< id="WebWizRTE" ="http://forum.idividi.com.mk/RTE_.asp?mode=reply&POID=2209464&ID=785" style="border: 1px solid rgb(165, 172, 178);" onload="initialiseWebWizRTE();" width="490" height="250"> На гитарџискиот онлајн-видеонатпревар „Схред тхис тоо“, македонскиот гитарист и член на дуото „Шајн“, Дамјан Пејчиноски, го освои првото место во конк*ренција од 318 гитаристи од целиот свет. Талентираниот

охриѓанец на натпреварот се претстави со импровизација на металкор-тема. Во жирито, кое ги оценуваше инструменталистите беа: Марко Сфогли - гостин судија од Италија, гитарист во бендот на Џејмс Лабри, Рик Греам, пејачот на „Дрим тиатар“, Том Квеи од Англија, Магнус Олсон од Шведска и Крис Брукс од Австралија.
Зад Дамјан се најдоа второпласираниот Тум Сиамрат од Тајланд, трето место му припадна на Брајан Аспес од САД, а по нив следуваа Џек Гардинер од Англија и Џуп Волтерс од Холандија.
Дамјан Пејчиноски е дел од македонскиот евровизиски тим, заедно со Ѓоко Танески и Били Ѕвер. Во песната „Јас ја имам силата“, која Македонија ќе ја претставува на Евровизија во Осло, Дамјан ги отсвире гитарите и едно вонвременско соло.
Интернационалниот успех на Дамјан почна во јуни мината година, кога влезе во финалето на музичкиот натпревар „Гитар Идол 2009“ во Лондон. Настапот на овој фестивал му овозможи многу контакти со познати музичари, кои заинтересирано ја следат неговата музичка кариера.
Младиот гитарски виртуоз од Охрид, во декември минатата година го освои второто место на интернационалниот интернет гитаристички натпревар „Стрингс оф фире“.