Сопственикот на бродот може да одбира меѓу трите различни простории: стандардна, со еден влез во кабината, со ормар-гардеробер и со бања, просторија со широк влез во кабината или онаа со мал влез и помал простор. Целата внатрешна опрема е изработена од врвна кожа!

Спаѓа во редот на најлуксузните јахти, а цената ѝ е над 7 милиони евра

Големите дизајнери со „Першинг 92“ уште еднаш ја покажаа совршената комбинација на техничката иновација и авангардниот дизајн, кои придонесуваат за големиот углед на групацијата „Ферети“ на меѓународен план. Освен значајно нагласената пространост на јахтата и употребата на нови решенија, важно е да се спомне и семејното чувство. Проектот се истакнува поради трите идеали што ја подобруваат интеракцијата меѓу членовите на семејството или гостите: широка палуба за сончање, можност за проширување на предворјето до самата пилотска кабина и уште една палуба за сончање на задниот дел од јахтата.

Заради прецизната студија на просторот, палубата за сончање е речиси невидлива однадвор

Карактеристични се нагласената посебност и осветлувањето за непосреден допир со морето. „Першинг 92“ ги содржи сите стилски елементи карактеристични за другите модели: прозорци на високо ниво, употреба на стакло и голема врата што го одделува приватниот дел од гостинскиот.
Палубата за сончање е една од посебностите на оваа нова јахта. Сега таа е уште попространа, сместена на покривот, гарантира најголемо уживање, релаксирање и приватност, и сето тоа во ексклузивниот дел резервиран колку за сопственикот, толку и за неговите гости. Заради прецизната студија на просторот, палубата за сончање е речиси невидлива однадвор и не го менува тенкиот профил на „трупот“ на јахтата. На истата палуба се наоѓа и полукружен модерен мебел, кауч и стол, кои може да се спуштаат и така да создадат голема платформа за лежење.

ВИП-кабините се наоѓаат во предниот дел

Внимателниот дизајн на надворешните линии, како и единството на просторот се одразуваат и во внатрешниот дел и во сите простории што се наоѓаат под покривот. Тука е видливо особеното чувство за детали. Две софи, свртени една кон друга, голема маса и мобилен бар – изненадува специфичната пространост. Оваа просторија, всушност, е една од најудобните места на јахтата.
Сопственикот на јахтата ќе ужива во просторијата што се наоѓа на средината и ја одликува богата природна светлина. ВИП-кабините се наоѓаат пак во предниот дел, а нивната опременост и дизајн се осмислени до најситниот детаљ. Двете гостински кабини имаат по два кревета и приватни бањи. Целиот мебел е кожен, а тоа придонесува за дополнителна префинетост на атмосферата.
Во стандардна верзија Першинг 92 е опремен со два МТУ-дизелски агрегати со 2.638 коњска сила, со површински пропелери и „Арнесон“, со што постигнува најголема брзина од 42 јазли.