Машка мода

 

Есен 2010 - Машко спортско сако

Машкото спортско сако со текот на времето стана составен дел од гардеробата не само на деловните мажи туку и на сите преостанати. А и како не би било кога ова casual парче облека може да се носи буквално насекаде, од канцеларија до градска дискотека. Оваа сезона се во тренд спортските сакоа во црна, темно сина и крем боја. Она што преовладува кај нив е средната  должина и кројот кој што убаво ја прати линијата на машкото тело. Во прилог ви презентираме модели од шест водечки брендови.

1. Banana Republic и Etro

2.Giorgio Armani и Dolce & Gabbana

3.Loro Piana и Ermenegildo Zegna

Машки трендови на лондонската модна недела

Лондонската модна недела ги претстави своите мажи за наредната сезона. Ревијата на J.W. Anderson Ozwald и Boateng ги потврдија веќе познатите трендови за претстојната година.

J.W. Anderson ја гледа сезоната пролет/лето 2011 во малку понеформално издание. Низ колекцијата се провлече цветна мостра, како и неизоставниот дел на сезоната- валкано кафеава боја и боја на песок.

Извлечените пантолони и ракави на колекцијата и даваат малку војнички и агресивен изглед. Андерсон ја разбива монотонијата со комбинрање на повеќе нијанси на иста боја.

Ozwald Boateng ја претстави својата come-back ревија. Разновидни модели, од класични кроеви до малку похрабри парчиња. Boateng својата ревија ја нарече „Машка приказна“, каде повеќе од 100 модели ги прикажуваат мажите во разни ситуации. Бојата на песок и овде не изоставува, како ни капутите кои се дефинитивно ИН.