Кој ја напишал Библијата?

da ama bitno e da go prifatime vo dela 2;21 ima odgovor ako sakas mozam da go citiram

        ДАЛИ Е ИСУС БОГ?


Кај современиот човек во денешно време, чувството за вечност и бесмртност често пати е парализирано. Заробен и успиен во метафизичкиот и етички релативизам, современиот човек своите размислувања за животот често пати ги завршува во безсмисленост и безнадежност. Но, кога ќе се разбуди од тој кошмарен сон и кога ќе почне да ја насетува волшебната реалност на вечноста, човекот почнува да ја бара вистината за себе и светот каде што живее. Тоа чувство за глад и жед немилосрдно го влече од пустината на животот кон оазата на радоста каде што вечните вистини, преминуваат во извори на жива вода и течат кон вечноста.

Таа духовна глад во срцето на човекот создава во него неодолива желба да го запознае Бога, изворот на вистината. Тајната на вистината не лежи во предметите, идеите или симболите, туку во личноста на Исуса Христа: „Јас сум Патот, Вистината и Животот“ (Јован 14,6). Сознанието за божеството е скоро апсолутно невозможно без сознанието на личноста на Исуса Христа. Бог преку личноста на Исуса Христа на најочигледен начин се прикажал себеси како ВЕЧЕН, во границите на овој наш свет. И затоа Светото Писма кажува: „А знаеме дека Синот Божји дојде и ни даде разум за да Го познаеме Вистинскиот. И ние сме во Вистинскиот, во Неговиот Син Исус Христос. Тој е Вистинскиот Бог и живот вечен“ (1 Јованово 5,20). Меѓутоа, на тој свој прв чекор од своето духовно будење, човекот наидува и на поединечни учења, кои во своите основни постулати на верата го негираат Христовото божество. Овие гледишта учат дека Исус не е и дека не може да биде Бог, бидејќи Бог е само еден и единствен, вечит и непроменлив. Значи основен проблем е ДАЛИ ХРИСТОС Е БОГ? Најгласни од сите учења поврзани за оваа проблематика се учењата на Јеховините сведоци и Исламот. Намерата на оваа кратка студија е да ги изнесе и критички еволуира аргументите на овие две позиции од една и да го изнесе библискиот став поврзан за божеството на Исуса од друга страна. Целта на оваа студија е на читателите, верниците и на оние кои штотуку ја запознаа вистината за Бога да ги увери во веќе откриената вистина, запишана во евангелијата, нудејќи им помош во сфаќањето и вистинското толкување на личноста на Исуса Христа.

   1. Христовото божество кај Јеховините сведоци

Својот став поврзан за ова прашање припадниците на оваа верска заедница го изложија во својата книга „Кој е Бог“ стр.49 каде што пишува: „Божјиот Син е првото создание кое што Бог го направил со свои раце“. Во овој како и во многу други ставови со слична содржина, Јеховините сведоци во личноста на Исуса Христа гледаат само создание, инфериорно во однос на Отецот, кој има свој почеток и е зависен од Бога. За да ја докажат оваа своја изјава тие користат неколку библиски текстови, но најкарактеристични се текстовите запишани во Посланието до Колосјаните 1,15.16 и Книгата на Откровение 3,14.

    * Исус Христос во Колосјаните 1,15.16

„Тој е образ на невидливиот Бог, Првороден на секое создание“. Овој текст се користи од страна на Јеховините сведоци за да го докажат своето гледиште дека Исус е прво создание кое е излезено од Божјите раце, има почеток и затоа не може да биде Бог. Што кажува Библијата за овој текст? - Клучен термин за да се разбере целокупниот текст е зборот првороден или (грч.прототокос). Овој израз не е врзан за некој временски период на случување на некој настан туку со овој термин писателите на Библијата ја истакнувале важноста и улогата што ја имала одредена библиска личност во дадена ситуација (пр.Псалам 89,20-27; тука Давид е наречен првороден иако не бил). Во еврејската култура, првородените добивале поголеми семејни права и поголема привилегија, за разлика од останатите, така да Исус како првороден меѓу луѓето се здобил со сите привилегии што човекот ги изгубил. Имајќи ја оваа позадина во мисла, апостол Павле во Колосјаните 1,15.16 Исуса го нарекува првороден.

    * Исус Христос во Откровение 3,14

„Ова го зборува Амин, верниот и вистинскиот сведок; Почетокот на Божјото создание“. Ова е вториот карактеристичен текст што се користи од страна на Јеховините сведоци да се негира Христовото божество. Која порака сакал да ја истакне апостол Јован? - Клучен термин да се разбере целокупниот библиски текст е зборот „почеток“. Грчкиот збор употребен на ова место е зборот архе. Во превод овој збор значи принцип на животот, прва причина или зачетник. Значи пораката на овој текст не е да ни го прикаже Исуса како првосоздадено суштество од Бога, туку да ја разбереме улогата на Христа како Главна причина во процесот на новораѓањето на Лаодикеја. Значи, Исус во овој текст е претставен како Создател, а оваа особина ја поседува само Бог.

2. Христовото божество во Исламот



Во Исламот Исус (или Иса) завзема навистина видно и значајно место. Во 93 стиха (ајети), распоредени во 15 глави (сури) од Коранот се спомнува Исусовото име а 3 од овие 15 глави се насловени со Исусовото име. Освен како Иса, во Коранот Исуса го среќаваме како Божји дух и Божја реч. За Муслиманите Исус е пророк и пратеник, благословен и праведен, ценет и на земјата и на небото. Коранот кажува дека Исус ги лечел слепите, глувите и дека ги воскреснувал мртвите. Собрал околу себе ученици кои верувале дека Тој е Божји пратеник. Меѓутоа, според Исламот, Исус како и другите пророци е само создание и не поголем од слуга. Никој не смее да го нарече Бог, Божји син или Господ затоа што не може да постои никаков друг Бог освен единствениот Бог (“Муслиманите моите ближни стр.43“). Ценејќи го учењето на Исламот поврзан за Исуса Христа, сепак Светото писмо ни кажува дека Исус бил многу повеќе отколку само пророк: - Исус за разлика од другите пророци бил претскажан уште пред да се роди (Книгата на пророк Михеј 5,2; Исаија 7,14).- Исус се родил на многу чуден начин за разлика од сите други пророци (Лука 1,35; Матеј 1,18-25). - Христовиот живот се разликувал од животот на сите други пророци (1 Петрово послание 2,22.23). - Христовата смрт се разликувала од смртта на било кој друг пророк (Послание до Римјаните 5,8-10).- За разлика од другите пророци Исус е денеска жив и се наоѓа на небото (Марко 16,19).- За разлика од другите пророци Исус ветил дека повторно ќе дојде да ги спаси верните (Јован 14,1-3; Послание до Солуњаните 4,15-17). Сите овие аргументи ни сведочат дека Исус бил многу повеќе отколку човек или пророк. Исус е Бог.

3. Библиски поглед на Христовото Божество

    * Христос има Божји особини

-Тој е семоќен (Филипјаните 3,24). - Тој е сезнаен (Колосјаните 2,3;Јован 16,30). - Тој е сеприсутен (Матеј 18,20;28,20). - Тој е самобитен (Јован 5,26;и 11,25). -Тој е непроменлив (Послание до Евреите 13,8). - Тој е вечен (Колосјаните 1,17; Михеј 5,2).

    * Христовата моќ

-Тој е создател (Јован 1,1-3). - Тој е одржавател (Колосјаните 1,17). - Тој простува гревови (Матеј 9,6; Марко 2,5-7). - Тој подигнува мртви (Јован 5,28.29). - Тој ќе му суди на светот (2 Послание до Коринтјаните 5,10).

    * Сведоштвото на Библиските личности

-Пророк Исаија (Книга на пророк Исаија 9,6). - Апостол Тома (Јован 20,26-28). - Апостол Павле (1 Тимотеја 3,16; Римјаните 9,5). - Апостол Јован (1 Јованово 5,20).

    * Исус го обожаваат како Бог

-Народите (Матеј 28,17). - Ангелите (Послание до Евреите 1,6). - Секое колено и племе (Послание до Филипјаните 2,10.11).

    * Исус сведочи сам за себе дека е Бог (Јован 10,30; 13,13; 14,7-9).



На крајот на оваа наша кратка студија несомнено доаѓаме до еден единствен заклучок, а тоа е дека Исус Христос е многу повеќе отколку човек или пророк, Исус е вистински Бог и живот вечен (1 Јованово Послание 5,20) и затоа потребно е да го почитуваме како БОГ.

sk, дали титулите „Алфа и Омега“, „Првиот и Последниот“ и „Почетокот и Крајот“ се титули кои може да ги има единствено Бог?

ima mnogu argumenti deka isus ne e bog kako sto pisuva vo biblijata vo 2 mojseva 33:20 vo avaa prilika mojse sakal da go vide bog no bog jehova mu rekol covek ne moze da me vidi i da ostane ziv,a naprotiv isus go videle mnogu luge,isto vo solomonovite izreki 8:22-31 kako isus bil ocevidec se sto napravil jehova bog.

muharem adlan напиша: zborot alfa i omega se odnesuva na isus zosto isus e sozkaden od stranata na bog jehova.alfa znaci deka ima pocetok a omega znaci nema kraj i seta vecnost.

„”Јас Сум Алфа и Омега”, почетокот и крајот, - вели Господ Бог, Кој е и Кој беше и Кој иде - Сèмоќниот“ (Откровение 1:8)

Дали според твоево толкување следува дека и Семоќниот Господ (ЈЕХОВА) Бог има почеток, затоа што и Тој е наречен „алфа и омега“?

Koj sum jas da go definiram Bog.Ja neznam koj sum jas, i so kakvo pravo i so koe znaenje mozam da go stavam Bog vo kafez , koj e semoken i besmrten.


Imajte ja vo sebe istata misla, koja bese i vo Isusa Hrista; Koj iako e vo Bozjo oblicje, ne go smetase kako grabnato toa sto e ednakov so Boga, tuku se lisi Samiot Sebe, i zede oblicje na sluga stanuvajki slicen so lugeto.[Filipjani 2. 5-8].

Isus rekol ; Jas sum pat vistina i zivot.

Jas sum voskresenie.

Koj go ima Sinot ima zivot.

Jas znam deka Hristos go dal zivotot za mene , za celoto covecanstvo , a tuka gi fklucuvam i Jehovinite svedoci.

Planot na spasenieto e tajna.

Koj sum jas , so kakva sposobnost , so kakvo znaenje i so ogranicen um - mozam da go definiram Bog i da go znam negoviot plan.


Togas Go prasa:"Koj si Ti?" Isus im reca:"Imeno toa, keo vi zboruvam od POCETOKOT.[Jovan 8,25].

Misla deka prvata glava od Jovanovo poslani- objasnuva koj e Bog.

Da ne mudruvame mnogu.

ВО ШТО СЕ СОСТОИ РАЗЛИКАТА ПОМЕЃУ БИБЛИЈАТА И ОСТАНАТИТЕ КНИГИ?


Најнапред, Библијата се разликува од другите книги по тоа што е полна со свежина која зрачи од неа. Да повторам уште еднаш: за да се искуси таа свежина, потребно е нејзино темелно и длабоко истражување. Некој во неа може да најде одговор на прашањата за иднината, друг можеби ја чита за да ја исмее, а трет пак, ја чита за да го запознае Бог. Првиот и вториот веројатно ќе се разочараат од неа, но затоа пак третиот ќе добие вечен живот.
Библијата е непресушен извор и може да се чита еднаш, двапати, десетпати и секогаш да е со истата свежина. Еден шведски писател рекол: „Библијата е се уште моќен извор на животот како и порано. Може ли некој да потврди дека Библијата уништила нечиј живот? Таа е Божји Збор, нежен развигор на вечноста и можеш да ја читаш колку што сакаш, а да не се умориш".
Англискиот физичар Мајкл Фарадеј (1791-1867) со глад ја читал Библијата. и со голема љубов им зборувал на луѓето за неа. Би можеле да споменеме уште цела галерија личности, кои зборувале за убавината и за свежината на Библијата.
Светото Писмо е оаза сред пустина, каде што жедната и уморна душа може да најде поткрепа. Во Библијата мнозина нашле утеха кога биле во голема жалост, или надеж кога биле во очај. Таа е секогаш свежа, што не е случај и со другите книги. Ретко кога читаме некоја книга по втор пат, а да не ни биде здодевна. Уште се поретки книгите кои ги читаме по трет пат. Тоа е разликата помеѓу живата и мртвата книга. Co ова не порекнуваме дека постојат прекрасни книжевни ремек-дела, но ниедно не може да се спореди со Библијата која ги надвишува сите заедно.
Можеби некој ќе рече: „Па и неа ја напишале луѓе!". Да, тоа е вистина, но да видиме што вели за тоа самата Библија: „Знајте го прво тоа дека ниедно пророштво од Писмото не е сопствено кажување на пророкот. Зашто никогаш според човековата волја не е изречено пророштво, туку светите Божји луѓе зборувале просветлувани од Светиот Дух" (2 Пет.1:20-21).
Секој збор што се наоѓа во Библијата е инспириран, односно вдахновен од Светиот Дух и содржи живот. Луѓето кои биле инспирирани од Светиот Дух ја напишале оваа книга. Книгите од светската литература, колку и да се вредни и признати, сепак бргу застаруваат. Се случува во книжарниците да се продаваат книги по намалени цени. Зошто? Главната причина е неактуелноста на тие книги. Една теорија заменува друга, па така книгите стануваат несовремени. Единствено Библијата останува свежа, современа и секогаш на цена. Колку ли само крадци постанале чесни луѓе преку оваа книга. Еден американски гангстер го опишал својот живот во една своја книга под наслов: „Бев гангстер". Иако бил роден во христијанско семејство, сепак тргнал по погрешен пат. Во текот на 2. Светска војна станал специјалист за електроника, a no војната се вработил во полицијата изработувајќи апарати за прислушување. Иако бил познат по своите пронајдоци, според неговото мислење не бил доволно платен. Така, се одлучил да работи за гангстерите, додека и сам не станал еден од нив. Во подземјето на Калифорнија доживеал многу авантури. Во ноември 1949 година, во Лос Анџелес, под еден шатор ја слушнал пораката на евангелизаторот Били Греам, и после проповедта поттикнат од самата порака, решил да го остави стариот начин на живеење. Го примил Христос во своето срце и тоа било почетокот на неговиот нов живот. Многу нешта со кои ги мамел луѓето ги продал за да им ги врати парите на измамените. Преку Божјиот Збор, Библијата, овој некогашен гангстер, станал чесен и вреден христијанин. Ова е само доказ дека Библијата поседува моќ на трансформација, што не е случај со ниедна друга книга.
Сепак, и покрај ова како и многу други сведоштва, постојат луѓе кои неуморно се обидуваат да го поткопаат и урнат угледот на Библијата и ја споредуваат со обичните книги. За жал, и некои христијани ги прифатиле овие критики како основани, па верата во Бог им се разнишала. Затоа, уште денеска потребно е да се заземе јасен став во поглед на тоа прашање, за да можат младите во верата кога се пред искушение, да најдат цврста потпора. А оние кои се уште не поверувале, да ја разберат и да откријат какво богатство се крие во Библијата.
Се до денес, науката не е во состојба да одговори на прашањето: која е причината за смртта? На ова прашање, Библијата дава кус и јасен одговор: „ Платата за гревот е смрт!" (Рим. 6:23).
Тоа значи дека причината за смртта е гревот на човекот. За ова зборува и мудриот Соломон во своите Поговорки: „ Правдата го издига народот, a гревот е за негов срам " (14:34).
Причината за секоја неволја е во непослушноста кон Бог. Ако некој сака да добие одговор на прашањата од животна важност, мора да ја чита Библијата сериозно и темелно, бидејќи само така ќе дојде до саканата цел. Брзото и површно читање како и критикувањето, никаде не водат. Кој ја чита Библијата со отворено и искрено срце, преку неа може да дојде во контакт со живиот Бог.