Барса го има најскапиот состав во светот

Европскиот шампион Барселона го има најскапиот состав во светот според класификацијата на интернет порталот трансфермаркт.де. Вкупната вредност на фудбалерите на каталонскиот гигант изнесува 514 милиони евра, а само аргентинската супер-ѕвезда е проценето дека вреди 80 милиони. Веднаш зад Барселона се наоѓа другиот шпански гигант Реал Мадрид чии ѕвезди се проценети на 473,5 милиони евра. Разбирливо, најскапиот од нив е Кристијано Роналдо кој експертите на трансфермаркт.де го проценуваат на 75 милиони.

На листата се најдоа 47 клубови кои ја преминуваат границата од 100 милиони евра. Третото место го зазеде Челзи, а четврти е Манчестер Јунајтед. Доминантни на оваа листа се Англија и Италија со по 10 клубови, осум се од Германија, шест од Шпанија, а по три од Франција и Португалија, по два од Русија и Турција, а по еден од Холандија, Украина и Грција.

10-ТЕ НАЈСКАПИ СОСТАВИ ВО СВЕТОТ

1. Барселона Шпанија 514 мил. евра

2. Реал Мадрид Шпанија 473,5

3. Челзи Англија 436,25

4. Манчестер Ј. Англија 374,25

5. Интер Италија 354,5

6. Ливерпул Англија 321,5

7. Арсенал Англија 304

8. Јувентус Италија 266,55

9. Милан Италија 259,8

10. Манчестер С. Англија 255

Меси е најдобар во историјата на фудбалот

Претседателот на Барселона Лапорта, беше до толку воодушевен од изведбата на најголемата ѕвезда на каталонскиот фудбалски клуб Лионел Меси по средбата од 27-то коло во Примера па му ги додаде сите комплименти.

"Тој е најдобриот играч на Светот во историјата на фудбалот, заедно со боговите Кројф и Марадона" изјави Лапорта за медиумите по мечот кој Барселона го доби со 4:2 на гостувањето кај Сарагоса, а во кој 22-годишниот Аргентинец постигна три погодоци.

"Одигра одличен меч. Тој е фудбалски гениј кој игра за тимот. Меси е прав лидер за Барселона и на крајот му го препушти изведувањето на пеналот на Златан Ибрахимовиќ да постигне гол" додаде претседателот на Барселона.

Меси е ѕвер бе.
Барса е исто мој тим.

Гвардиола денеска ќе стави потпис на нов договор

Барселона преку соопштение на својата официјална веб страна потврди дека Пеп Гвардиола денеска (среда) ќе стави потпис на нов договор
Медиумите блиски до раководството на Каталонците уште вчера објавија дека е постигната согласност помеѓу новото раководство на Барса и Пеп Гвардиола за новиот договор на стратегот.

Ваквите шпекулации ги потврди портпаролот на бордот на директори, Тони Фреикса кој за официјалната веб страна на Барселона рече дека Пеп Гвардиола ќе стави потпис на новиот договор во среда.


Фреикса соопштениети го даде веднаш по крајот на состанокот на бордот што се одржа во вторник навечер.


Барселона на својата официјална веб страна вели дека со ваквиот потег стратегот ќе го испочитува дадениот збор на клубот.


На 20ти јануари оваа година Гвардиола, на сега веќе екс раководството предводено од претседателот Хуан Лапорта и техничкиот секретар Чики Бегиристан, вети дека ќе продолжи да биде на кормилото на Барса барем уште една година најмалку.


Гвардиола има одлична кариера како тренер откако во 2008 беше промовиран од тренер на вториот тим како наследник на Франк Рајкард на кормилото на првиот тим.

Во својата прва година стигна до историската тројна круна со триумф во Ла Лига, Копа Дел Реј и Лигата на Шампионите.

Во втората сезона на Камп Ноу тој донесе уште четири титули: Шпанскиот Суперкуп, Европскиот Суперкуп, Светското Клубско Првенство и Ла Лига.

Кркиќ се израдувал на заминувањето на Ибрахимовиќ во Милан

се надева дека сега ќе му се отвори поголема можност за игра во клубот и повеќе минути нормално...Бојан Кркиќ во наредната сезона ќе игра со број 9...
Го обожавам овој клуб...

Зошто Афелај е суперзасилување за Барселона?!

Фудбалерот на ПСВ Ајндховен, Ибрахим Афелај, заедно со Герет Бејл од Тотенхем, моментално се едни од најталентираните млади фудбалери во Европа, а тоа ги прави и едни од најбараните на фудбалскиот пазар. Според вчерашните информации, Барселона веќе го договорила трансферот на холандскиот репрезентативец во јануари следната година. Афелај е седмиот играч на ПСВ кој направил трансфер на „Камп Ноу“, а во продолжение ви даваме неколку причини зошто овој трансфер е добар за шпанскиот шампион.

1. Замена за Иниеста

 

Ибрахим Афелај игра на позициите полушпиц и лево крило, нешто слично како и Андрес Иниеста. Тешко е за верување дека Гвардиола веднаш ќе го уфрли Холанѓанецот во првиот тим, но со оглед на тоа дека Иниеста често е цел на противничките фудбалери може да се случи Афелај да добие поголема минутажа од очекуваното.

2. Роден лидер

 

Откако во 2006 година Марк ван Бомел го напушти ПСВ и премина во Барселона, холандскиот тим остана без својот лидер, но затоа тука беше Афелај да ја преземе улогата. Со само 20 години Афелај покажа дека поседува квалитет да го води тимот до титули во холандскиот шампионат. Четири сезони подоцна тој прерасна во најдобриот играч во земјата на лалињата, капитен на ПСВ и стандарден член на репрезентацијата. Нема да биде изненадување ако Афелај за две до три години ја преземе и капитенската лента во националната селекција.

 

3. Фантастична техника

 

Познато е дека екипата на Барселона негува напаѓачки стил на игра. Каталонците секогаш инсистираат на перфекција во изведувањето на акциите. Афелај е крајно атрактивен фудбалер со специфична техника што би била од голема помош за „блауграна“. Афелај има одлична пас-игра, а чувството да постигне гол од далечина го прави одлично засилување за тимот на Гвардиола.

 

4. Гвардиола ја признава грешката

 

На почетокот на трансфер-периодот ова лето Барселона доведе само едно засилување во средниот ред, што во текот на оваа полусезона се покажа како недоволно. Гвардиола направи лоша проценка со трансферот на извиканиот Маскерано и сега со доведувањето на Афелај конечно ја признава грешката, што ја направи со неангажирањето на Мезут Озил. Иако Маскерано и Афелај не играат на истата позиција во средниот ред, многу лесно може да се забележи дека во отсуство на Чави или Иниеста, Гвардиола нема многу опции и останува само со класични деструктивци Кеита, Бускетс и Маскерано. Афелај би бил вистинско освежување во тимот и енигма за противниците.

5. Евтиниот трансфер

 

Договорот на Холанѓанецот со ПСВ му истекува на лето. Тоа ги натера челниците на тимот од Ајндховен да го продадат својот дијамант уште во јануари за колку-толку да успеат да заработат некое евро. Барселона имаше жестока конк*ренција во Арсенал и Јувентус, но Афелај си го оствари детскиот сон и потпиша за шпанскиот шампион.

Изменето од емил - 16.Ноември.2010 во 14:47