Кумановци и нивниот темперамент

Куманово со 856 регистрирани наркомани

Алар­ман­тна е бројката на зависници од дрога во Куманово. Според по­да­то­ци­те на полицијата, во моментов има регистрирано 856 лица корисници на хероин, марихуана и на кокаин, но реалната бројка е петпати поголема. Во последните 10 години, 65 лица починале како последица на пре­до­зи­ра­ност.
"Во последните три години бројката секојдневно се зголемува, а возраста оди надолу", вели д-р Јадранка Стаменковска од Центарот за јавно здрав­је. "Најмладиот регистриран корисник зависник ни е на 12-годишна воз­раст. Она што ние треба да го работиме, е да превенираме, а не да лекуваме. Да се почне со превенцијата од најмала возраст, од семејството, преку гра­дин­ки­те, училиштата, вклучувајќи ги тука сите институции кои можат да да­дат свој придонес за да има резултати", тврди Стаменковска.
Од СВР Куманово велат дека преземаат мерки за спречување на оваа по­ја­ва, ја следат состојбата на терен и располагаат со конкретни податоци за бројот на регистрираните зависници, прекршоците кои тие ги прават и как­ви дроги користат.
"Це­лос­но справување со овој проблем не е можно, но со навремена пре­вен­ци­ја може да се намали бројот на зависници", објаснува Виолета Бог­да­нов­ска, началник во Одделението за превенција во СВР Куманово.
Нај­мно­гу се користи хероин, а најраспространета е марихуаната. Од кри­вич­ни­те дела, наркозависниците најчесто се извршители на кражби.