South Park

Исламски екстремисти против „ South Park“

Дамјан Варошлија	Коментари (1)

Американски исламисти им се заканија со смрт на авторите на популарната цртана серија „ South Park“. Причина за предупредувањето е, како што велат, навредливиот начин на кој е прикажан пророкот Мухамед, во двестотата јубилејна епизода.

Во неа се прикажани славни личности кои бараат заштита од исмејување и недопирливост како онаа на пророкот Мухамед.

На овие закани авторите на серијата објаснуваат дека всушност двестотата епизода е микс од повеќе епизоди каде сите славни ликови, меѓу кои и пророкот Мухамед, всушност се супер најдобри другари.

„Имавме идеја да ги земеме најпопуларните моменти во шоуто и да ги вметнеме во една нова епизода. Собравме стари работи, но му дадовме нов заплет на шоуто. На почетокот ни се чинеше малку глупаво, но излезе прилично кул“, вели Треј Паркер, автор на серијата.

Но ова објаснување не ги одврати исламистите од заканите. Според нив, со емитувањето на оваа епизода, авторите Мет и Треј веројатно ќе завршат исто како холандскиот режисер Тео Ван Гог, кој во Амстердам беше убиен токму од исламските екстремисти.