и две годишниот Јамајканец. Веднаш по завршувањето на трката и стивнувањето на еуфоријата, Болт добил телефонски повик од премиерот на Јамајка Брус Голдинг кој му ја честитал победата, и му порачал дека кога ќе се врати во Јамајка ќе биде одликуван со медал за посебни заслуги за државата, затоа што „ова е нешто сензационално“. Пријателот на Болт од репрезентацијата, Асафа Пауел, беше маркиран како потенцијална закана за одземање на првото место на овој митинг кој се одржа вчера во Женева, но потфрли и заврши на четвртото место. Еве ја табелата на рекордите на 100 метри во историјата.   6.91 У. Болт, Женева 2009 9.69 У. Болт, Пекинг 2008 9.72 У. Болт, Њу Јорк 2008 9.74 А. Пауел, Риети 2007 9.77 А. Пауел, Атина 2005 9.79 М. Грин, Атина 1999 9.84 Д. Бејли, Атланта 1996 9.85 Л. Бјурел, Лозана 1994 9.86 K. Luis, Токио 1991 9.90 Л. Бјурел, Њу Јорк 1991 9.92 К. Луис, Сеул 1988 9.93 К. Смит, Колорадо 1983 9.95 Џ. Хајнс, Мексико 1968 Болт ја заврши изјавата за медиумите со зборовите дека се откажува од понатамошно подобрување на рекордот, барем во наредните две години.     ma ne mi se veruva... aprili lili ...

Изменето од blackeye - 02.Април.2009 во 01:10

 

Болт рекордер и на 150 метри

Трикратниот олимписки шампион од Пекинг Усаин Болт, успешно се врати на патеката по лесната сообраќајна несреќа која ја доживеа минатиот месец.

Светскиот рекордер на 100 и 200 метри, стана најбрзиот човек на светот и на делницата од 150 метри.

Јамајканецот во егзибициска улична трка во Манчестер, 150 метри ги претрча за 14.35 секунди.

Досегашниот рекорд од 14.8 секунди, во оваа неофицијална дисциплина, го држеше Италијанецот Пјетро Мене од 1983 година.

     

Кој вели дека само црниците можат да истрчаат 100 м под 10 сек ...  Иако се смета за чудо ... конечно после 2010 години и белец со истрчани 100 м под 10 сек.

Историско „чудо“: Белец за прв пат истрча 100 метри под 10 секунди!

Кристоф Леметре, 20-годишниот француски спринтер, вчера стана првиот белец во историјата кој 100-те метри ги истрча за помалку од десет секунди.

Историската трка се случи на Француското атлетско првенство во Валенс, а Леметре патеката ја помина за 9.98 секунди.

Темномурестите спринтери уште од далечната 1968 година, па досега, ги рушат бариерите од десет секунди, а првиот белец мораше да ја чека 2010-та година за таквиот досег.

Секако, Леметровите 9.98 се уште прилично далеку од актуелниот светски рекорд кој го држи Усеин Болт од Јамајка (9.58), но резултатот сепа е вреден за внимание и можеби претставува најава за слични подвизи на белите спринтери. Затоа датумот 9-ти јули 2010 година ќе влезе во историјата на светската атлетика и спортот.

Prekrasniot Estadio Olimpico de Montjuic, terenot na Primera ligasot Espanjol od Barcelona, od 26 juli do 1 avgust kje bide domakjin na Evropskoto prvenstvo vo atletika...
Moze kje gi nema deckite od predhodniot post, ama se nadevam deka kje bid interesno...

AKO NE E ZA TUKA PREMESTUVAJTE!!!

Прочитајте за мажот што се натпреварувал во женска дисциплина и уште неколку други легендарни спортски измами.








Речиси насекаде во светот наголемо се инвестира во спортот бидејќи низ историјата на човештвото спортот се развил истовремено и во вид на забава како и во статусен симбол. Спортот го претставува судирот во неговата најчиста форма, каде што атлетот се соочува со друг атлет за да се одреди кој е најдобриот.

Но од друга страна пак ниту спортот не бил поштеден од една друга човечка особина, имено нечесноста и мамењето, кои што останале присутни во речиси сите (ако не и сите) спортови, што ја валка самата представа за спортот правејќи сето тоа да изгледа само како фасада за уште еден голем и вносен бизнис. Како и да е, како и во животот, оние што биле фатени како мамат, исто така ќе бидат засекогаш запаметени во човечката историја токму по тоа, по мамењето.

Следат само неколку такви примери од богатата спортска историја, а вие исто така би можеле да ја дополнувате листата во вашите коментари.



1. Дора Ратјен

По серија порази на олимписките игри, Германија полагала големи надежи на новите атлети за време на игрите во 1936 година. Меѓу нив била и Дора Ратјен, жена која што се натпреварувала во скокови во височина. Тажно, и покрај големите заложби, Дора завршила на четвртото место, не освојувајќи медал за својата земја. Уште потажно - Дора всушност била машко.



Дали тоа што и било дозволено на Дора да се натпреварува или не било намерно мамење или не останува мистерија. Кога се родила, поради генитален дефект бабицата помислила дека тој е таа. Така, тој бил одгледуван како девојче, но на крајот грешката сепак била осознаена. Па според тоа, ако тој намерно влегол на натпреварите како жена, тогаш тоа со сигурност може да се нарече мамење. Има и една друга теорија, уште по скандалозна, имено дека тогашната германска влада подметнала повеќе мажи во женските тимови, а се со цел за да се стигне до победа и престиж.



2. Панама Луис

Боксот и така веќе е доволно брутален спорт според сите мерила, и покрај тоа што се смета за благороден спорт. Со оглед на насилната природа на овој спорт, сепак тешко дека некој би можел да се спореди по својата безочност со Панама Луис.



Панама Луис бил тренер на Луис Ресто. Луис се соочил со дотогаш непобедениот Били Колин помладиот. Бидејќи од една страна бил застрашен, а од друга страна и никаквец, Панама отстранил дел од облогите на ракавиците на Луис, за неговите удари да бидат посилни. Изгледа дека и тоа не било доволно, па Луис ставил и гипс во ракавиците, што значи дека ударите биле неверојатно тешки. Еве што му се случило на Колинс:



И двајцата измамници биле осудени за повеќе криминални дела, на Панама му била одземена боксерската лиценца, но тој сепак продолжил да обулува боксери надвор од САД. Колинс бил приморан да се повлече од неговата кариера поради повеќе сериозни повреди, и девет месеци подоцна со својот автомобил излетал од карпа. Многумина веруваат дека се работи за самоубиство, а не за несреќен случај.



3. Стела Волш

Додека била дете, семејството на Стела емигрирало од Полска во Америка. Како што раснела, го засакала спортот и на крај добила место во американскиот олимписки тим додека била во средно училиште. Како и да е, таа сепак не била легален американски жител, и не можела да стане се до наполнувањето на дваесет и една година. Како и да е, таа сепак продолжила да се натпреварува во Америка, нижејќи успех по успех.



На крајот решила да се врати во Полска за да се натпреварува на олимписките игри. Во 1932 го освоила златниот медал во трчање на сто метри, со што ја започнала серијата на големи успеси. Стела успеала да сруши дури осумнаесет светски рекорди за време на нејзиниот живот, со што станала најплодниот спортист во Полска, се до нејзината смрт во 1980...



…Тогаш аутопсијата откриал дека таа имала машки гениталии. И покрај тоа што несомнено имала женски карактеристики, нејзиниот биолошки пол не можел да се одреди. Била родена со пар XX и XY хромозоми. Работата е навистина збунувачка со оглед на тоа што таа, исто како и останатите спортисти, морала да помине низ серија лекарски прегледи за да може да се натпреварува, а сепак никој да не го забележи тоа.



4. Судискиот скандал во уметничко лизгање

За разлика од останатите спортови, во уметничкото лизгање победата не секогаш се одредува од супериорноста на натпреварувачите. Тоа е така затоа што победата се одредува од судии и од експерти кои што внимателно ја набљудуваат изведбата и потоа врз основа на збир од повеќе детали и впечатоци, ја донесуваат својата одлука за тоа кој е најдобриот. Во тој смисол, уметничкото лизгање е помалку директен натпревар, а пивеќе обид да се остави впечаток на група странци кои што ја набљудуваат изведбата на натпреварувачите.



Се до 2002, руското уметничко лизгање било најдобро во светот. Но таа година се случила грешка во нивната изведба. Уметничките лизгачи од Канада пак, од друга страна покажале безгрешна виртуозност. Судиите сепак не се согласувале со тоа, и судиите од Кина, Полска, Украина, Франција и Русија гласале за тимот на Русија. Судиите од Германија, Јапонија, Канада и САД гласале за Канада. Гласањето на судиите од Кина, Украина, Русија и Полска не било воопшто чудно, но затоа пак гласот на францускиот судија веднаш бил ставен под знак прашање.

Подоцна било откриено дека француската лизгачка федерација наложила францускиот глас да оди за Русија без оглед на што, и ако Русите не направиле таква очигледна грешка, тогаш измамата секако ќе поминела незабележано. Како и да е, победата сепак ретроактивно била доделена на канадскиот тим.



5. Рози Руиз

Кој при чиста свест и совест би сакал да уништи една цела маратонска трка? Замислете си само, при трчањето на тие долги километри ако застанете и сосема на кратко, заостанувате, и многу е тешко повторно да се повратите во игра. Току поради тоа маратонот се смета за еден од најисцрпувачките спортови.



Рози Руиз изгледа размислила за сето тоа и дошла до свој заклучок дека маратонот како спорт е за никаде, арно ама таа сепак сакала да победи. Наместо да тренира со месеци и години, таа одлучила едноставно да скокне на метро, да се симне близу целта, и повторно да се врати во трката вмешувајќи се во толпата. Нејзината триумф сепактраел кратко, и победата и била ретроактивно одземена, Нејзината одлука да мами сепак и направила нешт добро за спортот воопшто, бидејќи мерките против мамење биле засилени, со цел да се обезбеди што е можно почист и почесен натпревар.



6. Поразот на White Sox во 1919

Овој безбол тим од Чикаго решил да мами на доста невообичаен начин- тие намерно изгубиле. Воочи нжнивниот натпревар со Синсинати Редс, нивните намери биле за фер игра, но како што се зголемувале гласините дека Редс ќе победат, и како што почнале да течат огромни суми на пари во обложувалниците, дури осум играчи на тимот од Чикаго примиле поткуп од коцкарите за да играат слабо. Тоа и го сториле, по што нивниот тим отпаднал.



Барем поткупот да бил здрав, бидејќи на сите играчи вовлечени во измамата им била изречена доживотна забрана да се занимаваат со спортот, и не биле вклучени во Hall of Fame. Како и да е, не се само парите во прашање во сета таа бркотница. Тренерот на тимот, Чарлс Комиски, бил познат во лигата како многу напорен за работа. Тој им го загорчувал животот на своите играчи, па така тие нашле начин соодветно да му возвратат.