Има ли вонземјани?

НЛО три ноќи по ред регистрирано во Флорида

архива

Неименувана двојка од Флорида во полицијата пријавила како три ноќи по ред, на 26, 27 и 29 март годинава, виделе НЛО, што било потврдено и со снимки од надзорни камери, што регистрирале чудна светлина на небото, јавува МИА.

Збунетата двојка која го видела НЛО-то живеела во близина на заливот Џонсон, а на небото во три три ноќи виделе „ голем сјаен објект на височина од околу 45 метри над нивото на морето“.

Кога шефот на пожарникарите Емилио Родригез ги погледал снимките од камерите, регистрирани на 29 март, како што впрочем работел секое утро, многу се изненадил кога видел кадри светлина која лебди над нивото на морето.

„Камерата снимила голема бела светлина во облик на сплескана топка, што се спушти право од небото за потоа со часови да лебди на истото место без било какво движење. Потоа повторно одеднаш ќе исчезнеше како и што се појави“, рече Родригез.

Тој објаснува дека системот на надзорни камери му овозможува да ги прегледа ноќните снимки а тоа утро забележал големо силно светло што дошло од некаде горе, за потоа одненадеж да исчезне.

Признава дека не му е јасно за каков објект станува збор, но веднаш ги повикал соседите за да ги праша дали некој од нив забележал нешто чудно на небото тие ноќи.

Двојката која го забележала светлото ан небото раскажала дека три ноќи по ред гледале како необичната светлина лебди над заливот и тоа на истото место што е забележано на видео снимката.