Контрола на работата на вработените во училиштата

Читам во Нова македонија и не ми се верува. Се освестиле инспекторите да проверат што и како се работи по училиштата. И пази молимте, откриле дека не се работело како што треба.
Сите реакции и апели од родителите, учениците па и од многу наставнци за анархија, партизација некако не допираа до никого.
И сега наеднаш демек откриле топла вода. Нешто што мене ме изнасмеја е околу работата на фамозните стручни служби- демек работеле. Доволно е само да се направи една анкета меѓу родителите, учениците и наставниците и ке се добие јасна слика колку работеле. Тие може да си прават досиеја, да тврдат ама доказите се на дланка. Многумина од нив активирани на куп проекти ги нема ни по пола година на своите работни места. Само треба да се видат списоците кога, каде држеле обуки. Ако може во исто време да се на две места тогаш ОК.
Професорите добија единици и двојки
Ако ова не е само моментално заплашување, ке биде добро.
Истото мора да важи и за наставниците/професорите. Ако сакаат да се обучувачи, ментори, координатори мора да се тргнат од настават или обуките да ги закажуваат по часовите . Не може просветен работник да не е на настава, учениците да губат часови или некој да ги заменува реда ради а оној кој за тоа е платен нигде го нема односно го има некаде надвор од училиште.
Убаво е да се направи една анкета и за работата на советниците од БРО и нивната советодавна работа  со наставниците почетници.
Ај со помин, со лесно што би рекле во Шехерезад.

Читам во Дневник-
 Оставки во прилепската гимназија по смртта на ученикот
Меѓу другото интересна е анализата и констатациите дадени од просветниот инспекторат.
1.....трагедијата при изведување програмски активности по предметот Физичко.
Нејаснотија- Програмски активности по завршетокот на учебната година????
Децата биле упатени на поправен???
2. Оценката била заклучена без да завршат активностите.
Која оценка, крајната, позитивна, од поправен????
3. било сугерирано од некои наставници, поради високите температури, да се одложи програмската активност по физичко,
Наствниците кои сугерираат (зборувам воопшто-како појава) секогаш се на мета на директорите (и нивните послушници) како опозиционери, како кандидати за казна на плата!!!
4.Немало согласност од учениците, а училиштето било должно да ја добие поединечно за водење на програмските активности.
Во училиштата нема согласност од наставниците а камоли од децата или родителите. Факт е дека владее анархија и невиден мобинг.
Банален пример- Одреден наставник не се согласува со
цената, времето на изведување, локацијата на екск*рзијата-таа се изведува и никого не му е гајле
- обуки, семинари- иако многумина не се согласуваат со термините на изведување заради губење настава ..па и заради неквалитетните обучувачи кои обуката ја тераат проформа...или не се компетентни за доменот за кој  обучуваат... или земање на викендот...што е незаконски па дури и казниво и обврзно да се плати дневници- се врши невиден мобинг врз “опструкторите“
5.директорот на гимназијата не покажал никаква одговорност зашто неправилностите утврдени уште при априлскиот надзор не биле досега поставени на дневен ред на Училишниот одбор,
И што дека ќе се постават? Директорите (секој чест на исклучоците) со самото назначување си одбираат училишен одбор од нивни послушници кои никогаш нема да отидат против нивните  одлуки. Со училишните одбори место претседателите раководат  директорите.
Членовите од редовите на наставници треба да ги информират своите колеги со одлуките!!! Преставниците на родителите- родителите.
6. Уште при априлската контрола е увидено дека токму во класот на починатиот ученик не биле евидентирани резултатите од систематските прегледи од првото полугодие и училиштето не ги зело од медицинската установа. Ниту досието на ученикот, што биле должни да го водат, не било пополнето - изјави Арсов.
Дневникот е документ кој стои во наставничка канцеларија достапен на сите и затоа во него во записниците не се пишуваат податоци ко може да ја нарушат приватноста на ученикот. Записниците од систематские стојат во администрација. Информации за систематските им се даваат на родителите. Впрочем-зошто мора ова да оди преку училиштата. Секој родител нека има обврска да си го носи детето на годишен систематски преглед и нека го инфоормира училиштето за одредени аномалии.
А околу досието- па бично во него се внесуваат податоци за напредокот или назадувањето во учењето. Многу малку се има информации за семејната, здравствената   сотојба на ученикот бидејки право на родителот е дали ќе донесе потврда за тоа. Училиштето нема право да бара нити за здравствената (психичката, интелектуалната) состојба на детето и тоа да го има во досието.

Си ја  читам колумната  на некогашниот ми главуш за дејноста од каде вадам лебот за ранење на фамилијата и се чудам колку убаво човекот ’’збори’’ сега од позиција на опозиција.
Екстерно оценување
Се му е на место, само заборави да каже дека многу од фалинките се од негово време или зародишот го добија тогаш. А и тогаш ние ’’даскалите единичари’’ апелираравме- ГЛАВУШИ СО УСУЛ воведувајте новини. Зарем навистина господинов некогашен пали/гаси во образованието не знае дека истиве реформи ги носат истите луге од негово време кои само сменија партиска книшка, некои работно место
Истите тие (кој психолози кои со месеци ги нема на работа -без ден пракса во настава оти не им е тоа работа, педагози теоретичари, советници за градинки кој со деветолетките добија прилика да кажуваат и во училиштата како даскалите математичко да размислуваат  иако учеле  логичка математика кај професори доктори на наука, арно ама логичкото не е математичко размислување, советници кои ’’пребегале’’ од бирото за образование на подоходовно место -изворот на парите -проектите, автори на учебници по предмети кои не ги предавале ни ден и не знаат колку не чинат учебниците  и да не ги бројам) ја кројат капата и сега.
Знае ли мојов некогашен главуш колкав мобинг се врши врз наставниците оти ако не оделе на обуките и не добиеле сертификати (од обучувачи со максимум 10 дневна обука) ке останеле без работа
Грешат сегашниве, тука нема збор оти не ги засекоа во корен, не ги вратија на местата за кои земаат плата и ги оставаат во име на некои обуки по цела година да ги нема на работа,деца да губат часови,  ама патот го трасираа токму овие кои сега кажуваат како не треба. Тие се мениваат,заминуваат, поидзабораваат, ние кои храбро ги трпиме нивните реформи кои со нивното заминување пак ни ги воведуваат сме тука, памтиме. И арно вели една догогодишна истакната учителка- Ајде дечки горе глава,терајте вие по свое, онака како најубаво знаете оти деца не се учат со солење памет на хартија ами со работа во училница  Тие доаѓаат и си одат, ние сме тука да ги пречекаме, испретиме. Најубаво е чивството кога им го гледаме грбот.

Ова по инерција останато  од заедничката ни татковина... ат не сме само ние...ат не е само кај нас
http://danas.net.hr/hrvatska/page/2010/07/02/0081006.html
Ministru za kaos krivi profesori koji žure na more