Деца

Американскиот педијатар, доктор Гари Смит, вели дека многу видови храна се едноставно опасни за деца - како грозје, пуканки, кренвиршли. Особено последните.

Врвот на кренвиршла е совршен затворач на душникот. Толку добро може да се заглави, што за неколку минути може да донесе смрт заради недостиг на кислород, вели доктор Смит од Детската болница во Охајо. Тој и други педијатри велат дека мора да има предупредувачки етикети на високоризични видови храна.

Лекарите во Кина со помош на хируршки зафат отстранија 13 сантиметри долга опашка од четири-месечно бебе.

Малото девојче, Хонг Хонг, е родено со опашка. Нејзиниот татко, Хоу, кој живее во источниот дел на Кина во провинцијата Анхуи, вели дека биле шокирани кога ја виделе опашката веднаш по нејзиното раѓање.

- Сакав да и биде веднаш отстранета дента кога се роди, но лекарите предложија да почекаме некое време да закрепне како би можела да ја издржи операцијата. Секој ден ја мерев опашка, надевајќи се дека ќе се намали, но наместо тоа од ден на ден беше се поголема и поголема, додава тој.

Лекарите во Детската болница од Анхуи велат дека и тие биле изненадени од случајот.

- Тоа е многу редок случај, може да се случи еднаш  на милион новороденчиња. Никогаш не сме виделе вакво нешто - вели д-р Сан Јун

Рентген снимките покажале дека опашката била поврзана со масно туморозно ткиво во пределот на 'рбетниот столб.

- Операцијата беше успешна, но сепак е премногу рано да се каже дали ќе биде потребно натамошно лекување.