Фенг шуи во детска соба   Детската соба е место во кое се изразува детската среќа, нивната креативност, љубопитност, тага, лутина. Доколку детето не сака да го минува времето и да спие во неа, проверете дали е лошо фенг шуито на собата   Потребите на детето во периодот на растење често се менуваат, па затоа се препорачува на неколку години да се преуредува детската соба, барем во нејзините детали. Доколку сте во можност, избирајте само природни материјали.  Детската соба има повеќенаменска улога, па така освен за спиење, се користи и за игра и за забава со пријателите. Оваа просторија е место во кое се изразува детската среќа, нивната креативност, љубопитност, тага, лутина. Доколку детето не сака да го минува времето и да спие во неа, проверете дали е лошо фенг шуито на собата. ПРЕНАТРУПАНОСТ ОД ИГРАЧКИ Уредете ја просторијата едноставно и удобно, приспособена на возраста на детето, и изберете природни, лесни материјали со светли бои. Во детските соби никако не се препорачува тежок, масивен мебел со темни бои бидејќи тој исклучително ја забавува енергијата. Секако оставете доволно простор за игра. Детската соба брзо станува пренатрупана со играчки, што влијае негативно на расположението и на размислувањето на детето. За складирање на играчките поволни се лесни кутии и сандаци на подот, полици или неколку мали шкафчиња. Висечките кошари за ситни играчки претставуваат практично и декоративно решение. Поттикнете го детето пред спиење да ја уреди својата соба. Сите уништени, стари играчки и книги и облеката што детето ја надраснало отстранете ги од собата. ИЗБОР И ПОЗИЦИОНИРАЊЕ НА МЕБЕЛ Одберете кревет што има заглавје од полн материјал. Креветот со заглавјето треба да биде прилепен до ѕидот и поставен на тој начин што детето ќе може да го види влезот во собата. Поставување на креветот под прозорец или на средина на собата не е поволно. Сé што се наоѓа над креветот и го притиска детето додека спие (како што се полици или шкафчиња) има штетно влијание на квалитетот на сонот и на здравјето. Поместете го креветот за да го избегнете ова негативно влијание. Ѕидовите околу креветот може да ги украсите со постери со мотиви на природа, животни, ликови од цртани филмови или со идолите на детето. За големите површини, како што се ѕидовите, се препорачува да се изберат пастелни нијанси, додека интензивните бои помалку да се употребуваат. Црната и црвената боја се единствените бои со кои треба да бидеме внимателни. На пазарот сé почесто може да се најде убаво дизајниран детски мебел со секоја фиока или вратичка во различна, интензивна боја. ДРУГИ ПРЕДМЕТИ За целосно уживање во детската соба побарајте разнобојни рамки за фотографиите, столни ламби, ѕидните часовници, украсни перничиња, закачалки за облеката, метро за мерење на висина и садови за боички. Присуството на аквариуми, растенија или фонтани треба да се избегнува, бидејќи создаваат неповолна јанг-енергија во детската соба. Огледалата исто ја држат „будна“ детската соба, што претставува проблем во ноќните часови кога детето треба да спие. При изборот на украсите и мебелот вклучете ги децата и овозможете им да внесат што е можно повеќе идеи во овој простор, дури и да не се по ваш вкус. Доброуредената соба во која вашето дете се чувствува сигурно и пријатно ќе има позитивно влијание на неговиот развој.

........за паганчето

Изменето од bijonse1 - 03.Мај.2010 во 17:55

prakticni krevetcinja ,

samo namesto zeleznata ramka bi stavil iverica i racka za da izgleda deka e fioka

MyWay напиша:

еве да те лајкнам еднаш

Квалитетна организација на детската соба



Детската соба е прекрасно весело место, но доведувањето во ред често претставува “невозможна мисија”. Еве неколку совети кои ќе ви помогнат во организацијата и воведувањето ред во детското катче.

1. Спуштете се на нивно ниво. Спуштете се на колена во нивната соба за да може да ги видите работите од нивна висина. Прикладноста на предметите за детето е важен фактор за добра организација или за отстранување на непотребните работи. Спуштете ги полиците во шкафот со облека. Ставете ги најчесто употребуваните предмети на најниските полици и во најниските фиоки. Поставете декоративни кантички, кутии, корпи и слично во аглите на собата, на дното на шкафот или покрај креветот.

2.Сокријте ги предметите под кревет. Употребете тенка, правоаголна кутија со тркалца што ќе служи за чување на предмети под креветот. Подгответе една таква за кукли, а друга за автомобили. Исто така, детските цртежи, хартии и боички ставете ги во ваква кутија. Повозрасните деца во ваква кутија може да чуваат тетратки или ЦД-а.

3.Нека организацијата стане забава. Организирањето може да биде напорно дури и за возрасните. Помислете како се чувствува детето при помислата за раздигање на играчките, облеката, учебниците и тетратките. Затоа вклучете ги децата, допуштајки им, на пример, да изработат креативни налепници за своите фиоки и кутии. Исто така, може да направите фотографија од вашето дете со одреден предмет кој е наменет за одредена фиока и да ја залепите на предната страна на фиоката или кутијата.

4. Фиоките нека бидат плитки. Што е подлабока фиоката, толку повеќе предмети ќе може детето да стави во неа, што ја отежнува организацијата. Со исклучок на фиоки кои се исклучиво наменети за поголемите предмети, користете плитки фиоки.

Наполнете ги подлабоките фиоки со мини-организери, кутиички, кутии и разни прегради за одвојување на предметите во фиоката. Фиоките нека бидат поставени на тркала, што ќе овозможи лесно да бидат внесени во шкафот или поставени до ѕидот.

5. Кодирајте ја организацијата со бои. Купете сини кутии за Барбиките, а црвени за количките. Летната гардероба закачете ја на зелени закачалки, а свечената на сини. Или пак, користете една боја за едно дете, ако имате повеќе деца.

6.Закачувајте. Вашите деца би можеле да ја разгледуваат колекцијата на лични ракотворби на ист начин како што вие ја разгледувате вашата колекција. Купете исти рамки и закачете ги сликите во неодреден ред на едниот ѕид во детската соба. Тоа дава декоративен и личен елемент.

Поставете плоча од плута на која децата можат да ги закачат училишните слики, разгледниците од патувањата, медалите и наградите освоени на натпревари. Или пак, закачете правоаголен организер со џепови кои сами сте ги сошиле во кои ќе се чуваат слики, разгледници и роденденски честитки кои ќе се собираат преку целата година.

7. Поставете ги основните правила. Пред да се планира играње на друштвените игри во собата, треба да определи место каде што ќе се одложат предметите по играњето. Во собата задржете ги само предметите кои ќе имаат свое место. Ако фиоката е полна, исфрлете ги најмалку потребните предмети. LOL

Изменето од ФорумскаБаба - 20.Октомври.2010 во 21:27