Животни - општа дискусија

Смеењето кое што го испуштаат хиените е мошне препознатливо за нивниот вид, но сега научниците тврдат дека преку него се испраќаат информации за нивното место во фамилијарната хиерархија.

Заклучокот е донесен откако било направено набљудување на колонија од 26 хиени кои живеат во САД и кои се на различна возраст и имаат различен статус.

Според истражувањето степенот и бојата на тонот кај смеењето на хиената го определуваат нејзиниот статус во колонијата.

Степенот ја одредува возраста на животното, додека варијациите во фреквенцијата покажуваат дали животното е доминантно или подредено.

-Смеењето на хиената им дава на истражувачите информации за нејзиниот статус, истакнува доктор Фредерик Теунисен, од универзитетот во Калифорнија.

Според него ова може да им помогне на хиените да се наметнат и да се организираат при ловењето

Принцезата Аби, мала чивава која има искривен грб, нозе и не гледа на едното око е прогласена за најгрдото куче на светот, на овогодишниот натпревар одржан во Калифорнија.

Сопственичката на Аби, Кејтлин Франсис го посвоила кученцето од својот ветеринар пред пет месеци, но ни на сон не очекувала дека токму тоа мало животинче ќе и донесе награда од 1000 долари.

Се појави риба мутант во Преспанското Езеро

Рибата е комбинација на плашица и на грунец. Ги има особеностите на двете риби, а мутацијата настанала како резултат на преголемата упот­ре­ба на пестициди на земјоделските површини во близина на Езе­ро­то

Хид­ро­би­о­ло­зи­те открија риба мутант во Преспанското Езеро. Рибата е ком­би­на­ци­ја на плашица и на грунец. Ги има особеностите на двете ри­би, а мутацијата настанала како резултат на преголемата употреба на пес­ти­ци­ди на земјоделските површини во близина на Езерото, кои со дож­до­ви­те се слеваат во него, вели познатиот охридски биолог д-р Трај­че Талески.
"По­ра­ди преголемото загадување на езерската вода, доаѓа до промена на генетската структура на материјалот за размножување и кај маш­ки­те и кај женските единки. Врз основа на така променетата генетска струк­ту­ра, се создава подмладок кој ги има особините на два различни ви­да риби", појаснува раководителот на одделението за краповидни ри­би при Хидробиолошкиот завод во Охрид д-р Трајче Талески.
Оваа риба мутант веќе плива во водите на Преспанското Езеро, а би­о­ло­зи­те стравуваат дека ако не се запре загадувањето на Езерото, овие му­тан­ти ќе продолжат да се развиваат, а може да се појават и некои но­ви форми во живиот свет, за кои не може да се претпостави како ќе из­гле­да­ат.
"Оваа риба плашица - грунец веќе ја има во Преспанското Езеро.Ние ги ис­пи­ту­ва­ме нејзините карактеристики и засега е рано да се каже дали таа ќе се размножува во ист вид, бидејќи се работи за генетска мо­ди­фи­ка­ци­ја на материјалот за размножување", вели д-р Талески.
Би­о­ло­зи­те напоменуваат дека ова е своевиден аларм кој го дава при­ро­да­та, бидејќи појавата на риби мутанти се коси со природните за­ко­ни.