Сексот на плажа во текот на летувањето може скапо да ве чини. Во зависност од тоа каде го минувате годишниот одмор, казните се движат од 100 евра па до неколку години затвор.

Законите за јавен ред и мир во популарните туристички центри , како што се Црна Гора, Хрватска, Грција, Турција, Дубаи или Египет се разликуваат во многу нешта. Во секој случај, каде и да се обидете да го направите тоа, ако ве фатат, ве чекаат казни – од парични, па се до затвор.

Во Хрватска, на пример, ако малку повеќе се занесете на плажа ќе треба да платите од 100 до 200 евра.

Црногорскиот закон, пак, за нарушување на јавниот ред и мир вели дека секој кој на јавно место со своето однесување ја нарушува безбедноста на граѓаните или предизвикува вознемиреност, ќе се казни со парична казна од три до 15 минимални плати или со затвор од 30 дена.

Според последните податоци, минималната плата во Црна Гора изнесува 50 евра, па вие пресметајте!

И во поранешната отоманска провинција Грција по закон се казнува сексот на плажа, но во пракса тој не се спроведува. Грците се ’прават луди’, така што законот останува само празен збор на хартија.

Затоа во муслиманскиот свет, казните се далеку поригорозни. Ако во Египет фатат некого да има секс на плажа, максималната казна е до три години затвор.

Во Турција максималната казна за секс на плажа е до шест месеци затвор, меѓутоа, ваквото однесување на туристите ’најчесто се толерира’.

Затоа во Обединетите Арапски Емирати има нулта толеранција. Казните во Дубаи и за топлес се ригорозни, а за секс на плажа следува затвор!
А еве и неколку бизарни закони, што ги смислиле локалните власти во Италија за да ја наполнат касата.

На островот Капри казна се плаќа за носење кломпи, во градот Ларика може да ве “одерат“ за шетање во костум за капење, а во Лугано за хранење на гулабите казната изнесува 500 евра.

Во сицилијанскиот град Трапана забрането е да се лиже сладолед на улица, а на плажата во Ераклеа не смеете да копате дупки во песокот, ниту да правите дворец од песок на плажата.

Во Кампања, бакнувањето во автомобил може да ве чини 500 евра. На познатата плажа Данте кај Равена, општината ги изгласала следниве правила: “Забрането е да се слуша музика меѓу 13 и 16 часот, сончање во топлес, а на првите 200 метри од плажата не е дозволено да се лежи...“