Кризи во Бракот

Во првите години  конфликтите се почести, но потоа   се си доаѓа на свое место.Но само ако има љубов, а  љубовта треба да се негува.

 

Свесни сме дека  љубовниот живот во стварноста нема допирни точки со оној од романтичните комедии.....

Во стварноста,за жал, љубовната приказна може да се претвори во хорор, а бракот може да испадне онаков каков што не сте го замислувале. Паровите веќе се навикнати на тоа дека некако ќе издржат заедно, но тоа понекогаш не е ниту лесно ниту едноставно.

Иако ова не звучи убаво, понекогаш најнеромантичните и најтешките моменти не тераат да научиме повеќе за себе си, за партнерот и за љубовта воопшто. Еве неколку работи во врска со бракот,што може да   помогнат да не се изненадите непријатно кога ќе ви излезат на патот...........
СОПРУГОТ ПОВЕЌЕ НЕ Е МОМЧЕТО ВО КОЕ СЕ ЗАЉУБИВТЕ.....
Кога ќе запловите во брачните води со мислата дека сте ја нашле својата сродна душа ќе бидете среќни и исполнети, но со текот на времето ќе сфатите дека таа личност не ве прави потполно среќни секој ден и дека сте донеле избрзана одлука, бидејќи овој брак не е тоа кон што пристапивте на почетокот. Сепак бракот е тоа што го сакавте уште на самиот почеток и сетете се на она што го кажавте: „и во добро и во зло“.
ЌЕ РАБОТИТЕ ПОВЕЌЕ ОД ШТО СТЕ ЗАМИСЛУВАЛЕ..............
Кога некои парови велат дека на бракот и на врската треба да се работи, навистина тоа и го мислат. Не се доволни само трпението и љубовта. Луѓето во бракот се менуваат, поотпуштени се. Вие сфаќате дека вашиот партнер има лоши навики што ве нервираат, но немојте да бидете престроги кон себе или кон партнерот затоа што наскоро ќе дојде денот кога ќе се чувствувате како да се борите против сето зло на светот.
ПОНЕКОГАШ ЌЕ ЛЕГНУВАТЕ И ЌЕ СТАНУВАТЕ ЛУТИ ОД КРЕВЕТ..........
Кој и да е тој што им вели на ново венчаните парови да не одат лути во кревет не знае како изгледа сцена од една караница, кога доаѓаат солзите и кога ви се чини дека сите бродови ви потонале. Понекогаш сето тоа треба да се преспие. Зборовите изговорени во афектна состојба можат да ја отежнат ситуацијата. Добро е некои караници да се продолжат следниот ден, откако ќе се смирите и уште еднаш ќе размислите за се.
ЌЕ ПОМИНУВАТЕ ДЕНОВИ И ДЕНОВИ БЕЗ СЕКС...ТОА НЕКА НЕ ВЕ ЧУДИ
Периодите без секс се составен дел од брачниот живот. Таквите недостатоци не значат дека веќе не сте си привлечни еден на друг. Во денешно време луѓето премногу работат, пренатрупани се со обврски и полни со грижи. Она што не треба да го запоставите, ако веќе немате често секс, се нежностите, љубењето, прегратките, допирите, комуникацијата...а сексот ќе дојде подоцна на ред.
ЌЕ СФАТИТЕ ДЕКА МОЖЕТЕ САМО СЕБЕ СИ ДА СЕ МЕНУВАТЕ
Многу жени пробуваат да ги сменат своите партнери со кои се во брак или врска и да ги скројат по своја мерка. Заборавете на тоа и сетете се на онаа мудра изрека: "Вчера бев паметна, а со тоа сакав да го променам светот. Денес сум мудра, со тоа се менувам себе си."

 

 

 ... Бракот е нешто ...поради што човек би можел да се покае....

...било да го склучил..... било да не го склучил........

 

Што сакаат мажите од сопругата?

Дали некогаш сте се запрашале што очекуваат сопрузите од своите сопруги? Внимание, добра храна, секс? Во прилог ви нудиме листа која ќе ви помогне да ги идентификувате основните потреби на еден просечен сопруг.

Верувајте во неговите способности- Многу мажи веруваат дека е важно да ги заштитат и обезбедат оние што ги сакаат. Затоа дадете му на знаење дека верувате во неговите таленти и знаења и дека го подржувате во неговите планови.

Разбирање- Еден од начините да му покажете на својот маж дека се грижите за него е секој ден да разговарате со него. Зарем не би било одлично да му посветите барем 20-тина минути од своето време на оној кој што го сакате?

Потврдување на неговите успеси- Повеќето мажи сакаат да ги потчукнете по грбот во знак на одобрување. Давајте му комплименти, но не бидете лигави затоа што тоа ќе даде спротивен ефект.

Прифаќање- Мажите се повредени кога жените се обидуваат по секоја цена да ги сменат. Морате да сфатите дека единствената личност која можете да ја смените сте самите вие.

Помалку давење- ако вашиот маж е зафатен со проект, а вие едноставно морате да разговарате со него, зборувајте само за главните елементи на проблемот. Не давете со детали, ако ве праша одговорете.

Внимание-држете ја неговата рака во јавност, оставете порака на неговиот телефон, масирајте го кога е уморен. И мажите сакаат романтично расположение.

Почитување- не давајте негативни коментари на мислењата и идеите на вашиот сопруг колку и да не ви се допаѓаат. Во никој случај не превртувајте со очите додека разговарате со него.

Слободно време- сите луѓе сакаат малку време за себе. Затоа не го бомбардирајте со прашања и желби веднаш штом ќе влезе во домот. Оставете го малку сам со себе.

Доверба- оваа компонента е витална за секој добар брак. Ако имате проблем со довербата побарајте помош и во никој случај не го шпионирајте.

Бидете партнери –запомнете дека вашиот маж не е само ваш љубовник туку и пријател. Ако бидете пријатели и партнери ќе знаете како го направите заедничкиот живот поубав и посреќен.