Депресија и фобии

Симптоми на депресија

• Постојано чувство на тага, вознемиреност или чувство на празнина
• Чувство на беспомошност, песимизам
• Чувство на вина, безвредност, беспомошност
• Губење на интерес  задоволство од активности кои порано предизвикувале задоволство, вклучувајќи и сексуални активности
• Намалена енергија, успореност
• Потешкотија во концентрацијата, помнењето, донесувањето одлуки
• Проблеми со спиењето, рано будење, или прекумерно спиење
• Губење апетит или тежина, или прекумерно јадење
• Мисли на смрт или самоубиство, обиди за самоубиство
• Немир, иритираност
• Постојани физички симптоми кои не реагираат на лечење, како на пример главоболки, проблеми со стомакот, и хронични болки

Манични симптоми

• Невообичаена или екстремна расположеност
• Невообичаена иритираност
• Намалена потреба за спиење
• Грандиозни идеи
• Зголемена зборливост
• Порив на идеи и мисли
• Зголемена сексуална потреба
• Воочливо зголемена енергија
• Слаба проценка на ситуациите
• Несоодветно социјално однесување

• Справување со депресијата

  Депресијата предизвикува чувство на истоштеност, безвредност и беспомошност. Овие негативни мисли или чувства предизвикува некои луѓе да сакаат да се откажат. Битно е да се сфати дека овие негативни пристапи се дел од депресивното растројство, за што е типично тоа што не ја одразуваат верно реалноста. Негативното мислење може да се намали благодарение на третманот. Во меѓувреме:

  • Поставете си реалистични цели (во врска со депресијата) и преземете одредена одговорност кон своите постапки
  • Поделете ги поголемите задачи на помали, поставете си приоритети, и направете го она што можете и колку можете
  • Обидете се да бидете со други луѓе и да се поверите на некого- тоа е секогаш подобро од тоа да сте сами со своите проблеми
  • Учествувајте во активности кои ќе ве прават да се чувствувате подобро- практикувајте умерени вежби, одете во кино, посетете некој спортски настан
  • Не очекувајте ненадејна промена на вашето расположение, потребно е време работите да се променат
  • Се препорачува донесувањето на значајни одлуки во животот да се одложат додека не се подобри состојбата. Пред да одлучите да ја смените работата, да влезете во брак или да се разведете, разговарајте со некого кој добро ве познава и кој има пообјективен пристап од вас
  • Луѓето ретко брзо излегуваат од депресија, меѓутоа можат да почнат да се чувствуваат подобро од ден на ден.
  • Дозволете им на вашите пријатели и семејство да ви помогнат

  
  Како можат пријателите и семејството да помогнат?

  Најбитно е да луѓето кои сакаат да му помогнат на лицето кое страда од депресија да бидат полни со разбирање, да имаат трпение и да го/ја охрабруваат. Разговарајте со нив и ислушајте ги внимателно. Не се потсмевајте на она што ви го кажуваат, меѓутоа истакнувајте ја реалноста и поттикнувајте надеж. Не критикувајте го лицето дека глуми болест или дека е мрзливо, и не очекувајте да се промени преку ноќ. Со терапијата со тек на време тој/таа ќе се чувствува подобро и обидете се во тоа да го убедите него/неа.
   
  Неопходно е да тој/таа знае дека може да се повери на вас кога ќе се чувствува особено лошо. Охрабрете ја/го да го посетува својот терапевт, а ако е потребно и придружувајте го/ја при посетата на терапевтот. Не ги игнорирајте коментарите за самоубиство. Известете го за ова лицето кое е одговорно за терапија.