Како да ги откажеш цигарите?

Како да се откажете од пушењето
Спасот е во течноста

Оние кои сакаат да се ослободат од цигарите ќе ги олеснат кризите за време на одвикнување од пушењето преку големо количество течности. Ако секој здрав човек секојдневно би требало да внесува во организмот од еден и половина до два литри вода, сокови, чаеви, супи, тогаш пушачот мора да испие уште еден дополнителен литар, односно дневно да пие по најмалку два и половина литри течност. Бидејќи таа помага катранот, смолата и бројните други штетни материи едноставно да се мијат и од ќелиите и да се елиминираат од организмот, а со тоа и желбата да запалите се намалува.

Покрај тоа, не е сеедно и кога и како ја пиете водата. Најдобро е наутро на празен стомак да се испијат две чаши вода, потоа претежно треба да се зема претпладне, по една чаша помеѓу оброците, но не и непосредно пред спиење. Водата треба колку што е можно повеќе да ја коистите и за освежување на кожата. Препорачлива е и физичката активност, шетање по 15-тина минути или половина час дневно.

ТУШИРАЊЕ

Време е да се препуштите на туширање два или трипати на ден, по петнаесет до дваесет минути .

Опуштете се. Ако почувствувате дека повеќе не можете да издржите да не пушите одете веднаш назад во кадата или под тушот зашто таму е потешко да се запали цигара.

Освен тоа, за да се опуштите ќе ви помогне и триењето со студена ракавица за капење. Тоа е позната метода во гимнастиката и се препорачува за крвните садови, ги опушта нервите, го подобрува протокот на крвта и создава чувство на комфорност.

Станете наутро, неколку минути порано отколку што ви е вообичаено. Во топла бања наполнете ја кадата со млака или студена вода. Добро накиснете ја ткаенината за триење, а потоа внимателно исцедете ја. Цврсто тријте ги рацете до рамо, се додека кожата не добие црвеникава боја.

Продолжете со триење се додека не се покаже саканата црвеникава боја, која означува дека се подобрила циркулацијата во крвта во периферните садови. Некои забележуваат дека е потребно подолго триење за да се постигне црвената боја на кожата. Тоа покажува дека површинските периферни садови тешко се прошируваат.

Но ако триењето со поостра ракавица го повторите тоа и следното утро, површинските крвни садови побрзо ќе се прошират.

Секое утро, постепено употребувајте постудена вода за да постигнете поголем ефект. Но не обидувајте се со триење на целото тело уште во текот на првото утро. Второто утро тријте ја другата рака. Третото утро редоследот треба да биде следен: левата рака, десната рака, а потоа градниот кош. Четвртото утро можете да преминете на нозете, после триењето на рацете и градниот кош, така што целото тело ќе биде истриено.

РЕДОВНОСТА Е ВАЖНА

Доволно одморете се, особено во првите пет дена, редовно земајте ги оброците, одредете време за легнување (нема да ви штети ако спиете осум часа). Планирајте порано да си легнувате, уште во текот на првата вечер. Дајте им на вашите нерви добар одмор, зашто секој вид умор е непријател на волјата. Многумина се навикнати на долго седење будни. Останувањето буден до завршувањето на телевизиската програма го одзема од морот кој му е неопходен на телото. Наутро се јавува мамурлак, тешко се станува од кревет, а напнатите нерви бараат цигара. Таквите луѓе не можат да поседуваат цврста волја и сила за каков било вид борба, а особено не за борба против пушењето.

Ве потсетуваме уште еднаш да направите план кој ќе ви овозможат доволно ноќен сон во текот на тие пет дена, без разлика дали вашиот замор произлегува од недостатокот на соодветен одмор или за тоа што сте преокупирани со работа.

ПО ЈАДЕЊЕТО НЕМА СЕДЕЊЕ

По оброкот излезете надвор, шетајте и длабоко дишете од 15 до 30 минути. Не седете после јадењето! Тоа е време кога ќе посакате цигара. Одете надвор!

Станете и започнете го своето хоби или одете на прошетка. Дозволено ви е и да му помогнете на вашиот партнер околу неговите обврски. Без разлика на се, не седете по јадењето. По се кој оброк одете задожително на прошетка.

Уште една причина: се смета дека мозочните ќелии трошат околу пет пати поголема количина кислород за разлика од останатите делови од телото. Од тоа произлегува дека намалените количини кислород кои ги добива мозокот доведуваат и до нарушување на мозочните функции. Можеме да направиме логички заклучок дека мозочните функции, чија активност е нарушена како резултат на недостатокот од кислород, исто така ќе и се закануваат на нашата волја, чија силани е многу потребна за да и одолееме на навиката за пушење.

Медицинските истражувања покажуваат дека предните делови од мозокот се тесно поврзани со функциите на волјата, разумот и мислењето. Недостатокот на кислород најмногу делува на тие делови од мозокот.

Според тоа, во текот на следните неколку денови, кога силната волја и смирените нерви ќе ви бидат многу неопходни, излезете, особено посекој оброк за да го обезбедите потребното количество кислород.

ВОДЕТЕ СМЕТКА ШТО ПИЕТЕ

Никако, немојте да пиете алкохолни пијалаци, чај, кафе, кока-кола или други сли чни пијалоци. Избегнувајте ги сите смирувачки или надразнувачки средства за да ги опоравите нервите побрзо. Треба да пиете безмасно млеко или топли сокови од морков, целер или друг зеленчук.

Поврзаноста на кафето и цигарите е дел од навиките и одредена рутина, а покрај тоа, кофеинот од кафето ги надразнува нервите. Во овој миг не ви е потребна дополнителна нервна напнатост. Морате строго да внимавате да останете смирени.

Друг значаен непријател на волјата е алкохолот. Во каков било облик, тој непосредно делува на најважните мозочни центри, на разумот, силината на волјата и на мислењето. Затоа, алкохолот на речете го непријател број еден.

Речиси во секоја група луѓе кои настојуваат да ја победат навиката за пушење, наоѓаме голем број лица кои во тој поглед одлично напредуваат, се до она судбоносно попладне кога ќе се најдат на некаков прием. Тие целосно свесно настојуваат да се држат за една единствена чаша пиво во текот на целата забава, а тогаш некои стари пријатели ги наведуваат на мала здравица во името на добрите стари времиња. Кога малку подоцна ќе испушат половина кутија цигари не им е јасно што е тоа што ја разбило нивната волја на илјадници делови.

НЕ ЈАДЕТЕ ТЕШКА ИМНОГУ ЗАЧИНЕТА ХРАНА

Лесно е да препознаете човек кој пуши многу зашто неговата храна е многу зачинета. Освен тоа, тој јаде повеќе месо, сочно печено, пржени јадења и масна храна, така што нему му се чини не возможно откажувањето од цигарите.

Стравствениот пушач употребува многу силни зачини затоа што тутунот го умртвува сетилото за вкус. Заради тоа му е потребна голема количина остри зачини за да ги „поткрене“ своите мртви „сетила“.

Доколку таквиот човек наеднаш престане да пуши, неговото сетило за вкус почнува да се буди од долгогодишната наркоза и тој востановува дека вкусот на јадењето му е извонреден. Но тоа од него бара самосовладување на уште едно поле: „Веќе нема да јадам премногу“. Земајќи го сето тоа предвид, во првите пет дена оставете ги зачините на страна. Не ја дете сенф, црн бибер, зачинет ајвар и рен.

ШЕЌЕР - НЕ

Во белиот шеќер нема ниту калциум, ни фосфор, ни железо, ни витамин А, ни витамин Б. А што е уште поважно - на вашето тело му е неопходен витамин Б за да се потроши шеќерот во крвта.

Секогаш кога земате преголема коли чина шеќер, залихите на витаминот Б кој е важен за одржувањето на животните функции постојано се користи за трошење на употребениот шеќер. Затоа не е ништо чу дно што сте нервозни и напнати.

Во текот на првите пет дена додека се разделувате со навиката за пушење, оставете ги настрана масните колачи и слатките кои содржат голема количина шеќер. Така ќе им овозможите на вашите нерви да ја надминат бурата која доаѓа.

ШТО ДА ЈАДЕТЕ

Во оброците можете да ги ставите сите видови овошје, зрнест и зелен зеленчук и оревите. Јадете доволно свежо овошје. Не земајте овошје и зеленчук во текот на еден оброк заедно. Помеѓу оброците не јадете ништо!

Многумина не сакаат да го остават пушењето заради тоа што се плашат дека ќе се здебелат. Тие прашуваат: „Што е полошо, да се биде премногу дебел или да се живее со последиците предизвика ни од пушењето?“. Не грижете се за телесната тежина во текот на првите денови. Ќе пиете многу вода, па веројатно ќе добиете и некој килограм повеќе, но таа вода е неопходна за да се ослободи вашиот организам од никотинот.

Секако, проблемот со прекумерната тежина е многу важен. Вие ќе успеете да го решите уште во текот на првите пет дена, многу поуспешно отколку што сте замислувале. Вашата волја постојано се засилувала. Ве спречила да го пиете и да го јадете она што ви штети. Таа ќе ви по служи како вредно оружје во борбата против зголемената тежина. Поголемиот дел од луѓето полесно ја контролираат телесната тежина отколку навиката за пушење. Затоа, бидете храбри!

Еве едноставен начин да изгубите половина килограм од својата тежина за една седмица. Започнува со појадок.

Луѓето прават грешки кога го отфрлаат појадокот , а потоа продолжуваат да го надополнат во текот на целиот ден. Но, ако постојано јадете нешто, тогаш „ја минирате“ вашата диет-програма. Невозможно е да се јаде помеѓу редовните оброци, а истовремено да се контролира и тежината.

Понекогаш се земаат само два оброци дневно, но во погрешно време. Го јадат ручекот, а потоа прават гозба за вечера. Вашиот најлесен оброк нека биде навечер. Намалете ја количината храна која ја ставате во вашата чинија за една третина. Исфрлете ја или смалете ја пржената храна, мастните сосови и слатките. Помеѓу оброците, ако морате, јадете по некој залак репка или целер.

ПОМАГААТ И ДОПОЛНИТЕЛНИТЕ ВИТАМИНИ

За да добиете дополнителна количина витамини, особено оние од групата Б кои ќе им помогнат на вашите нерви да го издржат недостатокот од никотин, секојдневно со секој оброк земајте една или две кафени лажици пченични снегулки.

Останатите кои сакаат дополнителна количина витамин Б треба да му се обратат на својот матичен лекар кој ќе им препорача таблети или капсули со витаминот Б.

ЛЕКОВИТЕ КОИ ИМААТ ШИРОКА ПРИМЕНА МОЖАТДА ВЕ РАЗОЧАРААТ

Посебните таблети или некои други средства можат да ви бидат од голема помош доколку сакате да престанете со пушењето. Некои се заколнуваат во нивната вредност додека на другите не им помагаат. Можеби и вие сакате да пробате од таквите средства. Но, ако вашите нерви почнат да се бунат, дури и премногу гласно заради начинот на кој му се спротивставувате на тутунот, не одбегнувајте да му се обратите на својот лекар кој може би ќе ви препише благо средство за смирување.

Внеси реплика	страница <1 19 202122 23 26 >
Tweet