Whitesnake

   Whitesnake се англиски бенд формиран во 1978 година како соло проект на пејачот на во тој период веќе распаднатите Deep Purple, David Coverdale. Во првите години од постоењето Whitesnake се ориентира кон блуз-рок музиката популарна во седумдесетите, и постигнува солиден успех во Европа и Велика Британија. На американскиот пазар се пробиваат со албумот Slide it in, прв нивен албум издаден во US. Постигува солиден успех на пазарот. По снимањето на овој албум следува целосна промена во составот на бендот и целосна промена на стилот на музика. Whitesnake се вклопува во тогаш популарниот "hair metal". Улогата на главен гитарист ја презема John Sykes (ex Thin Lizzy). Следниот албум, насловен по името на бендот постигнува неверојатен успех. Here I go Again го достигнува врвот на американските топ листи, а исто така сличен успех постигнува и баладата Is This Love. Голем хит станува и моќната Still Of The Night, често оспорувана поради стилската сличност на композицијата со делата на Led Zeppelin, а и вокалната сличност на Ковердејл со Роберт Плант. По несогласувањата следи уште една темелна промена на составот, остануваат само Ковердејл и вториот гитарист Адриан Ванденберг. Местото на прва гитара го презема виртуозот Steve Vai. Следниот албум е полошо прифатен од публиката, а по завршувањето на турнејата Ковердејл го прекинува постоењето на Whitesnake велејќи дека е уморен од комерцијалната застапеност на својата музика и стилот на облекување на бендот, кој самиот ќе го окарактеризира како „женски“, и заминува за да соработува со Jimmy Page(ex. Led Zeppelin),  со кој издава еден албум и прави кратка турнеја. Ковердејл повторно го обединува Whitesnake за Greatest hits турнејата, а потоа издава неколку соло албуми. Во 2003 Whitesnake е повторно формиран по повод 25 годишнината од постоењето на бендот. По неколку турнеи во 2008 го издаваат албумот Good to be bad, кој станува албумот со најдобри професионални критики во кариерата на Whitesnake. Најавено е дека во текот на 2010 или 2011 ќе се издаде следниот албум на бендот.

Актуелниот состав на Whitesnake e: David Coverdale, Reb Beach и Doug Aldrich на гитари, Uriah Duffy на бас, Chris Frazier на тапани и Timothy Drury на клавијатура.

David Coverdale

Still Of The Night

Take me with you

Ready To Rock

Jugdement Day