Како изгледа идеален партнер!!!

 

Заборави на крај да допишеш и дека НЕ ПОСТОИ!

 

___________________________________________________________

 

Никој не е совршен, и основата на секоја врска, особено на љубовната, е компромисот. Тоа е првото правило што треба да го прифатите во секој посериозен однос. Но како да знаете кога компромисот е еднострана улица по која вашиот партнер не сака да се движи?

Без компромис нема долготрајна и квалитетна врска, но постојат 10 знаци што можат да ви покажат дека на човекот на вашиот живот не му се важни меѓусебното почитување и разбирање.

Секогаш ги прифаќате неговите желби, тој никогаш вашите
Во една врска партнерите некогаш имаат различни желби, па затоа потребно е да се најде компромис. Тоа значи дека понекогаш го правите она што не го сакате за да му угодите на партнерот и обратно. Но ако вие секогаш се согласувате на неговите желби, а тој никогаш на вашите, и ако имате малку заеднички активности во кои и двајцата уживате, време е за разговор. Заслужувате партнер што ќе сака да прави нешто само заради вас, а не онаков што секогаш ќе има изговор и ќе врти со очите на секој ваш предлог.

Вашите пријатели не го сакаат, а вие неговите
Многу лош знак е кога вие не ја сакате посетата на неговите пријатели ниту тој на вашите. Уште полошо ако секојдневно се расправате поради вашите и неговите пријатели. А најлошо е ако пријателите почнат да ве избегнуваат поради него. Ако дојде до такво нешто, јасно е дека некои заеднички дружења отпаѓаат засекогаш.

 

Кога постојано се лаже
Се прашувате како воопшто да препознаете кога вашиот партнер лаже? Сигурен показател е неговиот однос со пријателите и членовите на семејството. Доколку со луѓето што му се блиски знае да каже лага за да избегне нешто, многу е веројатно дека и вас ве лаже.

Паразит
Се прашувате каква личност се крие зад ова име? Тоа е личност што има слабо развиено чувство за своите обврски и придонес во опстанок на врската во материјална смисла. Без проблеми се приспособува, не плаќа ништо, а живее кај вас. Освен тоа секогаш вие ја плаќате вечерата, а тој/таа воопшто не се грижат за тоа, бидејќи им одговара.

Не сака да испробува нови работи
Сите ние во извесна смисла сме робови на навиките, но доколку партнерот ги одбива сите предлози и планови, вашата врска многу брзо може да стане здодевна. Кога ќе посакате нешто ново, а партнерот се згрозува над тоа или од прва го одбива, можете да го направите следново: доколку е можно, пробајте тоа да го реализирате самите, прифатете ја неговата/нејзината желба или побарајте нов партнер со кого сé околу вас ќе биде поинтересно и попредизвикувачко.

Постојано ги поправа вашите грешки
Човечки е понекогаш да сте лути. Но кога партнерот мисли дека тој е секогаш во право, а дека вие секогаш грешите, тоа баш и не е некоја добра позиција за вас. Партнер што постојано ве опоменува, ве поправа и ви советува што да правите а што не и кој мисли дека сé знае, сигурно тоа воопшто не е здраво за вашата личност. А кога своите исправки ги прави и надвор од домот, јавно, е тогаш треба да се замислите, дали сето тоа омаловажување ви е потребно?