Црна хроника

Брачен пар се обиде да се самоубие

Екипите на јавното претпријатие за станбен и деловен простор го иселија семејството Мицеви од неговиот дом. Тогаш сопружниците во целиот очај се обидоа да си го одземат животот.

Ќе се убиеме ако не иселите од нашиот дом, соочени со решените за иселување од јавното претпријатие за станбен и деловен простор, семејството Мицеви во очај сакаа да се убијат кога работниците влегоа во нивниот двор.

„Ќе направам беља луѓе, ќе се запалам, жими се најмило. Бегај! Бегај од мене! Знаеш ли што ми направи? Тргни се!“, викаше Трајан Мицев.

Не помогнаа ниту убедувањата на семејството ниту на соседите.

„Со мало дете го селите човекот, сред зима! Со мало дете. Нема човечност“, рече комшијата на Мицеви.

Но драмата не заврши со носењето на Трајан, во безизлезна ситуација и Лора Мицева го сврти ножот кон себе.

„Неможам да издржам повеќе, неможам!“, збореше во плач Лора.

Семејството Мицеви пред десет месеци доби налог за иселување кога нивниот стан Владата го додели на друг човек, оттогаш јавното претпријатие се обидува да ги исели Мицеви. Правните експерти неколкупати предупредија дека иселувањето на семејството е спротивно на законот за домување, тие живеат тука 15 години и затоа треба валидна судска одлука.

Од јавното претпријатие се правдаат дека тие не знаеле за станот бидејќи бил воен и имале право за насилно иселување, но од јавното претпријатие немаа доблест да кажат зошто 15 години немале евиденција за станот, и зошто сред зима, на сила иселуваат тричлено семејство со девојче од 11 години директно на улица.

Семејството Мицеви, Трајан, Лора и нивната ќеркичка Ана Марија се сеуште истрауматизирани од денешните настани.

Трајан, можете ли да ни кажете каде ќе спиете вечер?

„Па, јас пред малку се вратив од полициска станица, само знам дека не ги извадија стварите. Ние се враќаме дома и вечерва ќе останеме тука, а што ќе биде понатаму, незнам.

Значи стварите ви останаа од станот?

-Да, во станот се, не извадија ништо, се враќаме назад, вечерва сме тука.

Значи вечер имате каде да спиете?

-Да, вечерва имаме каде да спиеме, а што ќе биде понатаму, незнам.

Што ќе правите утре, доколку пак ве иселат утре, доколку ги изнесат стварите, каде ќе одите, каде ќе спиете?

-Немам каде, немам каде да одам. Оваа тортура трае веќе десет месеци. Непостои институција каде што се немам обратено, имам поднесено барање и до Влада на Република Македонија за да го добијам станот според најновиот закон за домување што е излезен. До министерството за транспорт и врски, до јавното претпријатие за стопанисување, од никаде немам никаков одговор“, рече Трајан Мицев.