Велосипедизам

ВЕЛОСИПЕДИЗАМ - УТЕШНА НАГРАДА ЗА ШПАНСКИОТ ВЕЛОСИПЕДИСТ

Валверде со триумф на Класика Сан Себастијан

Надежите на Алехандро Валверде за олимписки медал во Пекинг се зголемија драстично по неговата одлична победа на Класика Сан Себастијан трката. Втор зад асот на Кес Д'Епарњ на најпознатата шпанска еднодневна трка беше Русинот Александер Колобњев, додека трет беше Италијанецот Давиде Ребелин. Валверде ќе го предводи петчлениот шпански тим на уличната трка во Пекинг на 9 август.

"По победата тука, секако дека сум оптимистички расположен за шансите на Олимпијада. Пекинг ќе биде еден вид лотарија и сега сите ќе внимаваат на мене по оваа победа. Но, освен Германецот Штефан Шумахер, сите мои ривали за медал во Пекинг беа тука и ниту еден не можеше да ме победи. Тоа е охрабрувачки. Имав долга сезона, не бев сигурен во мојата форма, но сега с$ е поинаку", вели Валверде.

Шпанецот победи на првата етапа на Тур де Франс оваа година, но неговите надежи за победа на најелитната трка паднаа во вода кога беше повреден во првата недела, а потоа загуби многу време на Пиринеите, и заврши како 9. во генерален пласман, во трка во која победи неговиот сонародник Карлос Састре.

"Мислам дека имав добра втора половина на ТдФ, дури и се обидов со спринтот на Елисејските полиња", вели Валверде.

Во Сан Себастијан, Шпанецот нападна во првиот час заедно со својот клупски колега, Русинот Владимир Карпец и Анди Шлек од Луксембург. Кога водечката група направи предност од речиси 20 минути, официјалните лица на околу 90 велосипедисти кои беа во потерата им наредија да се откажат. Ова е 10. победа оваа година за Валверде.

Хусховд и Кунего се откажаа од Игрите

Тор Хусховд призна дека ќе ги пропушти Олимписките игри во Пекинг во обид да ја врати формата за последниот дел од сезоната. Норвешкиот спринтер победи на втората етапа на Тур де Франс и заврши втор зад Шпанецот Оскар Фреире во пласманот на поени. Хусховд беше освојувач на зелената маичка на ТдФ во 2005, а на Олимпијадата во Атина во 2004 беше 31. во трката против часовникот.

"Морам да внимавам на моето здравје. Потрошив многу енергија во Франција и не се чувствувам добро. Сакам да придонесам на норвешкиот тим, но морам да се одморам", вели Хусховд.

Дамјано Кунего исто така се откажа од италијанскиот тим за уличната трка бидејќи с$ уште се заздравува од незгодниот пад во Франција. 26-годишниот поранешен шампион од Џиро Д'Италија ја направи одлуката заедно со тренерот Франко Балерини по слабиот настап на Класика Сан Себастијан. Италијанскиот тим сега се состои од Давиде Ребелин, Паоло Бетини и Франко Пелицоти.

"Додека бев на Класика Сан Себастијан продолжив со проблемите со дишењето и главоболките кои ме мачат од тој пад", призна Кунего.

Шанса за Еванс за трката на хронометар

Вицешампионот од Тур де Франс, Кејдел Еванс, с$ уште може да се натпреварува во трката на хронометар во Пекинг, откако Интернационалната велосипедска унија (УЦИ) додели вајлд-карта на Австралија за дисциплината. Еванс се повлече во четвртокот откако го повреди коленото на влажен под по Тур де Франс. Еванс беше единствениот австралиски квалификант за трката на хронометар, и беше заменет од трикратниот светски шампион Мајкл Роџерс.

ПО 115-ДНЕВНО ПАТУВАЊЕ НИЗ СВЕТОТ СО ВЕЛОСИПЕД
Македонецот Ѓеоргиев пристигна во Пекинг

По 115 дена патување низ осум различни земји, 34-годишниот Марјан Ѓеоргиев успешно го заврши велосипедскиот маратон и пристигна во Пекинг пред свечената церемонија на отворањето на Летните олимписки игри.
По повод неговото пристигнување, Амбасадата на Република Македонија во Кина организираше средба на Георгиев со неколку кинески новинари. Во вчерашното издание на кинескиот "Беижинг Дејли" беше објавен текст со фотографија за неговата четиримесечна одисеја со велосипед.
Пред две години хемискиот инженер Марјан Ѓеоргиев почнал да го планира своето патување од Македонија до Пекинг преку Турција, Азербејџан, Туркменистан и Казахстан.
На 17 јуни 2008 година тој пристигна на кинеската граница каде што бил пречекан од месното население со многу топлина и кое со голема возбуда зборувало за Олимписките игри и кое било убедено дека овие ОИ ќе бидат најуспешни досега.

ВЕЛОСИПЕДИЗАМ - МЛАДИОТ БЕЛГИЕЦ НАЈБРЗ ДО ВАЉАДОЛИД

Вејланд бргу до целта, Контадор смирен

Талентираниот млад белгиски спринтер Вутер Вејланд им донесе петта етапна победа на тимот на Квик Степ на Трката околу Шпанија. Втор зад 23-годишниот Белгиец во тешкиот спринт беше Данецот Мати Бресхел, пред Белорусинот Александер Усов. По 17 етапи, Квик Степ има најмногу етапни победи од било кој друг тим, откако Белгиецот Том Бонен и италијанскиот светски шампион Паоло Бетини освоија по две етапи.

"Нормално јас сум човекот кој му помагам на Том во спринтовите, но денеска на 20 километри пред финишот тој ми кажа дека јас ќе добијам шанса. Имав лош пад пред четири дена на надолнина и ги повредив двете колена, но денеска конечно се чувствував 100% фит. Бетини и Матео Тосато завршија голема работа за мене во последните километри за јас да можам да се фокусирам само на спринтот. По толку лош прв дел од сезоната, победа на мојата прва голема трка е навистина фантастична", вели Вејланд по крајот на 148 километри долгата етапа.

Во генерален пласман, Шпанецот Алберто Контадор остана во контрола на трката петта етапа по ред. Неговиот колега од Астана е втор со 1:17 заостанување, по што следува шампионот од Тур де Франс, Карлос Састре со 3:41 заостанување.

"Денеска беше ден за спринтерите, а од друга страна малку одмор за нас другите. Најважно беше да се стигне во Ваљадолид без падови и повреди", вели Контадор.

Шампионот од Џиро Д'Италија и минатогодишниот шампион од Тур де Франс вели дека неговата последна голема цел пред неделниот финиш во Мадрид ќе биде 17.1 километри долгата планинска трка на хронометар, каде што ќе се одлучува победата.

"Јас и Леви ќе одиме на победа на трката на хронометар и сигурно нема да има тимски наредби. Едвај ја чекам таа етапа", вели Контадор.

РЕЗУЛТАТИ

17.ЕТАПА, ЗАМОРА-ВАЉАДОЛИД, 148.2КМ

1.Вутер Вејланд (Бел) - Квик Степ 3:18:48

2.Мати Бресхел (Дан) - Тим ЦСЦ-Саксо Банк +0:00

3.Александер Усов (Блр) - АГ2Р Ла Мондиал +0:00

4.Колдо Фернандез (Шпа) - Еускалтел +0:00

5.Хајнрих Хауслер (Гер) - Геролштајнер +0:00

ГЕНЕРАЛЕН ПЛАСМАН

1.Алберто Контадор (Шпа) - Астана 69:53:52

2.Леви Леипхајмер (САД) - Астана +1:17

3.Карлос Састре (Шпа) - Тим ЦСЦ-Саксо Банк +3:41

4.Езекиел Москера (Шпа) - Чакобео Галиција +4:35

5.Роберт Гесинк (Хол) - Рабобанк +5:49

Неколку ТдФ велосипедисти повторно тестирани на ЕПО

На неколку Тур де Франс велосипедисти повторно им се тестираат примероците крв за траги на еритропоетин (ЕПО). Шефот на Француската Анти-допинг Агенција, Пјер Бордри не ги именуваше велосипедистите, но вели дека се работи за тие кои веќе биле под сомнеж поради примероците урина. Новите тестови на крвта ќе бараат ЦЕРА, трета генерација на еритропоетинот. Италијанскиот велосипедист Рикардо Рико имаше позитивен тест на ЦЕРА на ТдФ.

"Одлучив дека мораме да ги ретестираме сите кои беа сомнителни поради примероците на урина. Кога се правеа тие тестови имаше сомнеж дека има ЦЕРА, но од лабораторијата не беа сигурни", вели Бордри.

Бордри исто така потврди дека позитивниот тест на ЕПО е потврден и по вториот примерок на Шпанецот Моисес Дуењас Невадо. На Тур де Франс позитивни исто така беа Шпанецот Мануел Белтран (на ЕПО) и Казахстанецот Дмитри Фофонов, за стимуланти. Рико и Леонардо Пиеполи, кој немаше позтиивен тест, беа отпуштени од Соние Дувал тимот, кој подоцна го загуби спонзорот. Французинот Џими Каспер беше позитивен на стероид, но потоа беше ослободен поради тоа што тестот дошол откако заборавил да го обнови рецептот за долгогодишниот проблем со астма.

Дождот ја сопре 4. етапа во Полска

Силниот дожд во Лублин ги примора организаторите да ја сопрат 4. етапа на Трката окол у Полска на 10 километри пред финишот. Ова значи дека Австралиецот Алан Дејвис останува лидер на трката со три дена на велосипед на програмата. Спринтерот на Квик Степ го заддржа водството од 4 секунди пред Бразилецот Мурило Фишер, додека трет е Данецот Ларс Бак со 7 секунди послабо време.

Кројцигер со одличен триумф на Трката околу Романдија

Младиот Чех Роман Кројцигер победи на Трката околу Романдија во неделата и веднаш објави дека сака да оди на поголеми работи. Откако лани беше втор на шестдневната трка во Швајцарија, 23-годишниот Кројцигер победи на клучната планинска етапа оваа година во саботата за да ја преземе контролата на трката.

Шпанецот Оскар Фреире победи на неделната 150.5 километри долга петта етапа, додека Кројцигер заврши во главната група за да победи на трката со 18 секунди предност пред Русинот Владимир Карпец, додека трет беше Естонецот Реин Тарамае со 25 секунди заостанување.

"Трката околу Романдија беше мојата прва цел оваа сезона, а втората цел е уште поголема - Тур де Франс. Сега ќе се обидам да ја одбранам титулата на Трката околу Швајцарија и да го предводам Ликвигас тимот заедно со Винченцо Нибали на Тур де Франс. Секако дека моите амбиции се да бидам на подиумот на таа трка, но не знам дали имам доволно квалитет како Мигуел Индураин или Ленс Армстронг", вели Кројцигер.

Тој заврши само како 13. на својата прва Тур де Франс минатата година, а повторно нема да стартува на Џиро Д'Италија следната недела, каде што тимот ќе го предводи Иван Басо.

Утре, недела 06.06.2010... еднодневна рекреативна  тура...
Маврово-Лазарополе-Тресонче-Селце-Галичник-Маврово

посакајте ми издржливост, психички се спремам( кондициониот дел мислам дека ми е на завидно ниво)... како и да е, се надевам дека во понеделник ќе залепам и ја една фотка вака со раце у вис и окез на лице за да се пофалам од потфатот...

Инаку...од вчера започна TOUR DE FRANCE...Go Armstrong GO!!!

Kje ispadne deka eden puknat lanec kje ja resi trkata godinava...

Endi Shlek valjda uste pcue...