Витамини, минерали, метали...

Најважен начин да останете здрави и да го одржите нивото на имунитет е правилна исхрана. Храната е најдобар лек на светот доколку внесувате доволно количини на хранливи материи, протеини, масти и јагленохидрати. Секој ден треба да ги внесете потребните, дневни количини витамини и минерали во организмот.

Еве неколку совети како да се задржете на здравиот начин на исхрана:
1. Јадете барем по пет видови овоШје и зеленчук дневно.
2. Јадете по пет порции житарици дневно, по можност со цело зрно.
3. Јадете барем по 25 гр целулозни влакна дневно.
4. Јадете риба, но ограничете ги другите производи од животинско потекло.
5. Јадете од 50 до 150 мг соини изофлаваноиди.
6. Пијте најмалку осум чаши вода дневно, за да се засити телото.

Еве како треба да изгледа оптималната дневна доза витамини и минерали:

НОВ ПРОИЗВОД НА АЛКАЛОИД

Ацерола - природна витаминска Ц-бомба

Плодот на ацеролата содржи од 1 грам до 4,5 грами витамин Ц на 100 грами свеж производ, што е за 32 пати повеќе од плодот на портокалот, односно за 40 пати повеќе од плодот на лимонот

Витаминот Ц го јакне имунолошкиот систем на човекот и делува како моќен антиоксиданс. Во сезоната на грипови и инфекции тоа е најсигурната заштита на организмот. Според педијатрите овој витамин е особено значен за правилниот развој на децата.

Катерина Ставриќ, педијатар во Клиниката за детски болести, вработена во Имунолошкиот оддел, смета дека децата на помалата возраст многу често се подложни на инфекции и токму затоа е неопходно секојдневно внесување на витаминот Ц во нивниот организам.
- Правилната исхрана е најдобриот начин за внес на овој витамин во организмот, но во одредени состојби неопходно е и земање на синтетски витамин Ц, смета д-р Ставриќ. Според неа во периодот на лактација за да има мајчиното млеко доволно количество витамин Ц, мајката треба да зема храна богата со овој витамин. Ставриќ објаснува дека овој витамин не се складира во организмот и токму затоа неопходно е негово секојдневно консумирање.
- За децата до 6 месци потребната дневна доза е 40 мг, за оние до 12 месеци 50 мг, додека за жените дневната потребна доза на витаминот Ц е 75 милиграми. Мажите, пак, имаат потреба од 90 милиграми, а за жените кои дојат, неопходни се 120 милиграми, информира д-р Ставриќ.

Природниот витамин Ц - Ацерола од неодамна го произведува најголемата фармацевтска компанија во земјава, скопски Алкалоид. Се работи за табелти за џвакање од 50, 180 и 500 милиграми наменети за сите возрасти. Табелтите за џвакање од 50 милиграми можат да ги земаат децата до шестата година од животот. Таблетите од 180 милиграми се наменети за децата над 6 години, односно децата во школска возраст, а за возрасните лица се корисни таблетите од 500 милиграми.

Лекот којшто е природен, како што велат од компанијата, е регистриран според законските процедури и може да се земе во сите аптеки во земјава без лекарски рецепт.
Инаку, ацеролата е растение карактеристично за Северна и Јужна Америка, Тексас и Флорида, кое зрее во црешовидни светло црвени плодови. Плодовите на ацеролата се нарекуваат и тропска цреша, оти таа содржи висок процент на витаминот Ц.

Ацеролата се смета за вистинска природна витаминска Ц-бомба, бидејќи содржи од 1 грам до 4,5 грами витамин Ц на 100 грами свеж производ. Тоа е за 32 пати повеќе од плодот на портокалот, односно за 40 пати повеќе од плодот на лимонот. Плодот на ацеролата покрај витамин Ц содржи и други состојки здрави за организмот, витамин А, Б1, Б2, нијацин, калциум, железо, биофлавоноиди, потоа фосфор, калциум, магнезиум, цинк и пантотенска киселина.
Во традиционалната медицина ацеролата со векови за употребува за третман на анемии, настинки, грип, при дизентерија и треска, за подобрување на работата на срцето, при високо ниво на холстерол, нарушена функција на црниот дроб, туберкулоза, при ревматизам, за зараснување на рани, како и при уринарни инфекции. Американските Индијанци ја користеле како тоник за ревитализација и зајакнување.

Витаминот Ц е неопходна состојка која учествува во голем број метаболни процеси во организмот. Овој витамин не се создава во нашето тело, па затоа треба секојдневно да се зема преку исхраната или преку најразлични облици на таблети.

Ацеролата претставува и моќен антиоксиданс. Благодарение на своите оксидативни својства, ги неутрализира таканаречените слободни радикали кои се создаваат во самиот организам и кои се многу штетни, затоа што ги оштетуваат речиси сите ткива и ја нарушуваат нивната функција, а витаминот Ц го штити човечкиот организам токму од вакви состојби. Витаминот Ц учествува и во синтеза на колагенот, ја подобрува апсорпцијата на железо, го подобрува имунолошкиот статус и делува заштитно на капиларите.
- Зголемена потреба од витамин Ц има при зголемена телесна температура, заразни болести, склоност кон крварење, хемодијализа, рани, изгореници, при замор и диетална исхрана. Во сезоната на грипови витаминот Ц е погоден за заштита на организмот, а особено е корисен за бремените жени, постари лица и деца, потенцира д-р Ставриќ.