Ај да јадеме

Утврдено е дека пржените компири можат да го подобрат нашето расположение и да не направат посмирени и повесели.

Експертите веруваат дека тоа се случува поради карбохидратот од пржените компири или едноставно поради вкусот и мирисот кој не потсетува на убав период, како што е годишниот одмор.

Истражувањето е спроведено на Универзитетот Астон на Бирмингем на 60 мажи и жени, кои прво гледале петминутен филм за падот на атомската бомба на Хирошима на крајот на Втората светска војна, а потоа се поделени на две групи.

Првата група читала списание како би ги оттргнала од мислите од филмот, а втората група добиле порција со компири. Замолени се да пополнат анкетен лист пред и после филмот и читањето, односно јадењето на компирчињата.

Доктор Мајк Грин од Универзитетот Астон објасни дека:

- Психолошките податоци од истражувањето покажуваат дека испитаниците кои се чувствувале лошо биле значајно подобри после консумирањето на пржените компири. Односно, станаа помирни само за 20 минути. Во прашање се биолошки ефекти од компонентите на хемијата на мозокот - карбохидратот, кој го предизвикуваат вкусот на компирчињата, тврди докторот.