Офтопик II

• Македонија

Големи жештитни претпладне, грмотевици и поројни дождови попладне, вакво време ни предвидуваат метеоролозите за претстојниот викенд и следната недела.

“За  време на викендот и почетокот на идната недела ќе настапи дестабилизирање на временската состојба кое ќе услови во попладневните часови да има развој на нестабилна облачност со пороен дожд и грмежи“, велат од Управата за хидрометеоролошки работи.

Најавата за времето не им оди во прилог особено на земјоделците поради најавите за локални појави на град, осовено во недела и понеделник.

Температурите, според прогнозите, ќе се движат од 13 до 23 во текот на ноќта, додека во текот на денот живата во термометрите се очекува да се искачи и до 35 степени Целзиусови.

За утре се најавува топло време со очекување на дожд во текот на попладнето. Во Скопје температурата се очекува да биде до 34 степени, додека најжешко односно 36 степени се најавени во Демир Капија и Гевгелија.