На повидок нов дипломатски фронт со Бугарија

-Откако побарав помош од Бугарија за зголеменото ниво на езерото, наместо поддршка и разбирање од власта во Скопје, добив обвинувања. Затоа подобро е административно да не управува и контролира Скопје, наводно изјавил Петрески за бугарски Фокус.

По ваквата вест Петрески се вознемири. Ги повика новинарите за да ја демантира изјавата која беше пренесена во бугарски Фокус. Тој дури и се јавил во агенцијата од каде му било кажано дека се работи за првоаприлска шега. Тој им рекол дека се кренала паника во Македонија по објавувањето на ваквата вест. Петрески, како што тврди бугарски Фокус, им рекол дека сите му се јавувале, а партиите почнале да закажуваат прес-конференции на таа тема. Побарал што побрзо да се објави дека е шега.

Агенцијата му се извини на Петрески, посочувајќи дека му создале главоболка. Им се извини и на македонските политички партии и на новинарите за, како што пишуваат, создаденото неспокојство. Но на крај додаваат дека во никаков случај не се откажуваат од тоа дека Охрид како град заслужува поголемо внимание од она кое го добива од македонските власти.

http://www.kirilica.com.mk/vest.asp?id=45379